Blloku Bota

Irani dhe Arabia Saudite, dy rivalët e mëdhenj në Lindjen e Mesme kanë vendosur të rivendosin marrëdhëniet diplomatike. Marrëveshja është njoftuar në një samit tripalësh në Pekin dhe është ndërmjetësuar nga Kina, një element ky domethënës për rolin që po merr ky vend në arenën ndërkombëtare.

Pas bisedimeve Republika Islamike e Iranit dhe Mbretëria e Arabisë Saudite kanë rënë dakord të rivendosin marrëdhëniet diplomatike dhe të rihapin ambasadat dhe misionet përkatëse  brenda dy muajve

Endri Fuga është edhe në Britaninë e Madhe. Jo vetëm në Shqipëri. Kritikat janë të papëlqyeshme edhe në Albionin e famshëm të demokracisë, teksa transmetuesi publik, BBC, është përballur së fundmi me revolta të disa moderatorëve të njohur për shkak të largimit nga pozicioni I ish-futbollistit, Gary Lineker.

Presidenti hungarez Victor Orban ka deklaruar se bota është më afër se kurrë shndërrimit të një konflikti lokal në konflikt global. Në një intervistë për radion hungareze ai ka akuzuar liderët perëndimorë si të obsesionuar nga ethet e luftës duke vijuar furnizimin e Ukrainës me armë.  

Në vend se të promovojnë unanimisht paqen, bota është e ndarë. Turqia, shtetet arabe, Kina dhe vendet afrikane duan armëpushim dhe bisedime paqeje

Johan Vollenbroek është një kimist që sipas mediave si “Politico” ka vënë në diskutim të ardhmen e fermerëve hollandezë. Ai është kërcënuar disa herë me vdekje sidomos për shkak të betejave të tij kundër ndotjes të shkaktuar nga nitrogjeni.

Është e qartë se fermerët në mbarë Europën duhet të kalojnë në një fazë tranzicioni

citohet ai.

Në një intervistë për televizionin italo-zviceran, RSI, Papa Françesku ka komentuar luftën aktuale në Ukrainë, që sipas tij nuk ushqehet vetëm nga ambiciet imperiale të Rusisë.

Zëdhënësja e Ministrisë së Jashtme të Rusisë, Maria Zakharova, ka deklaruar se ndërtimi i një baze stërvitore polake në Ukrainën Perëndimore, do të sjellë përfshijen e Polonisë në luftë. Gjatë një komunikimi me gazetarët Zakharova ajo e ka cilësuar ndërtimin nga kompania polake Lubawa S.A. të një qendre stërvitore në rajonin Volyn si një përfshirje të drejtpërdrejtë të Polonisë në konflikt, duke theksuar se:

objektet ushtarake në Ukrainë janë shënjestra legjitime për forcat e armatosura ruse

Një projektiligj i miratuar së fundmi në parlamentin gjeorgjian ka provokuar ato që po marketohen si protesta por-europiane. Mediat në Perëndim kanë vënë në dukje se presidentja e vendit, franko-gjeorgjania, Salome Zourabichvili, e ka cilësua ligjin si të diktuar nga Rusia pasi sipas tij, çdo organizatë që financohet me më shumë se 20% nga fondet të huaja të regjistrohet si “agjent i huaj”, ose do të përballet me gjobë.

Presidenti serb, Aleksander Vuçiç, ka njoftuar krijimin e Lëvizjes e Shtetit të Popullit dhe në kuadër të saj do të nisë një tur në mbarë Serbinë.

Sipas deklaratave të cituara nga mediat serbe, Vuçiç ka bërë të ditur se lëvizja e re do të krijohet në funksion të shtet – ndërtimit për mbijetesën dhe përparimin e Serbisë.

Raportime nga terreni në Ukrainë flasin për kapjen nag forcat ruse të pjesës lindore të Bakhmutit, ndryshe Artyomovsk në versionin rus. Lajmin e ka dhënë themeluesi i grupit “Wagner”, Evgeny Prigozhin që ia ka atribuuar suksesin trupave të tij.

Njësitë e grupit “Wagner” kanë pushtuar të gjithë pjesën lindore të Bakhmutit. Çdo gjë në lindje të lumit Bakhmutka është tërësisht nën kontrollin e njësive tona

citohet ai nga agjencia “Tass”.

Gazeta amerikane “New York Times” ka publikuar dje një variant të ri që është raportuar gjerësisht, për incidentin e gazsjellësit “Nord Stream”. 

Gazeta citon burime të shërbimeve amerikane sipas të cilave pas sabotimit të gazsjellësit në shtator të vitit 2022 mund të qëndrojë një grup pro-Ukrainës, përbërë ndoshta nga ukrainas apo edhe rusë.