Blloku Bota

Turqia ka reaguar ndaj publikimit të Planit Hapësinor Detar nga ana e Bashkimit Europian, sipas të cilit Zona Ekskluzive Ekonomike e Greqisë shtrihet 200 milje detare përtej detiti të saj territorial.

BE-ja nuk ka autoritet të komentojë mbi mosmarrëveshjet detrare mes shteteve sovrane. Përfshirja e BE-së në nisma të tilla e bën edhe më të vështirë zgjidhjen e këtyre mosmarrëveshjeve…Harta në fjalë  është nul dhe nuk ka asnjë efekt ligjor. Ne nuk do të lejojmë dhunimin e të drejtave turke përmes këtij plani

Rebelimi Ekologjik, një grup opozitar në Serbi, ka dënuar planet e qeverisë serbe, më saktë presidentit Vuçiç, për nxjerrjen nga statusi i trashëgimisë të “Generalstab” në Beograd, kompleksi i vjetër i ushtrisë jugosllave.

Ardhja e Donald Trump në krye të Shtëpisë së Bardhë ka vënë në lëvizje diplomacinë europiane. Telefonata e kancelarit Scholz me Presidentin rus Putin synon në parim arritjen e një fundi të luftës në Ukrainë edhe me koston e lëshimit të territoreve. Nga ana tjetër, vetë presidenti ukraians, Zelenskiy ka deklaruar në një intervistë të publikuar sot se Kievi është i interesuar të arrijë fundin e luftës me mjete diplomatike.

Pas më shumë se dy vitesh kancelari gjerman Olaf Scholz ka zhvilluar një bisedë telefonike me presidentin rus, Vladimir Putin. Sipas njoftimeve mediatike, kancelari gjerman i ka kërkuar Putin të hyjë në negociata me Zelenskiyn “për një paqe të ndershme dhe afatgjatë me Ukrainën”.

Opozita dhe qytetarët serbë kanë organizuar një protestë të veçantë sot – e premte 15 nëntor – në Novi Sad. 14 minuta ndaloi çdo gjë në qytet, prej orës 11:52 deri në orën 12:06 për të kujtuar 14 ditë që nga aksidenti tragjik i stacionit të trenit që mori 14 jetë njerëzore.

Opozita nga Beogradi është solidarizuar me protestën, e cila është zhvilluar në disa zona të Novi Sadit.

Një raport i Human Rights Watch përcakton se Izraeli ka kryer spastrim të qëllimshëm etnik në Gaza prej nga ku ka deportuar 2 milionë civilë palestinezë.

Greqia është duke diskutuar me Izraelin për ndërtimin e një mburoje ajrore si ajo që njihet me emrin: Iron Dome.

Plani synon krijimn e një sistemi shumëplanësh ajoror dhe anti-dron. Ne jemi në diskutime me Izraelin

citon gazeta “Kathimerini” një burim të vetin pranë ministrit të Mbrojtjes Nikos Dendias.

Humbja katstrofike e demokratëve në ShBA ka hapur rrugën për diskutimin e rinovimit të lidershipit. “The Hill” shkruan se në radhët e demokratëve ka nisur të shihet si kandidati më premtues për zgjedhjet e ardhshme, guvernatori i Pensilvanisë, Josh Shapiro, me origjinë hebreje.

Për një demokrat, cdo shteg për në Shtëpinë e Bardhë më 2028 kalon edhe nga Pensilvania dhe dikush që është popullor si askush tjetër do të marrë shumë vëmendje

Siç ishte njoftuar më herët, Presidenti I zgjedhur I SHBA, Donald Trump, është takuar me presidentin në detyrë, Joe Biden. Takimi ëzhtë zhvilluar në Shtëpinë e Bardhë dhe në videon e shpërndarë shihen tonet kordiale mes dy presidentëve që shkëmbejnë rolet.

Trump ka deklaruar se “sot politika është shumë e mirë” duke vlerësuar nevojën e tranzicionit paqësor të pushtetit.

Gazeta britanike “The Guardian” ka mbyllur llogarinë e vet në rrjetin “X”, ose më saktë nuk do të postojë më përmbajtje të sajat aty. Përmes një deklarate gazeta sqaron arsyet e këtij bojkoti:

Ne mendojmë se përfitimet e të qenit në X kapërcehen tashmë nga aspektet negative dhe burimet mund të përdoren më mirë në promovimin e gazetarisë sonë gjetkë