Blloku Bota

Presidenti serb, Aleksander Vucic, ka tentuar një lëvizje të fundit lobuese për Serbinë, pas sanksioneve amerikane ndaj kompanisë së naftës, NIS. Ai ka propozuar që Serbia të presë një takim mes Putin dhe Trump, ide që do të vendoste vendin dhe qeverinë e tij në një dritë të re vlerësimi nga fuqitë kryesore në Europë. Lidhur me këtë temë është prononcuar edhe ambasadori amerikan në Beograd, Chris Hill, sipas të cilit ideja do të konsiderohet në Ushanigton.

Kancelari i ri i mundshëm i Gjermanisë, Friesrich Merz, është pritur mirë nga Franca. Ministri i ri Tregtisë në Francë,  Laurent Saint-Martin, ka përcjellë disa komente pozitive mbi emrin e Merz duke krijuar një klimë të re komunikimi për çështje strategjike të Unionit që duhet të sqarojë sesi do përballet me rivalitetin e Kinës dhe ShBA.

Kremlini përjashton zbatimin e njê skenari gjerman në Ukrainë. Skenari supozon ndarjen e vendit në linja demarkacioni në modelin e dy Gjermanive, por për zv.kreun e Këshillit të Sigurisë në Rusi, Dmitry Medvedev, kjo zgjidhje është tërësisht jorealiste. 

Francës i ka dalë "një problem i ri" në politikën e jashtme: Algjeria. Ministria e Jashtme e kësaj të fundit ka hedhur poshtë akuzat për fushatë dizinformimi, provokuar nga një incident deportimi të një influenceri të TikTok-ut.

59 vjeçari u ndalua nga autoritetet franceze në Montpellier pasi postoi video në TikTok. U kthye në Algjeri, por ai nuk u pranua në Algjeri dhe u kthye sërish në Francë.

Serbia përballet këto ditë me një presion në rritje që lidhet me sanksionet amerikane për kompaninë kryesore të gazit, NIS. E përfshirë në lidhje interesi me Gazprom-in rus, kompania përfaqëson një ndër asetet më me vlerë të vendit dhe një instrument stabiliteti ekonomik.

Presioni duket se ka ecur. Mediat e ndryshme raportojnë se autoritetet daneze kanë kontaktuar me presidentin e zgjedhur të SHBA, Donald Trump, të cilit i kanë dhënë garanci se janë të gatshëm të diskutojnë rritjen e pranisë amerikane në Groenlandë.

Sipas raportimeve në media, autoritetet daneze kanë siguruar Trump se shqetësimet e tij të sigurisë, mund të adresohen pa kaluar në aneksime territoriale.

Drejtuesi dhe pronari kryesor i kompanisë META, Mark Zuckerberg, ka kërkuar nga presidenti i ri amerikan, Donald Trump që të mbrojë kompanitë amerikane të teknologjisë nga gjobat e Bashkimit Europian. Zuckerberg është shfaqur në podcastin e Joe Rogan, përmes të cilit ka bërë disa komente që me gjasë shkojnë në favor të një lobimi pranë presidencës Trump.

Ministria e Mbrojtjes së Greqisë ka vendosur pensionimin e 47 ushtarakëve të lartë, përfshirë kreun e ushtrisë, Inspektorin e Përgjithshëm të Ushtrisë, kreun e Marinës dhe të Forcave Ajrore. 

Mund të duken si të papritura, por këto janë një hap i vendosur që pasojnë vendime për bashkimin e njësive ushtarake dhe vënien në jetë të një Strukture të re të Forcës, aprovuar nga Parlamenti dhe Këshilli Kombëtar i Mbrojtjes

Beogradi dhe Sarajeva janë përfshirë në një lloj tensioni diplomatik që ka mbërritur në deklarata reciproke. Pjesëmarrja e zyratrëve të lartë të shtetit serb më 9 janar në atë që njihet si Dita e Republikës Srpska, ka sjellë një notë zyrtare nga Sarajeva, e cila e quan antikushtetuese aktin në fjalë. Përkundër këtij veprimi, Beogradi ka reaguar me një deklaratë zyrtare duke dalë në një çështje për të cilën deri më tani ka mbajtur një heshtje artificiale.

Në ikje e sipër, kancelari gjerman, Olaf Scholz, përballet edhe me disa “akuza” për bllokim të një ndihme prej 3 miliardë eurosh ndaj Ukrainës.

Lajmin e ka bërë të ditur revista “Spiegel” sipas të cilës propozimi u bë nga ministrja e Jashtme, Annalena Baerbock dhe ai i Mbrojtjes, Boris Pistorius dhe përmes tij sugjerohej furnizimi i Ukrainës me sisteme kritike, përfshirë bateritë Iris-T për mbrojtjen ajrore.