Të Kripura

Gazeta “Tema” njofton sot se kryetari i Bashkisë së Tiranës Erjon Veliaj sugjeron ndryshimin e orarit të administratës për të eliminuar trafikun.

Si qëndron puna?

Burime nga Facebook i Ylli Manjanit bëjnë me dije se Edi Rama ka ndihmuar fushatën e Hillary Clinton edhe me disa karikatura të Donald Trump që i ka dërguar për përdorim elektoral. Nëse Clinton do të fitonte, ishte menduar që Rama të merrte pjesë në një ekspozitë të veçantë për këtë qëllim. Duket se kjo shaka është zbuluar dhe siç mund të merret me mend kontakti mes Ramës dhe Trump është i pamundur, pasi në këto kushte presidenti amerikan e ka të pamundur të heqë nga mendja Edin artist e të imagjinojën Ramën kryeministër. 

Dalin të dhëna të “reja” nga greva e urisë së organizuar nga Partia Socialiste në vitin 2010. Në një kabllogram të pikasur së fundmi, publikuar nga WikiLeaks, ambasada amerikane raportonte asokohe mbi vendimin e PS-së dhe kryetarit të saj, Edi Rama, për të zhvilluar grevën e urisë në bulevardin kryesor të Tiranës.

“PS-ja ka vendosur të  hyjë në grevë urie në bulevardin e Tiranës, pasi dështoi në zgjidhjen e problemit zgjedhor me protesta”, shkruan përfaqësuesi i ambasadës amerikane që asokohe drejtohej nga Withers.

Kryeministri Edi Rama e ka zgjedhur këtë fotografi, si "Foton e Ditës" në profilin e vet në Facebook, duke i shtuar kështu vajtimit kombëtar për ikjen e Dritëroit, edhe performancën e ekzorcistit nën modelin e një katoliku. Krejt e panevojshme, pasi siç edhe kombi dixhital ka rënë dakord, shkrimtari i njohur ka vend vetëm në Parajsë. Ndoshta është këndi i shkrepjes që e bën këtë bir të Perëndisë të duket sikur po lufton me demonët. Sikur - pasi funerali duket më tepër si skenaografia e një show, jo si vendi për shprehje respekti apo lutjeje.