Politikë

Partia Socialiste është larg të qenit partia e dikurshme e strukturave funksionale, ku jepej llogari dhe shtroheshin çështjet për zgjiedhje me vendimmarrje kolegjiale. Deputetja e kësaj partie, Arta Dade, njëkohësisht kryetare e Komisionit Parlamentar me Jashtë, thotë në një intervistë në emisionin “5 pyetje nga Babaramo”, se kjo analizë dhe kjo kërkesë llogarie nuk po ndodh edhe kur vjen rasti për akuza të shumta nga opozita. “Është gjëja më normale që kur ka sensibilizim të opinionit publik nuk ka përse të mos ndërhyhet.

Ndryshe t’i shohësh gjërat nga lart dhe ndryshe nga poshtë. Nëse Shqipëria nga sivjet ka dalë jek e jek me borxhin, kjo vlen vetëm sa për statistikë. Pavarësisht vlerës që kanë për qitapet e shtetit, statistikat as nuk hahen e as nuk pihen.

Edhe vetë kryeministri e ka pranuar se kjo nuk ka impakt të drejtpërdrejtë e të menjëhershëm në buxhetin e çdo familje, por është një garanci që sipas tij ashtu si edhe në sektorët e tjerë hemorragjia tanimë është ndalur dhe operacioni i reformave ka filluar të japë rezultate.

Ka ndërruar jetë sot në moshën 76 vjeçaare, Imzot Rrok Mirdita, drejtues i konferencës ipeshkvnore të Shqipërisë prej disa vitesh. Rrok Mirdita ka lindur në Këllezen të Ulqinit (Mal i Zi), më 28 shtator 1939. Shkollën fillore dhe të mesme e ka ndjekur në vendlindje. Ka kryer Liceun Klasik dhe studimet filozofike dhe teologjike në Zagreb. Ai u vendos në krye të kishës katolike shqiptare në fillim të viteve 1990 pas shumë vite shërbimi në SHBA pranë bashkësive shqiptare. 

Një ditë më parë Alfred Peza në rolin e "tellallit" partiak të Partisë së re Socialiste tha se Lulzim Basha duhet të bindë ata që nuk e duan brenda Partisë Demokratike. Eshte një informacion që nuk e ndan vetëm selia e e partisë në pushtet, por janë të shumtë zërat që konfirmojnë një klimë përçarje në Partinë Demokratike. Pas Eduard Selamit që deklaroi se lidershipi i opozitës nuk frymëzon, edhe Arben Imami, një nga zërat e rëndësishëm të Partisë Demokratike, thotë se shqiptarët nuk shohin shpresë as tek opozita.

Kryeministri Edi Rama ka qenë dje në Kukës ku ka zhvilluar disa takime me banorë dhe ka folur për situatën ekonomike në vend. Edi Rama ka deklaruar se kjo që po ndërmerr qeveria është një kurs i vështirë reformash, të cilat do të japin efekt pozitiv ndryshues për 20 vitet e ardhshme. Energjia, taksat, formalizimi, edhe ai i bujqësisë, janë sipas tij hapa të domosdoshëm për t’u quajtur shtet normal, por edhe për të çliruar energji në ekonomi. Formalizimi në bujqësi lidhet me akordimin e fondeve dhe në këtë kuptim, nisma e qeverisë nuk pse t’i trembë fermerët.

Teksa u kërkoi nga të rinjtë e Forumit Rinor të Partisë Demokratike të nderojnë intelektualë si Sali Berisha e Gramos Pashko në 25-vjetorin e lëvizjeve demokratike , kryetari i opozitës Lulzim Basha shpalli 8 dhjetorin si ditën kur qeveria duhet të largohet, pasi i ka zhgënjyer të gjithë.
"Të zhgënjyer edhe socialistësh që shohin se qeveria pasurohet dhe të vetmin që marrin përgjegjësi janë një dorë kriminelësh me damkë. Të mashtruar dhe pensionistët, I trembur dhe biznesi nga gjobat, taksat, biznesi, kusarët, zuzarët. Ky është realiteti.

Ambasadori rus në Shqipëri, Alexander Karpushin nuk beson se mes Rusisë dhe Turiqsë do të ketë luftë, por marrëdhëniet nuk mund të ridimensionohen nëse Ankaraja nuk kërkon falje. "Nuk kemi marrë asnjë ngushëllim nga Turqia deri më tani, dhe nuk na është kërkuar falje"-shprehet Karpushin. Duke folur për emisionin “Diplomaticus”, ambasadori rus kritikon qëndrimin e mbajtur nga NATO lidhur me konfliktin më të fundit. “Ky koalicion ka një vit e gjysmë në Siri që gjoja lufton kundër ISIS por, cisternat e autokolonave mbete te paprekshme.

Në një intervistë për Zërin e Amerikës, Këshilltari politik i Komisionit të Helsinkit, Robert Hand i cili ishte një nga organizatorët e vizitës së parë të delegacionit të senatorëve amerikanë që vizituan Shqipërinë në vitin 1990 thotë se megjithë përparimin e shënuar, Shqipëria duhet të kishte ecur përpara me ritme më të shpejta.

Sekretari amerikan i Mbrojtjes, Ashton Carter, i ka nisur një letër falënderimi ministres së Mbrojtjes Mimi Kodheli, për kontributin e Shqipërisë në luftën kundër terrorizmit. “Ju falenderoj për atë çfarë ka kontribuar Shqipëria deri më tani, veçanërisht në angazhimet e mëparshme në luftën e Koalicionit kundër ISIL. Donacionet tuaja kanë treguar një efekt të menjëhershëm dhe të qenësishëm në terren, thuhet në letër.

Patia Demkratike ka thirrur më datë 8 dhjetor një protestë, përmes së cilës ka si qëllim të shpallur katalizimin e zhvillimeve politike drejt zgjedhjeve të parakohshme. Në një intervistë për Top-Channel, kryetari i PD-së, Lulzim Basha, ka sqaruar se protesta shënon fillimin e aksionit për largimin e kësja qeverie, pasi siç thotë ai “askush nuk ka se çfarë të presë më nga kjo qeveri”. “...Kësaj qeverie i kanë mbaruar ditët, i ka mbaruar koha. Nuk kanë më çfarë të presin as pensionistët, as të papunët, as studentët, as sipërmarrësit. Përballje pa kthim me keqqeverisjen e vendit.