Në Vëmendje

Komisioni Qëndror i Zgjedhjeve njoftoi se të hënën do t’u japë mandatin e deputetit edhe 6 kandidatëve nga listat shumëemërore të PD e LSI.

Axhenda e mbledhjes parashikon dhënien e mandatit të deputetit të Kuvendit të Shqipërisë, kandidatëve të listës shumemërore të partive të opozitës për plotësimin e vakancës së njoftuar nga Kuvendi i Shqipërisë, pas dorëheqjes nga mandati i deputetit i Astrit Veliajt, Viktor Tushajt, Nora Malajt, Vangjel Tavos, Gent Strazimirit dhe Klevis Balliut.

Pas 32 vitesh punë si Prokuror, Petrit Fusha thotë se Prokuroria nuk është vendi ku ai mund të kontribuojë më mirë.

Ai ka dorezuar doreheqjen ne daten 28 shkurt ne Këshillin e Lartë të Prokurorisë. Kjo lëvizje e Fushës dyshohet se ka lidhje me kontrollin e pasurisë dhe kritereve profesionale, pasi nga doreheqja atij i nderpritet edhe procesi i vetingut.

Petrit Fusha është përfolur në opinionin publik si mbrojtësi i kryebashkiakut Erion Veliaj, pas takimit me të cilin  dyshohet se mbylli dosjen e Ardit Gjoklajt, adoleshentit që u gjet i vrarë në landfillin e Sharrës.

Pështjellim ka krijuar në Greqi një deklaratë e ambasadorit amerikan Jeffrey Paiat se Shtetet e Bashkuara kanë prova të përpjekjeve ruse për të ndërhyrë në zgjedhjet e ardhshme në vendin fqinj.

"Ne kemi parë prova të përpjekjeve të Rusisë për të minuar rolin e Patriarkut Ekumenik. Tani mund t'ju them se kam parë prova të ndërhyrjes ruse në zgjedhjet e ardhshme greke"- tha diplomati amerikan në një prononcim për televizionin grek Antena.

Presidenti serb Aleksandar Vuçiç ka lënë të kuptohet se ai mund të bjerë dakord për të njohur pavarësinë e Kosovëns me kushtin që marrëveshjeja të garantojë përfitime të dyfishta për të dyja vendet.

"Duhet të gjejmë kompromisin, ne nuk mund ta njohim Kosovën, pa marrë asgjë nga ana tjetër. Unë jam i bindur se me ndihmën e miqve tanë evropianë dhe mbështetjen e Rusisë, SHBA-së, Kinës dhe vendeve të tjera, ne mund të arrijmë një zgjidhje"- ka deklaruar Vucic në një intervistë për agjencinë italiane të lajmeve ANSA.

Ballkani në prag të shpërthimit. Mediat europine po e shohin në kontekst rajonal atë që po ndodh në Serbi, Mal të Zi, Kroaci dhe Shqipëri. Pavarësisht se zyrtarët aktualë në Bruksel refuzojnë që ta përgjithësojnë këtë që po ndodh, media si Euronews, Spiegel apo Rai në Itali po mbajnë tjetër qëndrim. Në Ballkan diçka po ndodh, gjërat po lëvizin dhe një prej tyre është edhe diskreditimi I BE-së.

Koalicioni  i Partive Shqiptare fitoi zgjedhjet komunale në Tuz të Malit të Zi. Me një rezultat të ngushtë ku nga 32 këshilltarë, 16 prej tyre janë fituar nga Forumi Shqiptar, i cili garoi nën moton  “Malësia na Bashkon”.

Nik Gjeloshaj ishte kandidati i propozuar nga koalicioni i tre partive shqiptare, Alternativa, Lidhja Demokratike dhe Unioni Demokratik. Për të marrë drejtimin e komunës Gjeloshaj duhet të ketë mbështetjen edhe të paktën të një anëtari të Këshillit Komunal nga radhët e Partisë Demokratike, i cili është shqiptar.

Ekzistojnë dhjetëra mijëra pjesëmarrës çdo fundjavë. Punonjës të thjeshtë, sipërmarrës të vegjël dhe intelektualë, studentë, akademikë dhe pensionistë. Lëvizjet e tyre quhen ‘Drejtësia për Davidin’, ‘Një në pesë milionë’ ose ‘Resist!’. Kur ata dalin në rrugë, ata bërtasin: ‘Hajdutët!’, ‘Dorëheqje!’ ose ‘Ne jemi shteti!’  ‘Aktivistët në rrjetet sociale e quajnë atë’ BalkanSpring ‘: Protesta në Ballkanin Perëndimor: Në Serbi, Republika Srpska Boshnjake, Mali i Zi dhe Shqipëria po demonstrojnë vazhdimisht qytetarë të pakënaqur kundër sunduesve të tyre të korruptuar dhe autoritarë.

Kryeministri e ka përmendur shpesh se përdor Whatsapp-in për të qeverisur nëpërmjet komunikimit me qyetetarët apo me ata që i shkruajnë orar pa orar. Një prej këtyre mesazheve që në fakt ka qenë për përdorim të brendshëm është kapur nga qytetari dixhital. Mesazhi ka lidhje me protestat e opozitës dhe rolin e policisë në këto ngjarje. Mesazhi është denoncuar nga ish-kryeministri Berisha në profilin e tij në fejsbuk, ku thotë se policëve të thjeshtë u është premtuar përjashtimi nga vettingu dhe shlyerja e rrogave të prapambetura.

“Mes kandidatëve ka më të mirë se unë. U tërhoqa për të hapur edhe një rrugë të re. Ju falënderoj shumë për interesin tuaj”.

Kështu e ka shpjeguar Skëndër Bruçaj tërheqjen nga gara për një mandat të dytë në krye të Komunitetit Mysliman të Shqipërisë. Duke ftuar votuesit të zgjedhin atë që ata mendojnë se është më i miri për interesin e institucionit, ai ka theksuar: Unë jam vetëm një nga ju dhe dëshiroj të vazhdoj i tillë". 

Në mediat ndërkombëtare pasqyrohet sot një deklaratë e Presidentit të Parlamentit Europian, Antonio Tajani për situatën në Shqipëri. Në kuadër të një vizite në OKB ai e quajti situatën në në vendit tonë si shumë të vështirë, ku ka filluar një “luftë civile”, (në thonjëza), midis qeverisë dhe opozitës. 

Tajani i referohet Shqipërisë për të paraqitur një panoramë komplekse të situatës në Ballkan ku sipas tij konflikte të brendshme po kërcënojnë stabilitetin e rajonit.