Në Vëmendje

Bahri Musabelliu, rektori i Universitetit Bujqësor, i cili doli kundër planeve të Veliajt për ndërtimin e dy shkollave në perimetrin e Universitetit po shantazhohet me hapjen e hetimeve kundër tij për shpërdorim detyre dhe pastrim parash. 

Lajmi ka qarkulluar thuajse në të gjitha mediat që kontrollohen nga Veliaj, sipas të cilave hetimi ndaj Bahri Musabelliut  ka nisur pas  dyshimeve se rektori i Universitetit Bujqesor ka perfituar fondet publike përmes praktikave korruptive të ndjekura në disa tenderime.

Deputeti Spartak Braho ka deklaruar në një intervistë të sotme për gazetën “Dita” se do të kërkojë shkarkimin e Agron Tufës nga detyra e drejtuesit të Institutit të Studimeve për Krimet dhe Pasojat e Komunizmit. Braho, i përfshrië në një polemikë me Tufën, thotë se kërkesa për shkarkim do të bëhet për shkak se Tufa abuzon me postin dhe përdhos me qëndrimet e veta Luftën Antifashiste Nacionalçlirimtare.

Një nga kriteret e Bashkimit Evropian për të çelur negociatat për integrimin e Shqipërisë në BE, është lufta kundër korrupsionit. Për këtë delegacioni i BE-së në Shqipëri  ka ndërmarrë edhe veprime konkrete. Një prej tyre është financimi për ligjin nr. 60/2016 për sinjalizimin dhe mbrojtjen e sinjalizuesve.

37 mjete të blinduara rezistente ndaj pritave dhe kurtheve të minuara i janë dhuruar ushtrisë shqiptare nga Shtetet e Bashkuara.  Në ceremoninë e dorëzimit të këtyre mjeteve, mori pjesë ministrja e Mbrojtjes OltaXhaçka, e ngarkuara me punëe Shteteve të Bashkuara në Tiranë, LeylaMoses-Ones dhe shefi i Shtabit të Përgjithshëm të FA, gjeneral brigade Bardhyl Kollçaku.

Kryeministri i Kosovës, Ramush Haradinaj kritikoi nga Prishtina shefen e politikës së jashtme Federica Mogherini për stepjen e reformave në Kosovë pasi sipas tij zyrtarja e lartë e Brukselit ka hapur tema të dëmshme për Kosovën.

“Ka devijuar dialogun me ndërrim të territoreve dhe na ka shkaktuar trauma politike të brendshme dhe në rajon, e fatkeqësisht një pjesë e energjisë time dhe të qeverisë është dashur të shkoj për të kundërshtuar një temë si kjo”,tha kryeministri Haradinaj.

Këshillat Studentorë të disa Universiteteve kanë dalë me një deklaratë ku shprehin zhgënjimin e tyre për mospërmbushjen e thuajse 90% e kërkesave të tyre. Studentët kanë renditur me pika të gjitha shqetësimet lidhur me paktin për Universitetin, i cili supozohej t’i jepte zgjidhje kërkesave të tyre.

Ata kanë paralajmëruar rinisjen e protestave për ta çuar deri në fund kauzën e nisur me protestat e dhjetorit. Madje situata në Universitete do të diskutohet shumë shpejt në një takim mbarëkombëtar që do të thirret për këtë situatë.

Boja e kryebashkiakut të hapësirave të gjelbra, ka dalë prej kohësh tashmë. Z. Veliaj qeverisi Tiranën duke rendur pas një propaganda të paprecedentë dhe zhurme shurdhuese të dikutj që vetëm punon për të mirën e qytetit. Por situate e krijuar me Teatrin Kombëtar dhe lejet që po jepen në ish-hapësirën e Gardës së Republikës pranë Parkut të Liqenit, kanë mjaftuar që ta rrëzojnë këtë imazh.

Gjykata e Krimeve të Rënda vendosi të mos pranojë kërkesën e ish-ministrit të Brendshëm, Sajmir Tahiri për të pushuar çështjen ndaj tij.

Pas një seance maratonë, Tahiri, i cilësuar si “kampioni” i qevrisë “Rama 1” do të duhet të bëhet gati për t’u përballur në gjyq me akuzat e Prokurorisë për trafik ndërkombëtar droge.

Vetë Tahiri e komentoi me sportivitet vendimin, duke thënë se Prokuroria nuk ishte e aftë t’i provonte shkeljen e ligjit.

Ai tha se gjithsesi, ata që e çuan në bankën e të akuzuarve nuk do ia dalin dot ta bëjnë kurban të drejtësisë.

Federata Shqiptare e Futbollit kundër çdo logjike të thjeshtë, del jashtë kornizave ligjore dhe në mënyrë të paprecedentë u mohon shqiptarëve të ndjekin falas në një televizion kombëtar, ndeshjen e kombëtares Shpresa. Pas ankesës publike të RTSH për përjashtim nga gara për transmetimin e sfidës kundër Turqisë, Federata del me një qëndrim publik ku pa asnjë bazë ligjore, justifikon vendimin për t’ia shitur ndeshjen vetëm një transmetuesi me pagesë. Si pjesë e kushteve të konkurrimit ka qenë edhe që transmetuesi të garantojë transmetimin në një televizion kombëtar.

Shqipëria, Rajoni i 21-të italian

Kështu e tiullon Rai2, materialin dokumentar kushtuar vendit tonë në të cilin bëhet një kalim shumëplanësh dhe I shpejtë mbi historinë e afërt dhe situatën social-politike. Emigrimi i viteve ’90, rikthimi në Shqipëri, italianët në vendin tonë, biznesi, jeta e natës në Tiranë, varfëria ekstreme në periferi dhe në fund gjakmarrja në veri.