Në Vëmendje

Pas kërkesës drejtuar Shteteve të Bashkuara të Amerikës për të vendosur baza ushtarake në Shqipëri, ministrja e Mbrojtjes Olta Xhaçka i propozoi një “ftesë për bashkëpunim me institucionet e sigurisë dhe mbrojtjes së Izraelit për Qendrën për studimin e fenomenit të Luftëtarëve të Huaj Terroristë”. Ndonëse nuk specifikohen agjencitë dhe mënyra e bashkëpunimit, ngritja në Shqipëri e "Qendrës për studimin e fenomenit të Luftëtarëve të Huaj Terroristë” nuk përjashton mundësinë që agjentë të Mossad të asistojnë shërbimet shqiptare.

Me 2 vite burg u dënua nga Gjykata ish-kryeministri i Maqedonisë Nikolla Gruevski. A u gjet fajtor për mungesen e transparencës në blerjen e një Mercedesit luksoz me vlerë 600 mijë eurosh. 

Sipas Gjykatës nuk ka asnjë  dyshim se Gruevski  ka keqpërdorur pozitën e tij si kryeministër për të blerjen e  Mercedesin. Për rastin "Tanku" akuzohen edhe ish-ministrja e Punëve të Brendshme, Gordana Jankullovska, dhe ish-zv/ministri, Gjoko Popovski.

Çështjet e pashqyrtuara prej vitesh në Gjykatën e Lartë mund t’i kushtojnë shumë shtrenjtë shtetit në Gjykatën e Drejtave të Njeriut në Strasburg. Paralajmërimi për kostot e dosjeve të zvarritura vjen nga avokatët. Në këtë gjykatë gjenden në radhë rreth 20 mijë dosje të pahapura nga gjyqtarët për shkak të mungesës së kuorumit të anëtarëve. Sipas avokatit Ervin Muja afati i shqyrtimit të një dosjeje në të gjitha shkallë shkon deri në 12 vjet, për shkak të zvarritjeve dhe problemeve të krijuara nga mungesa e gjyqtarëve siç është rasti i Gjykatës së Lartë. 

Turqia vijon të renditet ndër temat kryesore të mediave Perëndimore që e shohin Ankaranë si një kundërshtar të fortë të Bashkimit Europian në rajonin e Ballkanit. Kështu gazeta gjermane Die Welt e konsideron presidentin turk si kujdestar të muslimanëve të Ballkanit. Gazeta merr shkas nga takimi elektoral i Erdogan në Sarajevë, duke nënvizuar se të gjitha vendet e BE kanë ndaluar presidentin turk të bëjë fushatë në  këto shtete, ndërsa në Bosnje-Hercegovinë nuk kishte asnjë problem.

Kampionati Botëror i Futbollit Rusi 2018 do të transmetohet nga Radio Televizioni Shqiptar. Ekskluziviteti i transmetimit që i ikën kësaj radhe operatorëve privatë, është njoftuar në faqen e RTSH-së që bën me dije edhe investimet e kryera në infrastrukturë e që sigurojnë mbulim në disa zona të Shqipërisë.

Mjafton një televizor DVB T2 ose një marrës i thjeshte dixhital për aparatet televizive të gjeneratës T1 apo më të hershme dhe bota vjen në shtëpinë e shqiptarëve pa asnjë pagesë në kualitetin më të lartë të figurës Full HD

Në një material të përgatitur nga TemaTv mbi sigurinë e argjinaturave në lumen e Tiranës ngrihen dyshime mbi investimet e kryera dhe aftësinë e tyre mbrojtëse. Dyshimet i ngre një ekspert, inxhineri Fitim Ballo, i angazhuar në disa projekte, sipas të cilit punimet e bëra e që kanë shkuar në 15 milionë euro, nuk garantojnë asgjë. Arsye sipas tij është përllogaritja e prurjeve që ka çuar në gabime.

Partia Demokratike kaloi në nivelin e dytë të “videolojës” politike në funksion të një axhende të paqartë, ku goditja është e përqëndruar te ministri i Brendshëm. Pas publikimit të audiopërgjimit që ka mbetur ende pa autor dhe refuzimit të Xhafajt për të dhënë dorëheqjen, selia blu ka publikuar këtë të enjte një intervistë me “dëshmitarin x”, i cili thotë se është ai personazhi që bisedon me Agron Xhafajn, vëllain e ministrit dhe se biseda e tyre ishte për transport kanabisi.

Të dhëna të reja që Prokuroria disponon mbi marrëdhëniet e Saimir Tahirit me grupin e Habilajve kanë bërë që organi i akuzës të këmbëngulë për të çuar në arrest me burg ish-ministrin e Brendshëm. 

Kështu Prokuroria e Krimeve të Rënda ka apeluar vendimin e Gjykatës së Shkallës së Parë për caktimin e masës së sigurimit “arrest shtëpie” për ish-ministrin.

"Nëse mendoni se do më mposhtni e keni gabim". Ky ishte mesazhi që Fatmir Xhafa dha  në një konferencë të gjatë për shtyp ku "dekriminalizoi" veten nga situata juridike por edhe morale që ka shkaktuar çështja e vëllait të tij. 

Kryeministri Rama ka folur për herë të parë për audiopërgjimin që Partia Demokratike pretendon se lidhet me vëllain e ministrit të Brendshëm.

Në mbledhjen e grupit parlamentar kryeministri e ka quajtur akt mashtrimi me një material joautentik përmes të cilit synohet destabilizimi i qeverisjes dhe pengimi i hapjes së negociatave negociatave. Bindjen e tij kryeministri e bazoi në një ekspertizë të specializuar të materialit nga një prej studiove më të njohura ligjore sipas tij.