Lajme

Rusia dhe Turqia po tentojnë të përsërisin në Libi atë që realizuan në Siri. Dy rivalët Sarraj dhe Haftar janë takuar në Moskë ku raportohet se janë njohur me një draft marrëveshje armëpushimi.

Agjencia ruse “Sputnik" raporton se dokumenti parashikon ndalimin e të gjitha operacioneve ofensive ushtarake dhe lidhur me këtë pikë Haftar ka kërkuar kohë deri të martën dhe mandej është larguar nga Moska pa firmosur. 
I njëjti dokument parashikon krijimin e një komisioni të përbashkët, krijimin e një linje beteje dhe shmangien e goditjeve të qyteteve kryesore. 

Sot ka rrjedhur në media dosja e plotë hetimore e ngjarjes së Mallakastrës ku mbeti e vrarë shtetasja Drita Saliaj. Ka qenë Abc News që ka bërë publikimin dhe mandej xhirua ka vazhduar si zakonisht. Televizioni në fjalë referon si burim Prokurorinë e Rrethit Gjyqësor Fier dhe në materialin e përcjellë nuk bëhet asnjë redaktim.

Aty zbulon se përtej vrasjes ka një rreth njerëzish që merren me trafik lëndësh narkotike përmes një dinamike ngjarjesh që të krijon idenë e një vendi larg, shumë larg nga “njerzillëku" i Tiranës.

Sot Gjykata e Tiranës ka vendosur të pushojë çështjen e ngritur ndaj Lulzim Bashës, Arben Ristanit dhe Ilir Dervishit, financier i Partisë Demokratike për të ashtuquajturin “lobim rus”. Akuza e ngritur ishte fallsifikim dhe ngrihej mbi një pretendim se PD-ja nuk ka deklaruar të ardhurat që i janë paguar Nick Muzin, i cili vetë ka deklaruar se i ka marrë nga dy biznesmenë rusë. 

Irani zyrtar ka paralajmëruar se do të padisë SHBA-të për vrasjen e gjeneralit Qasem Soleimani.

Ata që kryejnë sulme do të procedohen. Ne duhet marrim si të pandehur presidentin amerikan. Nuk do ta lëmë të na ikë, ai duhet të dënohet në nivel ndërkombëtar

citohet kreu i drejtësisë iraniane, Ebrahim Raisi.

Sipas tij do të jenë Ministria e Jashtme iraniane dhe Këshilli i të Drejtave të Njeriut që varet nga Gjykata Supreme iraniane që do të duhet të adresojnë këtë çështje.

Kancelari austriak e ka shprehur hapur mosaprovimin e tij lidhur me lëvizjet e fundit të SHBA-së në politikën ndërkombëtare. “SHBA-ja mbetet fuqia më e madhe ekonomike dhe ushtarake në botë, por është bërë një partner i paparashikueshëm për ne”, është shprehur ai gjatë prezantimit të qeverisë së tij të re, pasi partia e tij, Partia Popullore, arriti një marrëveshje koalicioni me Të Blertët.  

Duke iu referuar Bashkimit Europian, Kurz thotë se ai mbetet një lojtar “i dobët” në skenën botërore.

ShBA dhe Irani janë duke kërkuar mundësinë e negociatave pas konsumimit të akteve ushtarake. Vrasja e gjeneralit Soleimani ka prodhuar shumë skenarë dhe ka hapur disa dritare. Presidenti amerikan Donald Trump ka përsëritur fjalën negociata në një postim të vetin në tuiter duke mbajtur gjithësesi të ngritur presionin. Trump kujtoi se këto negociata do të kërkohen nga Irani tani që sipas tij protestat e kanë gjunjëzuar vendin. 

Mediat e ndryshme shkruajnë për dakordësinë mes Gjermanisë dhe Rusisë për ndërtimin e gazsjellësit Rryma Veriore 2(Nord Stream 2) brenda vitit 2021. Kancelarja gjermane Angela Merkel ishte në Rusi dhe gjatë një konference të përbashkët për shtyp me presidentin Vladimir Putin deklaroi se:

Shpresoj se në fund të këtij viti, apo në 4 muajt e parë të vitit tjetër puna do të jetë mbaruar dhe gazsjellësi do të fillojë të punojë

Ajo e ka cilësuar projektin si tërësisht ekonomik, ndaj si i tillë ai nuk duhet paragjykuar.

Që ta thjeshtojmë sepse është banale: 

E keni parasysh lajmin që Ditmir Bushati u caktua në një detyrë në OSBE? I dërguar i posaçëm e quajnë. Do bëjë çdo gjë, për çdo fushë dhe hall ndërkombëtar. Këtë ndryshe e quajnë Përmbarues - Factotum. 

Presidenti i Republikës Ilir Meta ka kthyer për rishqyrtim ligjin kundër shpifjes. Përmes një arsyetimi të gjatë Presidneti sugjeron kthimin e ligjit për konsultim publik duke adresuar shkeljet e tij. Më poshtë arsyetimi i Presidentit:

***

Kuvendi i Shqipërisë, në seancën plenare të datës 18 dhjetor 2019, ka miratuar ligjin nr. 91/2019 “Për disa ndryshime dhe shtesa në ligjin nr. 97/2013 “Për mediat audiovizive në Republikën e Shqipërisë”, të ndryshuar”.

Partia Demokratike e drejtuar nga Lulzim Basha ka pranuar të hyjë në zgjedhje me kuadrin aktual ligjor për zgjedhjet. Më konkretisht, z. Basha nuk ka asnjë vërejtje për sistemin zgjedhor në fuqi duke këmbëngulur te dekriminalizimi dhe nevoja për garanci të mosshkeljes së ligjit. Paralelisht me këtë qëndrim, në mediat pranë PD-së ka nisur një sulm “analistësh” kundër idesë së listave të hapura. Arsyeja kryesore është kriminalizimi dhe korrupsioni që sjell aplikimi i listave të hapura përmes shndërrimit të garës në obsesion për rizgjedhje.