Numërimi elektronik i votës dhe gjetjet “alla-shqiptare”

Sa herë që ka zgjedhje të përgjithshme në këtë vend, palët takohen për të bërë rregullimet në sistemin zgjedhor por edhe në administrimin e tyre, siç është identifikimi i votuesve apo numërimi i votës. Mediat raportojnë se Komisioni i Reformës Zgjedhore është në prag të arritjes së një marrëveshjeje për të përfshirë edhe numërimin elektronik të votës në zgjedhjet e verës së vitit të ardhshëm.

Komisioni paraqiti sot disa opsione të numërimit elektronik të votës me ndihmën e kompanive të huaja. Një kompani amerikane merrte përsipër që të nxirrte rezultatin brenda dy orëve, kurse një kompani angleze për 8 orë. Pati edhe zgjidhje më sfiduese, siç është votimi nëpërmjet internetit dhe numërimi i menjëhershëm i votës.

Të gjitha këto opsione (një realitet kaq i bukur) ofrohen vetëm dhjetë muaj pas asaj që ndodhi me numërimin e votave në zgjedhjet për Kryetarin e Bashkisë së Tiranës, ku rezultati mbeti peng i vendimeve politike dhe u lejua të dalë pas kopsitjes së gjërave në favor të Bashës. Pyetja që vjen natyrshëm lidhet me faktin se sa do të lejohen këto teknologji që të nxjerrin një rezultat sa më afër realitetit duke shmangur gjetjet “alla-shqiptarçe” në raste zgjedhjesh?

S.E.