Ateistët demonstrojnë në Washington në një Paradë të Arsyes

Një sondazh (American Religious Survey) lidhur me ndarjen e besimeve fetare në SHBA thotë se 34 milionë amerikanë, dmth 15% e gjithë popullsisë, nuk i përkasin asnjë feje, dmth janë ateistë, agnostikë, jo besimtarë, etj. Një pjesë syresh u bënë të gjallë në një mënyrë që është shumë në modë në botën e sotme; bënë një Paradë të Arsyes, apo siç e quajnë amerikanët, një Reason Rally. U mblodhën në Washington, në një ditë me shi, në një tubim që e përditshmja Washington Post e cilësoi si “manifestimin më të madh që është bërë ndonjëherë në histori nga jo besimtarët”. Ish mes tyre shkencëtari i biogjenetikës Richard Dawkins, astrofizikanti Lawrence Krauss, grupi i rock-ut me emrin ‘e duhur’ Bad Religion, etj. Besimi në Zot është mainstream në SHBA. Dhe nuk janë vetëm republikanët që luajnë politikisht me kredot e tyre fetare; janë dhe demokratët. Është domethënëse që president i SHBA-ve është zgjedhur një katolik si John Kennedy, një njeri me ngjyrë si Obama, e bën vaki që të zgjidhet dhe një mormon si Romney, por nuk mund të përfytyrohet të zgjidhet një jo besimtar.

Re.Pu.