Rama takon Philip Reeker-in, dhe del disi i përndezur nga takimi

Edi Rama, siç është paralajmëruar gjatë ditëve të fundit, pati sot një takim në Ëashington me zv.ndihmësin e Hillary Clinton-it për çështje të Europës e të Euro-Azisë, Philip Reeker-in. Ky është një takim shumë i rëndësishëm për socialistët, e ndoshta është për këtë arsye që ata e kanë përsëritur vazhdimisht, se “i pari i tyre është atje me ftesë të Departamentit Amerikan të Shtetit”. Rama u pa të dilte shumë entuziast nga takimi me Reeker-in, por prononcimi i tij me këtë rast nuk pati detaje: “[Folëm për shumë çështje] në mënyrën më të hapur dhe në mënyrën më miqësore; [folëm për] të gjitha proceset që kanë të bëjnë me integrimin europian të Shqipërisë, me demokratizimin e mëtejshëm të vendit, me rolin e Shqipërisë në rajon, e me Shqipërinë që duam si aleate të SHBA-ve, por dhe si një vend që duhet të mishërojë vlerat që mishëron aleati ynë më i madh.”

Përballë një pyetje që synonte të merrte vesh se ç’mendim kanë në departamentin e shtetit për opozitën e për leader-in e saj, Rama u çbalancua pakëz: “Jemi jo vetëm të kënaqur, por edhe të frymëzuar nga ky takim.”

E.G.