Letër kryeministrit nga Uran Deliu, që në Gërdec humbi gjashtë vetë të familjes

Shqipi publikon një letër që një banor i Gërdecit, Uran Deliu, i dërgon kryeministrit Berisha, dhe i kërkon të mbajë premtimet që vetë kryeministri i ka bërë ditën që e ka ngushëlluar.  Urani ka humbur në Gërdec djalin 4 vjeçar, nusen shtatzanë, vëllain, nënën, babain dhe vajzën e dajës. Siç shihet është një gjëmë brenda gjëmës së madhe.

Nga letra merret vesh se në atë vizitë ngushëllimi, që është bërë në një shtëpi të dikujt tjetër (Deliu nuk ka ende shtëpi; shtëpia iu dogj në Gërdec), Berisha i ka premtuar 1. Vlerësimin e shtëpisë; 2. Paratë për ndërtimin e një shtëpie tjetër në një tokë që do ta gjente vetë Uran Deliu; 3. Punë për të gjithë ata që kanë mbetur gjallë, por askush nuk është në punë; 4. Ndihmë ekonomike, që na është prerë; etj.

Asnjë premtim s’ka mbajtur. Uran Deliu thjesht ia risjell në vëmendje në këtë letër, që është shkruar në mënyrën më të përunjur e më të kujdesshme  të mundshme (“kam akoma besim tek ju, zoti kryeministër”, shkruan Deliu; ndërsa për Nishanin thotë me mirënjohje se “i ka qëndruar afër ato ditë të fatkeqësisë”).

Re.Pu.