Lulzim Basha “i lë” projektet e qendrës në dorë të qytetarëve!!??

Në Muzeun Historik paraqiten projektet e bashkisë për bulevardin e ri dhe për Lanën (lum e quajnë agjencitë e lajmeve; në fakt është një përrua). Dhe këto projekte do të jenë aty të ekspozuara për të gjithë qytetarët e Tiranës, të cilët – kështu thuhet në të përditshmen Panorama – nëpërmjet një formulari do të mund të shprehin të gjitha vërejtjet, sugjerimet apo pyetjet që mund të kenë në adresë të këtyre projekteve. Sipas kreut të Bashkisë së Tiranës, Lulzim Basha – raportohet në Panorama – të gjitha sugjerimet e qytetarëve do të jenë pjesë e rëndësishme e vlerësimit final dhe të përzgjedhjes përfundimtare të projektit fitues.

Ky kontribut i qytetarëve në këtë formë është një pesë me hiç. Dhe premtimi i kryebashkiakur për ta marrë parasysh këtë kontribut në vlerësimet e fundit është një rrenë me bisht. Mund t’na i kursenin këtë demagogji.

M. N.