Një deputet kushton 31 500 deri 42 800 USD në vit

Deputetët dhe përfitimet financiare të tyre, kanë qenë gjithnjë intriguese për median dhe publikun. Në këtë kuadër, “Shekulli” ka publikuar në numrin e sotëm një material mbi shpenzimet që bën buxheti i shtetit për të mbajtur me pagë, dieta, shpenzime karburanti, honorare dhe shpenzime telefoni deputetët shqiptar. Sipas përllogaritjeve të bëra, del se një deputet i Kuvendit të Shqipërisë i kushton buxhetit tonë të përbashkët nga 3.1 deri në 4.3 milionë lekë në vit. Kaq janë edhe përfitimet që merr secili gjatë 12 muajve.

Shuma e përftimeve varion sipas kuotës së karburantit, e cila është përcaktuar dy vjet më parë sipas largësisë së zonës elektorale që përfaqësojnë deputetët si edhe nga honoraret që përfiton secili për pjesëmarrjet në Seancë Plenare, mbledhje Grupi Parlamentar si edhe mbledhje të Komisioneve.
 

S.E.