Vendi i izoluar, dhe qeveria që përpiqet ta përballojë situatën me propagandë

Pikërisht dje, kur kryeministri çaprashiste për qoka (vizita në Azerbaixhan dhe përgatitja për harbimin me rastin e 100 vjetorit të themelimit të shtetit), ka qenë dita më e vështirë për shqiptarët e izoluar prej motit, prej temperaturave të ulta e prej borës. Të përditshmet sot flasin për viktima. Një nënë ka humbur foshnjën në Dibër. Janë regjistruar dy të vdekur në Gjirokastër e në Korçë, ndërkohë që nuk dihet se çfarë ndodh në zona të tëra të ndara nga qytetërimi; jetojnë në një gjendje hobbes-iane natyrore (state of nature); ndoshta i vetmi kontakt me qytetërimin janë celularët dhe TVSH-ja (nëse kanë energji elektrike, sigurisht), ku shfaqet në vijimësi, si një spot që përsëritet e përsëritet, portreti i kryeministrit që jep porosi, që përshkruan situatën, që komenton motin e egër, e që përpiqet të ngrefoset me faktin që të vdekurit janë më pak se sa do duhej të ishin!!!

M.N.