Kryeministri grek: Punët janë keq. Ekonomistët: As Ai lart s’ka si t’na ndihmojë

Mbrëmë, kryeministri grek Lucas Papademos, ka shtënë në punë një gjuhë katastrofiste. Duke folur për rëndësinë që ka miratimi i paketës së re të mbështetjes financiare, ai u shpreh: “Nëse nuk biem dakord ta miratojmë këtë paketë, atëherë është e sigurtë që do të përballemi me falimentimin, dhe me pasojat e frikshem që ky falimentin do sjellë”. Me këtë gjuhë ka dashur t’i shtrojë nëpërmjet panikut grekët e zemëruar me reformat që janë kryer, apo që pritet të kryhen.

Por në të njëjtën kohë, një koleg i tij (jo kryeministër, por ekonomist), Yanis Varoufakis, profesor në Universitetin e Athinës, fliste në një radio, dhe refuzonte qartësisht idenë se shkurtimet e shpenzimeve e rritja e taksave do të sjellin rritje të ekonomisë. “Nuk ka mundësi të ndodhë kështu; edhe sikur Zoti, tok me engjëjt, të ‘zbarkonin’ mbi Athinë me mendjen për të bërë reforma të tilla, gjëja nuk do të jepte rezultate”.

Re.Pu.