Piktura "profetike" e Bansky-t për Brexit

10 vjet më parë Banksy krijoi këtë tablo të parlamentit britanik  të titulluar “Devolved Parliament”. Vepra e artistit të famshëm pasqyron Parlamentin Britanik të mbushur me ... shimpanze.  Muzeu i Bristolit vendosi ta ekspozojë me rastin e datës zyrtare të Brexit, planifikuar fillimisht për sot, proces që përfundimisht do të shtyhet.

Piktori e ripostoi tablonë në llogarinë e tij në Instagram me mbishkrimin:

" E bëra këtë punë dhjetë vjet më parë. Muzeu Bristol thjesht duhet ta rivendosë atë për ditën e Brexit. Tani qeshni, por një ditë askush nuk do mbajë përgjegjësi për këtë" . 

 

 

 

 

 

View this post on Instagram

 

 

 

 

 

 

 

 

 

. Devolved Parliament I made this ten years ago. Bristol museum have just put it back on display to mark Brexit day. . “Laugh now, but one day no-one will be in charge.”

A post shared by Banksy (@banksy) on Mar 28, 2019 at 7:41am PDT

Nga ana tjetër teksa opinioni publik në Britaninë e Madhe pret dorëheqjen e kryeministres Tereza Mei pas disfatës së tretë për Brexit, shefja e qeverisë as që e çon ndërmend të dorëzohet.

BBC raporton se kryeminsitrja britanike do të çojë planin e saj të shkëputjes për herë të katërt në parlament, për të tentuar sërish mbështetjen e deputetëve. Përpara se të japë dorëheqjen siç ka premtuar, Tereza Mei kërkon të përmbyllë marrëveshjen e arritur me Brukselin. Mijëra mbështetës të Brexit manifestuan të premten në rrugët e Londrës. Eurodeputeti Najxhëll Farazh, një nga promotorët e shkëputjes nga Unioni, paralajmëroi një tjetër fitore nëse referendumi përsëritet.