Dy të tretat e mutacioneve të kancerit nga rikopjimi i ADN-së
Më shumë se dy të tretat e mutacioneve që shkaktojnë kancerin janë rezultat i gabimeve gjatë rikopjimit të ADN, proces që ndodh kur ndahen qelizat normale.Njerëzit kanë triliona qeliza, të cilat janë rigjenerohen vazhdimisht duke u ndarë dhe duke krijuar qeliza të reja. Çdo herë që ndodh ky proces shoqërohet me kopjimin e ADN-së. Shumica e gabimeve janë të padëmshme, por një numër i vogël i tyre ndikon tek gjenet që nxisin kancerin. Sudimi është kryer nga matematikani Cristian Tomasetti dhe gjenetisti Bert Vogelstein, nga Universiteti Johns Hopkins.
Ata arritën në përfundimin se 66 për qind e mutacioneve që kontribuojnë për kancerin janë për shkak të gabimeve të pashmangshme në rikopjimin e ADN-së, ndërsa 29 për qind i atribuohet faktorëve të mjedisit dhe 5 për qind të trashëgimisë. Kjo nuk do të thotë se dy të tretat e rasteve të kancerit janë shkaktuar nga gabime në kopjimin e ADN-së. Studiuesit thonë se mund të jenë tre, katër ose më shumë mutacione që mund ta bëjnë një qelizë të kthehet malinje.
Gabimet në kopjimin e ADN-së përbëjnë rreth 77 për qind të mutacioneve kritike në kancerin pankreatik dhe pothuajse të kancerit të fëmijërisë. Ndërsa më shumë se dy të tretat e mutacioneve në kancerin e mushkërive ishin për shkak të faktorëve të mjedisit, dhe kryesisht pirjes së duhanit.
Studimi me siguri do të ripërtërijë një debat të fuqishëm mbi se sa njerëzit mund të parandalojnë kancerin dhe sa ai është i pashmangshëm.
https://www.washingtonpost.com/news/to-your-health/wp/2017/03/23/more-th...
Comments
alk@yahoo.it
Deri sa 70% e mutacioneve vvine si rezultat i kopimit gabim te te kodit ADN, duhet te themi se dhe zhvillimi i jetes mbi tok dhe krijimi i specieve deri te NJERIU vjen si rezultat i kopimit gabim te kodit te ADN.
Pra midis miliarda kancerash e tumoresh vjen dhe zhvillimi!
Add new comment