Kandidati për President, Xhezair Zaganjori bëhet negociator

Xhezair Zaganjori, kandidat për postin e Presidentit i propozuar nga maxhoranca, ka filluar të lëvizë vetë. Ai, në stilin e Fatos Nanos, ka filluar të kërkojë e realizojë takime me personalitete të ndryshëm të jetës politike. Sipas shqiptares.com, ai ka mbërritur në zyrat e Partisë Socialiste, ku pritet të ketë një takim me Edi Ramën, të cilit, me sa duket, kërkon t’i marrë mbështetje në këmbim të zotimit e të garancive se do të jetë një President mbi palët e i të gjithëve. Pak më përpara, sipas së njëjtës gazetë, ai është takuar në bar-restorantin ‘Piazza’ kryetarin e bashkisë së Tiranës, Lulzim Bashën. Kjo rendezvous është kataloguar shpejt e shpejt në kuadrin e takimeve që ai po bën si kandidat presidencial, por sikur të ishte kështu, do të kishim të bënim me një takim të çuditshëm, pasi Basha nuk ka zë, e nuk ka pse të ketë, në tryezën presidenciale.

E.G.