Kontroll pasurisë së Mediut, Imamit dhe gjashtë deputetëve

Inspektorati i Lartë i Deklarimit të Pasurive do të ushtrojë një kontroll të imtësishëm të pasurisë së dy ministrave, Arben Imami dhe Fatmir Mediu deri në fund të këtij viti. Emrat e dy ministrave dolën nga shorteu i hedhur sot pranë ambienteve të këtij institucioni. Dy ministrat shoqërohen edhe nga gjashtë deputetë, një zëvendësministër dhe drejtues të lartë të administratës.

Deputetët që do t’u nënshtrohen kontrollit janë: Kreshnik Çipi, Qemal Minxhozi, Ledina Aliolli, Fatos Beja, Igli Cara dhe Arben Malaj. Shorti është treguar i drejtë me deputetët duke i ndarë tre nga PD dhe tre nga PS. Emra të tjera “VIP” nga lista janë: Brikena Kasmi, zv.ministre e Drejtësisë, Klement Zguri, anëtar i KQZ-së apo Tom Ndreca, gjyqtar i Gjykatës së Apelit, Tiranë.

Punonjësit e administratës së qeverisjes qendrore, deputetët, gjyqtarët, prokurorët etj., kanë detyrim ligjore deklarimin e pasurisë çdo vit. ILDKP merr të mirëqenë deklarimin e tyre nëse nuk ka ndonjë indicie për nisjen e hetimeve të mëtejshme. Shorti i sotëm ndërkohë, ka të bëjë me nxjerrjen e disa emrave për kryerjen e një kontrolli për të verifikuar deklarimet e kryera nga personat në fjalë.

S.E.