Kazakistan, presidenti shpall gjendjen e jashtëzakonshme

Presidenti i Kazakistanit, Nursultan Nazarbajev deklaroi gjendjen e jashtëzakonshme pas shpërthimit të dhunës në vendin e pasur me naftë. 

Ora policore do të jetë në fuqi për 20 ditët e ardhshme në qytetin perëndimor të Zhanaozen, një ditë pasi të paktën 10 persona u vranë në përleshje të dhunshme. 

Nazarbajev nxorri një dekret, të publikuar në faqen presidenciale të internetit që ndalon grevat dhe protestat publike, kufizon lirinë e lëvizjes rreth Zhanaozen dhe e kufizon qasjen drejt dhe nga qyteti. "Gjendja e jashtëzakonshme hyn në fuqi menjëherë",-thuhej në dekret. 

Protestat shpërthyen për shkak të pushimit nga puna të dhjetra naftëtarëve të cilët u përleshën në sheshin kryesor të qytetit me forcat e rendit. 

Albanian Screen