astrazeneca

AstraZeneca ka filluar tërheqjen në mbarë botën të vaksinës së saj Covid-19 për shkak të një “tepricës së vaksinave të përditësuara në dispozicion”.

Më 7 maj, Agjencia Evropiane e Barnave njoftoi se AstraZeneca nuk është më e autorizuar për përdorim.

Gjiganti farmaceutik e argumentoi këtë vendim me faktin se tani në treg ka vaksina të reja të përshtatura me variantet e reja të Covid-19. Kjo sipas tyre ka çuar në rënie të kërkesës për vaksinën AstraZeneca, e cila nuk po prodhohet më.

AstraZeneca ka pranuar për herë të parë se vaksina e saj kundër Covid-19 mund të shkaktojë efekte anësore. Ndaj gjigandit farmaceutik është ngritur një padi kolektive për pretendimet se vaksina e tij, e zhvilluar me Universitetin e Oksfordit, shkaktoi vdekje dhe lëndime të rënda në dhjetëra raste.

Avokatët argumentojnë se vaksina prodhoi një efekt anësor që ka pasur një efekt shkatërrues te disa familje.

Studiuesit e Universitetit Gëte në Frankfurt, Gjermani, thonë se kanë zbuluar mekanizmin që qëndron pas rasteve të rralla të mpiksjes së gjakut, të lidhura me vaksinën AstraZeneca, raporton DW.

Ndërsa pjesa më e madhe e vendeve europiane ndryshuan strategjinë e vaksinimit me AstraZeneca pas disa rasteve të mpikjes së gjakut, Danimarka pritet të marrë një masë më të ashpër. Sipas burimeve të cituara nga mediat daneze, Danimarka do të pezullojë përgjithmonë përdorimin e vaksinës AstraZeneca dhe do të pezullojë “Johnson & Johnson” deri në një njoftim të dytë.

Francezët nën 55 vjeç që kanë marrë një dozë të AstraZenecës, do ta finalizojnë imunizimin me Pfizer ose Moderna. Autoriteti më i lartë shëndetësor i Francës tha se kësaj kategorie do t’i jepet një dozë e dytë nga një vaksinë e bazuar në ARN-në mesazhere, raporton Reuters.

Në Francë janë në përdorim dy vaksina të prodhuara në këtë mënyrë: Pfizer dhe Moderna.

Ndërsa EMA i hapi sërish rrugën vaksinimit me AstraZeneca në Europë, një tjetër pengesë del në SHBA për vaksinën e Oksfordit. Të hënën, AstraZeneca publikoi rezultatet e testeve klinike në SHBA, të cilat tregojnë se ajo është 79% efektive në parandalimin e Covid-19, por Instituti Kombëtar për Alergjitë dhe Sëmundjet Infektive ngriti shqetësimin se këto rezultate mund të jenë të vjetra.

Dyshimet për mpiksjen e gjakut si efekt anësor i vaksinës AstraZeneca e shtynë Gjermaninë të radhitej ndër vendet e para që pezulluan vaksinimin me AstraZeneca. Pa asnjë konsultim, presidenti i Këshillit Europian, si shumë zyrtarë të tjerë të BE-së, mbajti të njëjtin qëndrim. Vendimi shkaktoi një reaksion zinxhir që jo vetëm zbuloi kaosin e programit të vaksinave, por minoi vetë institucionet që e drejtojnë atë. Vende të tjera u ndien të detyruara të ndjekin shembullin e Gjermanisë dhe të ndalojnë vaksinimin, duke shkuar kundër këshillës së Agjencisë Evropiane të Barnave.

Agjencia Europiane e Barnave po shqyrton rast pas rasti tromboembolitë e regjistruara si efekt anësor i vaksinës AstraZeneca. Por deri tani nuk ka indikacione se ato mund të kenë ardhur si pasojë e vaksinimit. Emer Cooke, drejtoresha ekzekutive e EMA, në një deklaratë për mediat sot tha se ekspertët dhe specialistët e agjencisë po vijojnë punën kërkimore lidhur me çrregullimet e mpiksjes së gjakut. Një lot i veçantë i vaksinës është nën monitorimin e tyre.  

Tre punonjës të sistemit shëndetësor në Norvegji, të vaksinuar kohët e fundit me AstraZeneca, po trajtohen në spital për hemorragji, mpiksje të gjakut dhe rënie të nivelit të trombociteve.

Norvegjia ndaloi të enjten shpërndarjen e vaksinës AstraZeneca, pasi të njëjtën gjë bëri edhe Danimarka. Islanda u bë vendi i tretë që ndoqi shembullin e tyre.

"Ne nuk e dimë nëse rastet janë të lidhura me vaksinën", tha Sigurd Hortemo, një mjek i vjetër në Agjencinë Norvegjeze të Barnave në një konferencë për shtyp.

Të tre individët që patën efekte anësore janë nën 50 vjeç.

Agjencia Kombëtare e Shëndetit në Danimarkë ka vendosur pezullimin e përkohshëm të vaksinimit me vaksinës AstraZeneca për shkak të problemeve me mpiksjen e gjakut të verifikuar në disa njerëz. Agjencia në fjalë ka nënvizuar se nuk është e konfirmuar ende nëse ka një lidhje mes vaksinës dhe simptomave te personat në fjalë por megjithatë ajo ka kërkuar nga autoritetet të ndryshojnë programin e vaksinimit dhe të ndalojnë përdorimin e AstraZeneca-s për një kohë.

Ne duhet ta sqarojmë këtë situatë përpara sesa të vazhdojmë me përdorimin e AstraZeneca-s