AstraZeneca tërheq vaksinën kundër Covid-19

AstraZeneca ka filluar tërheqjen në mbarë botën të vaksinës së saj Covid-19 për shkak të një “tepricës së vaksinave të përditësuara në dispozicion”.

Më 7 maj, Agjencia Evropiane e Barnave njoftoi se AstraZeneca nuk është më e autorizuar për përdorim.

Gjiganti farmaceutik e argumentoi këtë vendim me faktin se tani në treg ka vaksina të reja të përshtatura me variantet e reja të Covid-19. Kjo sipas tyre ka çuar në rënie të kërkesës për vaksinën AstraZeneca, e cila nuk po prodhohet më.

“Mbi 6.5 milionë jetë u shpëtuan vetëm në vitin e parë të përdorimit dhe mbi 3 miliardë doza u shpërndanë në të gjithë botën”, thuhet në deklaratë.

Përpjekjet tona janë njohur nga qeveritë në mbarë botën dhe konsiderohen gjerësisht si një komponent i rëndësishëm në fundin e pandemisë globale. Tani do të punojmë me rregullatorët dhe partnerët tanë për të ecur në një hap drejt mbylljes së këtij kapitulli.

Vende të tjera e kanë ndalur furnizimin me vaksinën Astra Zeneca prej disa kohësh. Në Australi, ajo nuk është më e disponueshme që prej marsit 2023, ndërsa përdorimi i saj ka nisur të tkurret nga qershori 2021 për shkak të sasive të mëdha të vaksinave të tjera.

AstraZeneca e ndryshoi emrin e vaksinës së saj kundër Covid në Vaxzevria në vitin 2021. Vaksina u autorizua për përdorim te individë të moshës 18 vjeç e lart, e dhënë në dy injeksione, zakonisht në muskulin e krahut të sipërm, me një distancë prej rreth tre muajsh.

Vaxzevria përbëhet nga një virus tjetër i familjes së adenoviruseve i modifikuar për të bartur gjenin për prodhimin e një proteine ​​nga SARS-CoV-2, virusi që shkakton Covid-19. Vaksina nuk e ka në përmbajtje virusin dhe nuk mund ta shkaktojë virusin.

Efekte anësore të saj u konstatuan në disa raste. Tromboza u vu re në dy deri në tre persona për 100 000 të vaksinuar me Vaxzevria.