Kuvendi

Çfarë ndodhi sot?

Asgjë e jashtëzakonshme, veç aplikimit të parimit se politika nuk e toleron boshllëkun. Z. Berisha emëroi një gjoja kryetar partie në vitin 2013. Z. Rama ia doli të krijonte një gjoja opozitë përballë vetes për të qëndruar i qetë në drejtimin e një gjoja qeverie që bën reforma por në fakt bën vetëm zullume.

Z. Basha e gjeti më në fund sot emrin e tij të vërtetë nga mentori dhe shpikësi i tij politik, nga Baba Carlo i këtyre 8 vjetëve: një Monument i Hiçit.

Analisti Mustafa Nano i druhet një skeme të ngjashme si ajo që u përdor për Teatrin Kombëtar, në rastin e portit të Durrësit. Nano komentoi në studion e lajmeve lajmin që MCN publikoi dy ditë më parë lidhur me kompaninë guackë  që qëndron pas projektit 2 miliardë dollarë për ndërtimin e një porti turistik në Durrës.  Nano tha se fakti që një skup i tillë nuk gjeti jehonë në botën mediatike, sidomos atë opozitare, ngre shumë pikëpyetje.

Kuvendi i Shqipërisë ka ndryshuatr sërish rregulloren e akreditimit të gazetarëve në ambientet e komisioneve parlamentare. Në njoftimin e vet, Kuvendi informon se pas konsultimeve me gazetarë është arritur në disa ndryshime të rregullave të tanishme përmes të cilave sanksionohet:

Presidenti Meta e refuzoi kërkesën e komisionit hetimor për t’u paraqitur në seancën dëgjimore.  

Kreu i shtetit thotë se ftesa për t’u paraqitur në seancë nuk “referon asnjë dispozitë kushtetuese dhe ligjore për bazueshmërinë e saj”.

Meta vijon të ngulë këmbë se nisma për shkarkimin e tij është hakmarrje politike, ndërsa shton se presidenti do të mbetet i vetmi që nuk do të frikësohet dhe i vetmi që ia ka dalë njeri ta detyrojë të shkelë Kushtetutën.

Tri ditë më parë, Asambleja e Komisionit për Demokraci përmes Ligjit (Komisioni i Venecias) miratoi opinionin përfundimtar në lidhje me pyetjet që Presidenti i Republikës i kishte drejtuar më 21 tetor 2020 këtij institucioni të Këshillit të Evropës. Nga analiza e këtij opinioni dalin në pah dy dështime të mëdha të Presidentit Meta, të cilat po i analizojmë në vijim.

Kryeministri Edi Rama ka deklaruar sot gjatë një replike në Kuvendin e Shqipërisë, se një nga gabimet me pasoja në vendin tonë është keqkomunikimi. Ai ka cilësuar se kori i akuzave ka shndërruar komunikimin në një formë presioni negative mbi shoqërinë duke helmuar marrëdhëniet e besimit me politikën.
Dëgjojeni kryeministrin sesi kërkon që askush të mos akuzojë hajdutë, kriminel etj., pasi kështu konsumohet një akuzë penale që duhet provuar.

Njerëzit sot kërkojnë drejtësi, kërkojnë që më në fund gjërat në këtë vend të bëhen konkrete, puna jonë duhet të jetë në lartësinë e asaj që njerëzit kërkojnë nga ne

Kështu u shpreh në fillim të dhjetorit 2019, kryeprokurori Olsian Çela, me marrjen e detyrës. Sot, gjatë diskutimit në mbledhjen online mes tij dhe Kuvendit të Shqipërisë, Çela ndër të tjera ka thënë: 

Kryeministri Edi Rama ka sqaruar sot në Parlament, sipas asaj që ai mendon se është sqarim, amnistrinë e re fiskale dhe penale që pritet të miratohet për pasuritë e paformalizuara. Fjala e kreut të qeverisë paraqet disa probleme serioze për atë që quhet funksionim i shtetit të së drejtës dhe ligjit. 

Së pari z. Rama ka dhënë premtimin solemn se “ligji do miratohet me 84 vota” duke siguruar kështu idenë e vet se amnistia është e pakthyeshme. 

Kryetari i Kuvendit të Republikës së Shqipërisë, Gramoz Ruçi, ka kritikuar këtë të premte drejtuesit e institucioneve të pavarura. Ai paralajmëroi se nëse institucionet nuk plotësojnë rekomandimet që bëhen nga Kuvendi do të kërkojë shkarkimin e drejtuesve. Gjatë mbledhjes, kryetari i Kuvendit u përplas me kryetarin e AMA-s, pasi ky institucion nuk ka plotësuar as gjysmën e rekomandimeve.

"Autoriteti i Mediave Audiovizive ka realizuar plotësisht pesë dhe ka realizuar pjesërisht gjashtë", tha Ruçi.

Sot përfaqësues të opozitës kanë dorëzuar në Komisionin Qendror të Zgjedhjeve mandatet e listave shumëemërore. Kështu, të paktën sipas opozitës do të frenohet zbatimi i dispozitës që zëvedëson deputetët e larguar me të tjerë. Lista dorezohet nga subjekti zgjedhor dhe mbi të partitë kanë të drejta. Gjithësesi PD-ja duket se ka konsumuar një akt administrativ që përbën argument për debat nëse shumica do të vazhdojë me lojën e zëvendësimit. 

Pse ka rëndësi kjo? Sepse Kushtetuta në nenin 64 përcakton se Kuvendi përbëhet nga 140 deputetë.