zgjedhjet presidenciale

Në zgjedhjet presidenciale ruse nuk ka asnjë suprizë. Vladimir Putin po shkon drejt fitores së sigurtë, madje me diferencë të thelluar në raport me 64% të votave që mori në vitin 2012.

Mediat rapotojnë se nga gjysma e kutive të numëruara, Putin ka siguruar 75% të votave, i pasuar nga milioneri komunist Pavel Grudinin. Në garë ishin edhe gazetarja Ksenia Sobchak dhe nacionalisti i njohur, Vladimir Zhirinovsky. Rivali opozitar, Aleksei Navalny u përjashtua nga gara.  

Kryeministri i Francës, Bernard Kaznev akuzoi Marine Le Pen se është duke u përpjekur për të shfrytëzuar paturpësisht sulmin në Paris për të ushqyer frikën dhe për ta ndarë popullin francez për arsye elektorale. Fronti Kombëtar ka votuar kundër një nga një të gjitha ligjet e anti-terrorizmit që janë paraqitur në parlamënt, ka thënë kryeministri francez në përgjigje të deklaratës së Le Pen, e cila bëri thirrje për rifutjen e kontrolleve kufitare dhe deportimin e shtetasve të huaj të cilët janë në listat e shërbimeve të monitorimit sigurisë.

Amerikanët sot më shumë se kurrë janë në sprovë me intelektin e doktrinës së tyre!!!

Ndërkohë që data e zgjedhjeve amerikane po afron, skenarët eventualë pas zgjedhorë sa vijnë e shtohen. Hillary Clinton ka gjasa të jetë presidentja e radhës, deri më tani më shumë sesa republikani Donald Trump, por proceset hetimore ndaj saj nuk përjashtojnë një akuzë pas zgjedhjeve. Gazetari investigativ Edward Klein tha për Fox News, një televizion pranë fushatës së Trump, se FBI po kryen hetim gjithëpërfshirës dhe nuk përjashtohet që Comey, drejtori i Byrosë, të ngrejë padi ndaj presidentes së re.

Kandidatja demokrate për zgjedhjet presidenciale në SHBA, Hillary Clinton është duke mbajtur një takim elektoral në Ohio. E veçanta e këtij takimi është sulmi i saj ndaj Donald Trump dhe idesë së përhapur gjerësisht se me ardhjen e Clinton në pushtet, bota do të kalojë në konflikt global. Në këtë kuadër, demokratja ka bërë jë “hap cilësor” kur ka cituar ish-presidentin Ronald Reagan, konservatorin “perfekt” për përballjen atomike dhe nevojën e bashkëpunimit me sovjetikët. Më tej, Clinton ka cituara Trump që dikur u shpreh se “unë dua të jem i paparashikueshëm”.

Një tjetër panoramë zbulohet nga WikiLeaks rreth aktiviteteve të familjes Clinton. Ndërkohë që zgjedhjet në SHBA po kultivohen si një garë mes një miliarderi të papërgjegjshëm si Donald Trump dhe një zyrtareje që vjen nga një familje që i “ka dhënë Amerikës”, të dhënat flasin disi më ndryshe. E-mailet zbulojnë se në vitin 2014 të ardhurat e Fondacionit Clinton ishin 337 99 000 dollarë, prej të cilëve vetëm 64% u shpenzuan për bamirësi. Pjesa tjetër shkuan për paga, llogari dhe shpërblime.

Dy gazeta amerikane, Los Angeles Times dhe Investor’s Business Daily, njëra me prirje të majta e tjetra me prirje të djathta, kanë publikuar sot sondazhet më të fundit për garën presidenciale. Në të dyja sondazhet, Trumpi rezulton me të njëjtat pikë si Clinton-i.

Para 4 vjetësh, Los Angeles Times parashikoi me saktësinë më të madhe rezultatin e zgjedhjeve presidenciale – parashikimi i saj u shmang vetëm 0.5 pikë nga rezultati përfundimtar. Ndërsa Investor’s Business Daily e parashikoi fitoren e Obamës me një shmangie prej 2.6 pikësh.

E.Z.

Organizata njofton në Twitter se që nga e shtuna, ambasada e Ekuadorit në Britani, ku strehohet Julian Assange ka ndërprerë internetin për këtë të fundit. Vetë WL ka kërkuar nga bashkë punëtorët të mbrohen dhe në disa media po hidhet dyshimi se Assange mund të mos jetë më në ambasadë. Gjithçka mesa duket pas e-maileve të Clinton që kanë djegur keq.

“Politika e SHBA-së për Rusinë ka dështuar”. Kështu titullohet një shkrim i revistës së njohur “Foreign Policy” që ka për autor Thomas Graham dhe Matthew Rojansky. Shkrimi sjell në vemendje një nga problemet kryesore të SHBA-së sot, që është pikërisht përballja me bilanc negativ me Kremlinin. Duke qenë se nuk thuhet ende se ky bilanc vjen nga një dobësi sistemike apo strukturore, dsy autorët sugjerojnë për kandidatët për presidentë që qasja dhe premisat e politikës së jashtme ndaj Moskës të rishikohen.

Donald Trump është në aktualisht në qendër të ciklonit mediatik në SHBA, pas publikimit të një video ku ai thotë se “me femrat mund të bësh çfarë të duash”. Kaq u desh që përroi i moralit të mbysë çdo gjë dhe ta vendosë Trump në cepin e goditjeve prej nga ku përfiton vetëm një person dhe jo SHBA: Jillary Clinton, diagnostikuar me pneumoni dhe një sekretare Shteti që theu ligjet e sigurisë në detyrë. Trump ka dalë sot me një video ku kërkon falje.