vaksina

Bill Gates mendon se në fund të vitit 2021 bota do të ketë shpëtuar nga makthi i koronavirusit. Përmes një interviste dhënë për Bloomberg, miliarderi i Microsoft, ka deklaruar se deri në fund të vitit tjetër mund të shpresohet për kthim në normalitet, ndërkohë që çështja e vaksinës është komplekse.

Qendra Gamelei në Moskë pritet të regjistrojë më 12 gusht të këtij viti vaksinën e parë kundër CoVid-19 në botë. Lajmi është konfrmuar nga zv.ministri rus i Shëndetësisë, Oleg Gridnev sipas të cilit përparësi do të kenë personeli mjekësor dhe të moshuarit. Sipas Miistrisë ruse të Shëndetësisë është planifikuar nisja e fushatës së vaksinimit të popullatës në muajin tetor dhe ajo do të mbulohet tërësisht nga qeveria ruse.

Vaksina në fjalë është testuar mbi 38 vullnetarë dhe i ka kaluar protokollet e sigurisë. Sipas mediave ruse ajo prodhoi imunitet te të vaksinuarit.

Media të ndryshme raportojnë se vaksina e zhvilluar nga kompania britanike universiteti i Oxford ka dhënë rezultate të mira. Testimet e kryera mbi 1077 njerëz kanë provuar se injeksioni prodhoi antitrupa dhe qeliza T që kuftojnë koronavirusin.

Raportimet e ndryshme theksojnë se ky është një rezultat premtues, por është ende herët për të folur nëse do të kalohet në prodhimin e saj pasi nevojiten teste të tjera për të kuptuar nëse ajo prodhon mbrojtjen e nevojshme.

Një ish-zyrtar i lartë i Organizatës Botërore të Shëndetësisë, Klaus Stohr, më vonë virolog në Novartis, paralajmëron një skenar të zymtë për pandeminë që po kalojmë. Sipas tij virusi do të largohet kur të ketë përshkruar mbarë njerëzimin, ndërkohë që vakisna paraqet probleme sigurie që nuk janë adresuar, por edhe për shpërndarjen e saj. Stohr thotë se e mira e kësaj pendemie do shpresuar të jetë mësimi për të ardhmen.

Kur parashikoni se vaksina do të jetë e disponueshme?

Agjencia e lajmeve “Reuters” raporton se Bashkimi Europian është duke negociuar me kompanitë “Moderna”, “Sanofi”, “Johnson&Johnson”, “BioNtech” dhe “CureVac” për blerjen e një vaksine kundër koronavirusit.

Gjermania, Franca, Italia dhe Hollanda kanë nënshkruar së  fundmi një kontratë për 400 milionë doza vaksine kundër CoVid-19 me kompaninë britanike “AstraZeneca Plc”.

Marrëveshja parashikon furnizimin e këtyre vendeve në rast se vaksina e Oksfordit do të rezultojë e suksesshme, çka provon se asnjë vend nuk po mendon se përballja me epideminë ka përfunduar.

Mediat e shumta raportojnë thuajse përditë për studime dhe ilaçe të ndryshme kundër koronavirusit. Kundërthënia e studimeve klinike për këtë virus është kaq e madhe saqë ngjan se trajtimi i ndjekur në valën e parë të ketë qenë një eksperiment mbi njerëzit. P.sh sipas mediave “një studim thotë” se përdorimi i hidroksilklorokinës për trajtimin e pacientëve me CoVid-19 rrit shkallën e vdekshmërisë, por jo kur alternohet me antibiotik. Shkaku: Zemra.

Shkencëtarë nga universiteti i TelAvivit në Izrael deklarojnë se vaksina kundër tuberkulozit – BCG – nuk jep mbrojtje ndaj koronavirusit. Studimi prete ende të kalojë redaktimin shkencor, por ai është publikuar në revistën e Bashkimit Amerikan Mjekësor.

Presidenti i Kinës, Xi Jinping ka njoftuar Organizatën Botërore të Shëndetësisë se vaksina kineze kundër CoVid-19 do të jetë e mirë e disponueshme për mbarë botën.

Në momentin kur vaksina të jetë gati dhe e disponueshme ajo do të ofrohet për të gjithë botën

Shkencëtarë të ndryshëm po sugjerojnë që qeveritë e prekura rëndë nga pandemia e CoVid-19 duhet të nisin të mendojnë për një Plan B, që është në fakt pranimi bashkëjertesës për një kohë të gjatë me virusin.