uefa

 “UEFA është e informuar për atë që po ndodh me zgjedhjet e datës 7 shkurt”. Kështu është shprehur ndër të tjera drejtori i Komunikimit Pedro Pinto të saj, gjatë një interviste me Top-Channel.

Është një qëndrim formal dhe që ngjan si apel për zbatimin rigoroz të rregullave dhe statutit të Federatës Shqiptare të Futbollit, e cila është pjesë e UEFA-s. Kjo është një shenjë e mirë për të gjithë procesin zgjedhor, i cili duhet thënë se po synohet të menaxhohet nën një kontroll absurd të problemeve thelbësore që kanë dalë tanimë në sipërfaqe.

Skandali i trukimit të ndeshjeve të Skënderbeut i cili e la për 1 vit jashtë Ligës së Kampionëve ka marrë përmasa të tjera. UEFA ka publikuar së fundmi emra zyrtarësh të këtij klubi të cilët pas hetimeve të bëra kanë rezultuar të lidhur me kompanitë e basteve.

Federata Shqiptare e Futbollit, kjo "bahçe personale" e Armando Dukës, përfshihet në një skandal. Televizioni Publik Shqiptar raporton se Federat Europiane e Futbollit, ka nisur një e-mail ku sqaron se vendimi i saj për përjashtimin e Skënderbeut i ëhstë dërguar prej kohësh FSHF-së. Por kjo e fundit nuk e ka bërë publike për të krijuar kështu një situatë kaotike dhe duke e vendosur veten në një pozitë krejt joligjore.

Për shkak të golit të shënuar gjithë vëmendja e mediave u përqëndrua te Armando Sadiku, i palodhur në përpjekjet për të gjetur golin dhe përkushtimi që tregoi në fushë ia shpërbleu, por luftëtari i padukshëm i Shqipërisë në mesfushë është Amir Abrashi. Kosovari i rritur dhe edukuar në Zvicër rezulton lojtari që ka vrapuar më shumë se të gjithë në ndeshjen Rumani-Shqipëri 0- 1. Mesfushori kuqezi, në bazë të statistikave të UEFA-s, ka përshkuar dje 11.47 kilometra, duke qenë i pari në listën e 10 lojtarëve që vrapuan më shumë.

UEFA ka nisur procedim disiplinor ndaj Federatës Shqiptare të Futbollit për shfaqjen e një baneri me përmbajtje anti sportive nga tifozët shqiptarë në ndeshjen Shqipëri-Zvicër.

Komisioni i Etikës pranë qeverisë së futbollit europian ka nisur hetimet dhe rasti do të gjykohet në seancën e datës 21 korrik.

Një ditë më parë qeveria greke protestoi pranë UEFA-s për shfaqjen e një baneri që fliste për 100 mijë viktima shqiptare duke bërë fajtore Greqinë për gjenocid ndaj çamëve në Greqi.

Bindjen e tij se qarqe të caktuara po përpiqen të minojnë përpjekjet për riafrimin mes Shqipërisë dhe Greqisë, duke ngritur çështjen e çamëve ka shprehur ministri i Jashtëm grek Nikos Kotzias pas shfaqjes së parrullës me përmbajtje nacionaliste në ndeshjen Shqipëri -Zvicër. " Disa po mundohen të prishin klimën e mirë që është krijuar. Ndikimi i Turqisë më Shqipëri është reduktuar. Udhëheqësit fetarë të Shqipërisë kanë shprehur hapur kundërshtitë me lidershipin turk"-deklaroi Kotzias për Televizionin Mega.

Anëtarësimi i Kosovës në UEFA është lajm i mirë, është lajm i bukur por, jo aq edhe i zjarrtë sikurse po e paraqet politika.
Lajmi për Kosovën në UEFA të mos përdoret si mjet pune në duar të qeverisë së degjeneruar. Mos të romantizohet, deri në budallallëk , ky sukses, jo i vogël sportiv, i Kosovës së lodhur e të kërcnuar nga copëtimi i Serbisë.

Lajmin me ngjyrime të tilla politike e me emocione plot, do ta mirëkuptoja, atëherë dhe vetëm atëherë, kur do të ndodhë bashkimi i kombit shqiptar në një sistem politik e në një udhëheqje politike. Pikë!

Kosova është anëtarja më e re Federatës Europiane të Futbollit, duke konfirmuar kështu një realitet të gjallë që nuk mund të mohohet. U pëlqen apo nuk u pëlqen disave. Ajo është bërë pjesë e familjes së futbollit europian me anë të një votimi, i cili në fund është i padiskutueshëm.  Një sinjal tjetër, jo pa domethënie, vjen nga Rusia e cila votoi kundër anëtarësimit të Kosovës në UEFA, gjithnjë si aleate e qëndrimit serb.

Historike, Federata Kosovare e Futbollit është zyrtarisht anëtarja e 55-të e UEFA-s. Vendimi u morr në Kongresin e Zakonshëm të Konfederatës Europiane, të zhvilluar në kryeqytetin e Hungarisë, Budapest. Kosova njihet si shtet nga 38 vende anëtare të Konfederatës Europiane, por për t'u anëtarësuar në UEFA mjaftonin 28 vota, të cilat Kosova i mori.