shba

E ngarkuara me punë e SHBA në Tiranë, Leyla Moses-Ones ka përcjellë sot disa mesazhe për Rusinë dhe Kinë teksa ka folur në konferencën ‘Shtetet e Bashkuara të Amerikës në Ballkanin Perëndimor’. Duke mos sqaruar se për çfarë bëhet fjalë konkretisht, diplomatja amerikane ka theksuar se “disa gjëra nuk janë në shitje në Shqipëri”.  

Mediat serbe po i kushtojnë vëmendje zhvillimeve që solli samiti i fundit i Bashkimit Europian, në të cilin doli në pah një qëndrim i fortë refuzues i Francës. Maqedonia e Veriut dhe Shqipëria ishin dy viktimat e politikës franceze, por në një plan më afatgjatë, duket se opsioni që BE-ja të mos zgjerohet më tej qëndron në tavolinë. 

Ndonëse aktualisht po fajësohet presidenti francez Macron, duhet thënë se edhe më herët, gjatë periudhës së qetë të BE-së është folur për Europën e dy shpejtësive duke vënë në dukje dallimet e mëdha mes Veriut dhe Jugut. 

Njoftimi i Presidentit amerikan Donald Trump për tërheqjen e trupave amerikane nga Siria dhe lajmet për pushtimin turk të rajonin kurd zemëruan nga kurdët. E gjithë kjo lëvizje shihet si një "thikë pas shpine" e SHBA-ve për aleatët e tyre në luftën kundër Shtetit Islamik, pasi është e qartë se operacionet ushtarake të Turqisë kanë për qëllim goditjen e kurdëve.

Një lëvizje pas zgjedhore e Partisë Demokratike të Kosovës për rinumërim votash duket se njofton skenarë të mundshëm për të nxjerrë jashtë loje në formimin e qeverisë Lëvizjen Vetëvendosje. Së pari vetë kërkesa, ndonëse legjitime, hap spiralen e kontestimit dhe korrigjimit eventual të përqindjeve, ndërkohë që menjëherë sapo rezultati u u bë i qartë, nga Beogradi nisën intrigat dhe presionet.

Shtetet e Bashkuara të Amerikës kanë deklaruar tërheqjen nga Siria, për ta shkëmbyer këtë veprim me partneritetin me Turqinë e Erdoganit. Të dy presidentët respektivë, Donald Trump dhe ai turk, Reccep Tayyip Erdogan kanë folur rreth kësaj marrëveshjeje që i leverdis të dyja vendeve dhe synimeve të tyre për sigurinë.

Shtetet e Bashkuara të Amerikës kanë vendosur heqjen e vizave hyrëse per qytetarët polakë. Lajmi bëhet i ditur nga mediat polake sipas të cilave kjo është diskutuar edhe në takimin e fundit mes presidentit amerikan Donald Trump dhe atij polak, Andrzej Duda.

Edhe pse nuk sqarohet se kur hyn në fuqi ky vendim, lajmi për të përcillet si i sigurtë.

Rusia ka propozuar zyrtarisht që duke nisur nga viti 2020 sesionet e Komitetit të Parë për Asamblesë së Përgjithshme të OKB-së të zhvillohen në Europë. Zëvendës ambasadori i Përhershëm i Rusisë në OKB, Dmitry Polyansky propozoi Gjenevën ose Vjenën si vende të mundshme për këto aktivitete duke hedhur kështu idenë që SHBA të mos jetë më vendi ku zhvillohen ekskluzivisht aktivitetet e OKB-së së këtij komiteti.

Tani që Gjermania ka dhënë dritën jeshile për hapjen e negociatave të anëtarësimit me Shqipërinë problemi i z. Rama reduktohet shumë. Që këtej e tutje, kryeministri i Shqipërisë do ta ketë shumë të lehtë të menaxhojë sulmet e brendshme pasi në çdo rast i ka argumentet gati. Një vlerësim i Hollandës nuk peshon më shumë nga një vlerësim i Gjermanisë, vend që niset edhe nga konsiderata strategjike. 

Mediat polake raportojnë se presidenti i vendit, Andrzej Duda dhe homologu i tij amerikan, Donald Trump pritet të nënshkruajnë një deklaratë të përbashkët bashkëpunimi përmes së cilës parashikohet shtimi i trupave ushtarake amerikane në Poloni.