mandati

Sot raportohet se është mbledhur online Këshilli i Lartë Gjyqësor që ka për detyrë të shqyrtojë mandatin e Ardian Dvoranit si kryetar i Këshillit të Emërimeve në Drejtësi dhe si anëtar i Gjykatës së Lartë.  Seanca është mbledhur pas një letre të Presidentit të Republikës që ka vënë në dukje se Dvorani nuk mund të vazhdojë asnjë prej detyrat e tij. 

Albin Kurti ka pranuar më në fund të mandatohet si kryeministër i Kosovës. Shtyrja pa fund e deklarimit të tij si i mandatuar ka përfunduar sot me dekretin e Presidentit Hashim Thaçi. 

Lëvizja Vetëvendosje në Kosovë duket se është kyçur në një pozicion absurd paszgjedhor. U shpall fituese e zgjedhjeve parlamentare, kryetari i saj, Albin Kurti e quan veten si kryeministër, por nuk pranon ta zyrtarizojë kandidaturën e tij. Presidenti i vendit, Hashim Thaçi, kishte njoftuar një afat 48-orësh për të zyrtarizuar emrin e kandidatit që do të mandatohet, por VV ka dështuar sërish në këtë drejtim.

Albin Kurti ka zhvilluar më në fund takimin e shumëpërfolur me presidentin e Kosovës Hashim Thaçi. Takimi u përfol se ishte konsultativ, por në finale, pas 15 minutash diskutim të dy janë ndarë. Kreu i Vetëvendosjes ka nxituar të sqarojë natyrën e takimit, duke bërë të qartë se ai shte aty si pasojë e presionit publik.

KQZ vendosi të shpallë përfundimin e parakohshëm të mandatit të Agim Kajmakut, i njohur ndryshe edhe si Jorgo Toto. Pas verifikimit nga Prokuroria rezultoi se kryetari i Bashkisë së Vorës, i dalë nga zgjedhjet e 30 qershorit, nuk kishte përfshirë në formularin e dekriminalizimit arrestimin në Greqi dhe procesin gjyqësor në mungesë ndaj tij për falsifikim parash.

Nënkryetari i KQZ-së, Denar Biba tha se pavarësisht se Kajmaku doli i pafajshëm nga Gjykatat greke ai penalizohet nga një vendim i Kuvendit që thotë se fshehja e të dhënave çon në shkarkimin e funksionarit

Në datën 12 janar 2012 mediat raportonin se Sali Berisha, kryeministër i vendit, qëndroi dy orë e gjysmë në shtëpine Ilir Metës, ish-z. kryeministër dhe subjekt i një hetimi penal dhe gjykimi në Gjykatën e Lartë. Mediat e interpretuan këtë si mesazh shantazhues ndaj Gjykatës që një ditë më pas do merrte vendim për Metën dhe përfshirjen e tij në videon me Dritan Priftin.

Media të ndryshme raportojnë se Gjykata e Durrësit ka rrëzuar kërkesën e kandidates së Partisë Socialiste për zgjedhjet lokale të 30 qershorit për mandatin e kryebashkiakes. Të njëjta burime raportojnë se gjykata ka konsideruar se regjistrimi i Bindjes Demokratike për zgjedhjet dhe përmbajtja e fletës së votimit për kryetar bashkie janë të pavlefshme.

Vendimi përcakton se zgjedhjet e 30 qershorit për këto shkaqe janë nul, të paktën në Bashkinë e Durrësit, duke vendosur një pikëpyetje serioze mbi vendimmarrjen e Komisionit Qendror të Zgjedhjeve.

Rënie rekord e kristiandemokratëve të kancelares Angela Merkel në sondazhe.  CDU është tre pikë prapa opozitës së të Gjelbërve, popullariteti i të cilëve është në rritje spektakolare kohët e fundit. Rezultatet e sondazit pasqyrojnë kultivimin e një pakënaqësie në rritje ndaj "koalicionit të madh" qeverisës.

Parlamenti egjiptian ka vendosur të shtyjë qeverisjen e presidentit Abdel Fattah al-Sisi deri në vitin 2030. Ky akt është shoqëruar edhe me vendimin për të amenduar Kushtetutën për t’i dhënë ushtrisë ndikim më të madh, por edhe t’i japë Sisit kontroll më të madh mbi drejtësinë. 
Mediat raportojnë se amendamentet në fjalë do të kalojnë në referendum. 

Njëmbëdhjetë deputetë iranianë kanë dhënë së fundmi dorëheqjen nga mandate i tyre në shenjë proteste për mënyrën sesi shpërndahen burimet ujore në rajonin e tyre të Iranit qendror të Esfahanit. Në kundërpërgjigje të këtij veprimi, tre deputetë të tjerë, nga tre rajone të tjera, kanë kërkuar, përmes një letre të hapur, nga drejtuesit e shtetit që të vendosin për mënyrën sesi duhet shpërndarë uji.