lufta

Dështimi armëpushimit në Siri dhe rinisja e sulmeve tokësore dhe ajrore në Halep ka sjellë acarimin e marrëdhënieve ruso – amerikane drejt një pike të paprecedentë në këto dekada. Agjencia ruse e lajmeve, “Sputnik”, pararoja e propagandës ruse, citon një deklaratë të zëdhënësit të Departamentit Amerikan të Shtetit, John Kirby, bërë gjatë një konference me mediat të mërkurën. Kirby ka përsëritur kërkesën për bashkëpunim me SHBA-të, pasi përndryshe siç bëri të ditur ai, pasojat do të jenë të rënda.

Pas përballjes së ashpër dhe akuzave për krime lufte në Këshillin e Sigurimit në OKB, Rusia dhe Perëndimi kanë vijuar kundërshtitë edhe në frontin mediatik. Agjencia ruse e lajmeve “Sputnik” ka shpërndarë sot një video që tregon sipas saj “rikthimin e jetës në zonat e Halepit të çliruara nga ushtria siriane”. Në videon e regjistruar në lagjen Ramouseh duken dyqane të hapura, njëfarë rregulli urban dhe njerëz apo makina që qarkullojnë.

Një arrestim i djeshëm për drogë i policisë së Lezhës, çuditërisht u la në heshtje nga Partia Demokratike, ndonëse ajo është investuar fort në denoncimin e rasteve të trafikut të drogës. Për më tepër që arrestimi në fjalë ishte një rast i artë për opozitën, nisur nga personi dhe lidhjet e tij me strukturat shtetërore.
Bëhej fjalë për arrestimin e Pajtim Agës, i cili sipas syri.net është vëllai i shefit të komisariatit të Dibrës, Bert Aga, të cilin opozita e akuzoi si një nga organizatorët e skemës kriminale të blerjes së votave në Dibër me para të trafikut të drogës.

Kriza siriane ka tensionuar marrëdhnëiet mes Perëndimit dhe Rusisë drejt një pike të re. Këshilli i Sigurimit i OKB-së është mbledhur me kërkeë të ShBA-së, Britanisë së Madhe dhe Francës për të diskutuar mbi nisjen e luftimeve në qytetin e Halepit pas sulmeve ajrore të datës 17 shtator. ShBA deklaroi se sulmi në Dayr al-Zawr që shkaktoi vdekjen e 50 ushtarëve sirianë dhe plagosjen e 100 të tjerëve ishte keqllogaritje.

Paul Wolfowitz, ish-këshilltar i Presidentit Bush dhe një nga njerëzit e akuzuar si planfikues i luftës në Irak, ka dhënë një intervistë për gjermanen “Der Spiegel”, përmes së cilës ka bërë disa vlerësime edhe për situatën e sotme.

Wolfowitz hedh poshtë akuzën se ai është autor i luftës në Irak, ndërkohë që pranon se goidtja ndaj regjimit të Saddam Hussein, u bë jo mbi prova, por mbi bindje të përgjithshme. Ky është ndoshat edhe qëndrimi më skandaloz përderisa pranohet se një shtet u shkatërrua për nevoja imediate sigurie të një shteti tjetër dhe mbi bazë perceptimi.

Turqia e Reccep Tayipp Erdogan duket se ka krijuar koniunkturën për të luajtur mes dy portave të mëdha: Perëndimit dhe Rusisë. Pak ditë pas takimit të sekretarit amerikan të Shtetit John Kerry me presidentin turk Erdogan, agjencia shtetërore ruse e lajmeve "Sputnik" publikon një intervistë me Ismail Hakki Pekin, ish-shef i Shërbimit Sekret në Shtabin e Përgjithshëm të ushtrisë. Sipas këtij zyrtari janë zhvilluar pesë takime informale mes palës turke dhe shërbimit sekret sirian të Bashar Al Asad, dy prej të cilëve në vitin 2015.

Pjesëmarrja e femrës në luftë shënon një moment kulmor me Luftën e Dytë Botërore, kur të gjitha fuqitë kryesore mobilizuan burime të mëdha njerëzore për frontinl, por edhe prapavijën. Bashkimi Sovjetik përdori elementin njerëzor femër në front direkt, duke inkuadruar 2000 femra në detyrën e snajperistit. Kjo kategori hyn te heronjtë e vërtetë të një lufte që nuk kaperceu konvencionet luftërave të deriatëhershme. Lufta në Lindje ishte asgjësuese, ajo nuk mund të njihte armëpushimin dhe kompromisin, ndaj edhe aktet e konsumuara në të, nga të dy anët e frontit janë unike.

Një video nga Halepi i Sirisë po qarkullon në internet si një ilustrim i asaj që kjo luftë po shkakton. Edhe pse trajtimi i këtillë i viktimave ka një dozë cinizmi brenda, pse afirmon një solidaritet thjesht virtual, duhet thënë se pamjet provojnë absurditetin e luftës në Siri.

Watch just this clip & when finished watch it again pic.twitter.com/cLXZ1TxhjO

Historiani Muhamet Mala hedh poshtë pretendimet se lufta e Skëndërbeut kishte karakter fetar, një tezë që artikulohet kryesisht në disa rrethe fetare në Shqipëri, Kosovë e Maqedoni. Mala thotë se Skëndërbeu luftoi edhe kundër venedikasve e edhe kundër osmanlinjve për të mbrojtur shtetin që kishte krijuar. Sipas tij, kushdo që përpiqet që t’i japë karakter fetar luftës së tij, bën sulm të rëndë ndaj popullit shqiptar.

Pas Irakut dhe Libisë i vjen radha Sirisë që t’i ekspozohet skenarëve për ndarjen territoriale të vendit. Shefi i shërbimit amerikan të inteligjencës, John Brennan, deklaroi gjatë një fjalimi në forumin vjetor të Aspenit në Colorado, se është e pasigurtë nëse Siria, tashmë prej pesë vitesh në luftë, do të jetë në gjendje të rikristalizojë unitetin e dikurshëm shtetëror.
“Nuk e di nëse Siria do të mund të jetë më bashkë apo jo. Është derdhur shumë gjak, nuk e di nëse do të jemi në gjendje ta mbajmë këtë vend një të tërë”, tha Brennan.