kredia

Kredia prej 100 milionë dollarë për qeverinë shqiptare nga Banka Botërore është dhënë si mbështetje buxhetore, pas fuqizimit të sistemit fianciar. Kështu e ka vlerësuar zëvendësministri I Financave, Erion Luçi, huanë me terma të butë të Bankës Botërore. Në një intervistë për "Tema Tv", Luçi thotë se ky fond pritet të ulë nivelin e kredive me problem, të rrisë kreditimin në ekonomi, por thekson se kjo kredi nuk ndikon në rritjen e borxhit, pasi ai është i parashikuar me ligj në buxhet.

Gjobat ndaj biznesit që janë regjistruar nga sistemi e-tax do të fshihen. Kështu thotë ministri i Financave, Arben Ahmetaj, gjatë një interviste për Vizion Plus. Është e çuditshme gjithsesi, arsyetimi i minitrit.

“Rasti i 33 mijë gjobave të vëna sipërmarrjes, nuk ishte për faj të sistemit, por sepse bizneset nuk njihnin sistemin e ri”, thotë ministri, ndërkohë që nga bizneset ka pretendimet se afatet për regjistrimin e NIPT-it në sistem janë më të vogla sesa njohja e regjistrimit si administratorm duke krijuar një pamundësi për zbatimin e ligjit.

Ministrat e financave të eurozonës kanë arritur një marrëveshje për lehtësimin e borxhit grek, si dhe çlirimin e 10,3 miliardë eurove nga kredia e akorduar për shpëtimin e Greqisë. Pas 11 orë diskutimesh, ministrat kanë vendosur që transhi i kredisë të jepet në disa duar dhe pjesa më e madhe, me vlerë 7,5 miliardë euro të disbursohet në muajin qershor.

Guvernatori i Bankës së Shqipërisë, Genti Sejko, në një intervistë për revistën "Monitor", konfirmon perspektivën e anemike të ekonomisë, nisur nga kërkesa e dobët e biznesit për t'u financuar dhe skepticizmin për të investuar në një vend si Shqipëria.
"Kredia e re e dhënë vetëm gjatë vitit 2015 për investime biznesi dhe për blerje apartamentesh banimi shkon afër nivelit 550 milionë euro, ose rreth 6% e PPB-së. Megjithatë, rritja e portofolit të kredisë shfaqet mjaft më e ulët, sepse ky portofol ka një afat maturimi relativisht të shkurtër.

Ligji i ri I falimentit që po përgatitet nga ekspertët shqiptarë të Bankës Botërore parashikon për familjarët që kanë marrë kredi dhe nuk kanë mundësi shlyerje që kreditori ka të drejtë t’u marrë shpenzimet e jetesës, duke u lënë vetëm të ardhurat e mbijetesës. Në një intervistë për Panorama, Mariana Semini një nga ekspertët e përfshirë në hartimin e ligjit thotë se kjo vlerë do të përcaktohet nga administrator I falimentimit ose mbykqyrës, pas konsultimin me komitetin e kreditorëve, ose kur ky komitet nuk ekziston, me gjykatën e falimentimit.

Fondi Monetar Ndërkombëtar nuk miraton dy këstet e kredisë për Shqipërinë sipas parashikimit të publikuar në muajin nëntor. “Ora-News” raporton se në muajin janar bordi ekzekutiv i FMN-së ka zhvilluar shtatë takime, por në asnjë prej tyre nuk figuron Shqipëria. Po kështu edhe në mbledhjen e datës 5 shkurt, Shqipëria nuk është në axhendë. Të dyja këstet kanë vlerë 73.8 milionë dollarë, lëvrimi i të cilëve “pritet të jetë çështje kohe, pasi palët kanë rënë dakord në plotësimin e detyrimeve që lindin nga marrëveshja e përbashkët tre vjeçare”.

Investitorët e mundshëm duhet të konsiderojnë me kujdes 11 faktorët e rrezikut kur të investojnë në borxhin sovran të Shqipërisë kanë lajmëruar Deutsche Bank dhe J.P Morgan në prospektin që kanë bërë për emetimin e Eurobondit shqiptar. Në mesin e 11 rreziqeve, janë borxhi i lartë publik, mungesa e stabilitetit ekonomik, fiskal, politik, korrupsioni i lartë, ekspozimi ndaj krizës greke dhe italiane, niveli i lartë i NPL, rreziku nga ISIS etj. Në çdo rast të tillë, investitorët mund të humbasin të gjitha ose një pjesë të investimeve të tyre, për shkak të rreziqeve të listuara më poshtë.

Parlamenti grek ka miratuar të enjten në mbremje paketën e masave të reja, duke bërë hapin vendimtar për marrjen e financimeve të tjera nga kreditorët. Masat u votuan me 153 vota ”pro” dhe 137 “kundër”.

“Vizion Plus” raporton se qeveria shqiptare ka arritur marrëveshjen për këstin e kredisë në shumën e 60 milionë eurove. “Si FMN ashtu edhe pala shqiptare kanë pranuar se kanë patur debate dhe përplasje në qëndrime për paketën fiskale dhe buxhetin e 2016-ës, por është vendosur të mos ketë rritje taksash, madje ministri Cani tha se po mendohet ulja e tyre ne sektorë si bujqësia, fasonët dhe turizmi. Buxheti i vitit që vjen, për herë të parë pas 4 vitesh do ta nxjerrë vendin nga marrja e borxhit për të shlyer detyrimet dhe për të paguar rrogat dhe pensionet.

Kërkesa e biznesit për kredi vijon të ulet për të tretin tremujor radhazi. Të dhënat dalin nga një vëzhgim i Bankës së Shqipërisë, sipas të cilës, janë bizneset e mëdha ato që kanë rrudhur kërkesën për kredi, në zërin e investimeve. Kurse biznesi i vogël dhe individët e kanë rritur atë. “Në fund të gushtit, stoku total i kredisë që bankat kanë dhënë për biznesin ra në 359.2 miliardë lekë nga 372.8 miliardë që ishte në gushtin e një viti më parë”, raporton banka.