google

New Scientist shkruan se “Google” është duke përfunduar kompjuterin më të madh kuantik që ekziston sot. Faqja në fjalë i jep shumë rëndësi këtij zhvillimi, duke vlerësuar se kjo do të transformojë komunikimin, por edhe do të ndikojë shumë më gjerë. Kompjuteri pritet të jetë gati në fund të vitit që vjen dhe një lajm i tillë është i pakonfirmuar pasi kompania po mban shumë sekret planet e zhvillimit të tij.

Gjigandi i kërkimit në internet, Google denoncon qeverinë amerikane se ndërmerr pothuajse 4 mijë sulme kibernetike në ditë, duke cënuar privatësinë dhe konfidencialitetin e informacionit që përpunojnë klientët e saj. Duke folur më kongresin e organizuar nga revista Fortune në Colorado, zv/presidentja Dian Green bëri publike edhe shifrën e sulmeve të dedektuara nga sistemet e sigurisë së Google.
Për këtë kërcënim kibernetik zv/presidentja e Google tha se kompania ka nisur të informojë klientët e saj, praktikë që e ka ndjekur më pas edhe Microsoft.

“Wikileaks” ka publikuar së fundmi rreth 30 322 emaile, hyrëse dhe dalëse nga adresa elektronike private  e Hillary Clinton, gjatë kohës që kjo e fundit ishte sekretare e Shtetit. Mes tyre figuron edhe email i i George Sorros që u publikuar në media para disa kohësh, e që i kërkonte Clinton të ndërhynte për situatën e krijuar në Shqipërië pas 21 janarit.

Marrëdhëniet fetare në Europë janë në fije të perit, sado që shumëkush përpiqet që të kalojë tensionet pas formulave të përgjithshme. Përveç shfaqjeve të qarta politike, siç është rasti i rritjes së shpejtë të partive të ndryshme të krahut ultra të djathtë, një incident në Spanjë, ndoshta flet më mirë. Revista e njohur “Foreign Policy” raporton se xhamia më e njohur e Spanjës, xhami a e Kordobës, u zhduk nga Google Maps për dy javë. Nëse kërkoje gjatë mesit të nëntorit për këtë xhami, aty të dilte Katedralja Katolike e Kordobës, e cila ndodhet brenda mureve antike të xhamisë.

13 nëntori ishte për Parisin një natë e sulmeve terroriste. Dhe njerëzit nga e gjithë bota nisën të interesoheshin për atë që po ndodhte. Një grafik i Google evidenton pyetjet e përdoruesve anembanë botës, që janë pyetjet të përbashkëta për të gjithë, por edhe pyetje unike. Një e tillë ishte ajo që u bë në Paris nga një përdorues: Çfarë është zija kombëtare? Gjithsesi grafiku na tregon shkallën e identifikimit, sikurse na jep një panoramë sado të përgjithshme për interesimin, apo edhe kulturën në këtë botë të ndërlidhur. 

Media online po kthehet në një armë që nuk mund të kontrollohet nga asnjë pushtet qendror. Të paktën jo si media tradicionale. Kjo nuk ka të bëjë më me të drejtat vetëm, por edhe për faktin se transmetimi eksponencial i pamjeve apo ngjarjeve në një rrjet global, e konkuron, pse jo, zhbën çdo narrativë zyrtare. Shembulli më i qartë sesi ndikohet opinioni nga kjo medie është Izraeli që së fundmi përballet me një valë dhune.

Po bëhet revolucion nga ana e motorit të kërkimit Google, i cili po shkon drejt një sistemi operativ universal, i vlefshëm si për kompjuterat, ashtu edhe për smartfonët. Për t’i menaxhuar të gjitha këto do të jetë në dispozicion Android, i cili për momentin ndodhet nën lenten antitrust të Bashkimit Evropian. Sipas gazetës amerikane ”Wall Street Journal”, kjo kompani, brenda vitit 2017, mund të bashkojë në një ambient të vetëm teknologjik ChromeOS dhe Android për një ekosistem të vetëm.

“Google Inc” rikthehet sërish në qendër të vëmendjes të autoriteteve federale amerikane. “Bloomberg” raporton se Komision Federal për Tregëtinë ka arritur një marrëveshje me Departamentin e Drejtësisë për të hapur një hetim mbi Sistemin Android të Google, pasi nga disa konkurentë është ngritur akuza se kompania kufizoi të drejtën e tyre të aksesist. “Bloomberg” paralajmëron se hetimi është në fazë fillestare dhe nuk përjashtohet që ai të mbyllet pa ngritur ndonjë padi ndaj kompanisë, edhe sepse hetimi i mëparshëm për sistemet e kërkimit, përfundoi pa rezultate.

I njohur për skepticizmin e tij ndaj rrjeteve gjigande të komunikimit, psikologu Robert Epstein, nga Instituti Amerikan për Kërkime dhe Teknologji, thotë se Google mund të manipulojë zgjedhjet presidenciale 2016 në SHBA. Kështu, motori më i përdorur i kërkimit në të gjithë botën është shumë i fuqishëm dhe zgjedhjet kombëtare janë aq të tendosura, saqë edhe një algoritëm i fshehtë i “Google” do të trondiste presidencialet 2016 në Amerikë.

"Google nuk është një firmë konvencionale. Dhe nuk duam të bëhemi të tillë." Me këtë fjali themeluesi i firmës, Larry Page kumton reformën radikale në koncernin e njohur. Tregtia në "web" dhe reklama online duhet të ndahen nga degët e reja të firmave që prodhojnë automjetet automatikë apo dronet. Google do të vazhdojë të mbajë këtë emër, por do të transferohet nën një "çati" me koncernin e ri holding që do të mbajë emrin "Alphabet". Holding është një firmë që nuk prodhon, por merr pjesë në aksione financiare.