financat

Është arrestuar pasditen e sotme drejtori i Drejtorisë së Tatimeve në Tiranë, Androkli Kokthi. 40 vjeçari ishte në hetim disa mujor nga Krimi Ekonomik në Drejtorinë e Policisë së Tiranës që edhe ka kërkuar arrestimin. Prokuroria ka lëshuar urdhrin dhe Kokthi ndodhet në pranga me akuzën e shpërdorimit të detyrës me mallrat e sekuestruara. Kokthi është një drejtues i njohur në Tatime dhe jo pak i përfolur. Para një viti një punonjës i tij e akuzonte për vonesa në kontrollin e subjekteve, duke shkaktuar evazion. Këtu video e këtij denoncimi:

Ministria e Financave publikoi sot të dhenëat e Thesarit të Shtetit mbi të ardhurat buxhetore të janarit. Ato janë rreth 260 milionë dollarë, ose 22% më shumë se në janarin e vjetshëm. Të ardhurat tatimore (nga tatimet, doganat, sigurimet shoqërore e shëndetsore e tj.) ishin rreth 238 milionë dollarë, ose 25% më shumë se në janarin e vjetshëm. Ndërsa të ardhurat jotatimore (fitimi i Bankës së shqipërisë, dividendet e kompanive publike, tarifat shtetërore etj.) ishin rreth 21 milionë dollarë, ose 4% më shumë se në janarin e vjetshëm. 

Ministri e Financave njoftoi sot dhënien e një shërbimi të ri me koncesion, që synon të përmiresojë mbledhjen e TVSH-së. Gjatë një takimi informal me gazetarët ministri i Financave Shkëlqim Cani ka deklaruar se TVSH do të mblidhet nga kompani private. Pritet që së shpejti të shpallet tender ndërkombëtar për përzgjedhjen e kompanisë. Ministri Cani ka theksuar se ky vendim vjen si partneritet publik-privat dhe se qëllimi është mbledhja e më shumë të ardhurave.

Llotaria e fundvitit e kuponave tatimorë rezultoi një mishmash që mban firmën e Shkëlqim Canit, ministrit që rishikon mbi pesë herë planin e të ardhurave brenda një viti. Skandali i parë është tashmë i pranuar dhe po mbulohet me heshtje: llotaria u zhvillua jo direkt, por e regjistruar. Duke qenë se fituesit ishin ndarë në katër kategori, prej të cilave dy do të përzgjidheshin përmes një përzgjedhjeje rastësore, transmetimi direkt ka rëndësi të dorës së parë.

Borxhi publik pritet të mbyllë këtë vit në nivelin e 72.6 për qind të Prodhimit të Brendshëm Bruto (PBB). Parashikimi është njoftuar nga Ministria e Financave në një raport për Kuvendin. Me këtë nivel qeveria ka dështuar disa herë në programin për borxhin e vitit 2015.

Në rishikimin e Kuadrit Makroekonomik dhe Fiskal që u bë në korrik të këtij viti, borxhi publik në fund të vitit 2015 ishte programuar 72.2 për qind, por nga ecuria reale e treguesit, ky vit pritet të mbyllet me 0.4 pikë përqindjeje më shumë se pritshmëritë.

Qeveria shqiptare ka arritur të sigurojë 450 milionë euro me një interes 5.75%.  “Dje Republika e Shqipërisë ka filluar procesin e emetimit të eurobondit 5 vjeçar në një nivel indikativ prej 6%, sipas menaxherëve kryesues, raporton Reuters. Deutsche Bank dhe JP Morgan janë menaxherët kryesues. Tregtimi erdhi një ditë pasi Shqipëria pagoi eurobondin e emetuar në vitin 2010. Shuma e paguar nga ministria është 322.5 milionë euro, nga e cila 300 milionë euro është vlera e principalit dhe 22.5 milionë euro është kësti i fundit i interesit, bënë të ditur burimet zyrtare të Financave.

Denoncimet e dikurshme të opozitës socialiste dhe kryesisht ato me karakter ekonomik tani janë kthyer vetëm në çështje letrash. Kjo për meritë të ministrave që vazhdojnë traditën e kopsitjes për miliona dollarë konçesione të dhëna që fshehin pas pikëpyetje të mëdha. Qeveria e re nuk është se u ka dhënë përgjigje kontratave që vetë i quajti korruptive, madje në ndonjë rast i ka shtuar pikëpyetjet.

Parashikimet e Financave kanë çaluar edhe për muajin shtator, në krahasim me realizimin faktik në mbledhjen e taksave. 7 miliardë lekë është deficiti i mbledhjes së të ardhurave në Tatime dhe Dogana për periudhën janar-shtator, thotë Panorama.

Për kursim dhe efikasitet, punonjës të Ministrisë së Financave kanë menduar që me një email grupi, t’u dërgohet bizneseve fason lista me emrat e kompanive (508 kompani, jo vetem të fasonit), që iu është rimbursuar TVSH e prapambetur deri në datën 30 shtator 2015. Por kjo përhapje e papërgjegjshme informacion ka shkaktuar një reagim të ashpër tek bizneset.

Të llogarisësh një plan të ardhurash buxhetore, të pranosh se ai plan ishte tejet entuziast ndaj shifrat duhen ulur, dhe të mos realizosh as planin e ulur që ke hartuar po vetë. Të dhënat e publikuara nga Ministria e Financave tregojnë se të ardhurat buxhetore për muajin gusht qenë 32.4 miliardë lekë, nga 35.1 miliardë që qenë planifikuar në buxhetin e rishikuar dhe shumë më të ulëta se sa plani fillestar prej 36.4 miliardë lekësh që qe përcaktuar në fillim të vitit.