fbi

Byroja Federale e Hetimit në SHBA ka publikuar sot një raport të shkurtër mbi aktivitetin kibernetik rus dhe implikimet e mundshme të tij në zgjedhjet amerikane të 8 nëntorit. Në dokument sillet në vëmendje drejtimi i aktiviteteve të këtilla nga njësitë e inteligjencës ruse, duke dhënë shpjegime të hollësishme me karakter teknik sesi realizohet kjo gjë.

Zgjedhjet amerikane janë bërë pis në legjitimitetin e tyre pas disa lajmeve të fundit sipas të cilave CIA mendon se Rusia ka ndikuar në rezultatin e tyre. Një prej senatorëve demokratë, Harry Reid, deklaroi se përgjegjësia për këtë që ndodhi me Rusinë dhe lojërat e saj në zgjedhje duke favorizuar Donald Trump, i shkon Byrosë Federale të Hetimit dhe drejtuesit të saj, James Comey. Sipas Reid , Comey ka lejuar që kjo të ndodhë, pra që aktivitetet e hakeruesve të realizohen dhe mandej WikiLeaks të publikonte materialet që sipas tij kthyen opinionin amerikan.

Julian Asssange, themelues i WikiLeaks ka ngarkuar së fundmi avokatin e tij, Barry Pollack, të kërkojë një përgjigje zyrtare nga prokurorja e Përgjithshme e ShBA-së, Loretta Lynch rreth statusit të hetimeve ndaj tij.

Kjo llogari e administruar nga FBI-ja në twiter është riaktivzuar këto ditë me publikimin e disa materialeve pozitive për Fred Trump, babai i kandidatit Donald Trump dhe materialeve akuzuese për Bill Clinton kur ishte president. ME sa duket FBI-ja po punon qartë për shmangien e fitores së Hillary Clinton, për të cilën thuhet se në Byro ka një "antipati visherale". Por kjo është një lojë që cenon sistemin, njësoj si akti i Comey që mbylli hetimin për 650 mijë emaile, pa dhënë siguri se e ka bërë punën e vet. Llogaria në fjalë ishte pasive që nga shtatori i vitit 2015!!!

Ndërkohë që data e zgjedhjeve amerikane po afron, skenarët eventualë pas zgjedhorë sa vijnë e shtohen. Hillary Clinton ka gjasa të jetë presidentja e radhës, deri më tani më shumë sesa republikani Donald Trump, por proceset hetimore ndaj saj nuk përjashtojnë një akuzë pas zgjedhjeve. Gazetari investigativ Edward Klein tha për Fox News, një televizion pranë fushatës së Trump, se FBI po kryen hetim gjithëpërfshirës dhe nuk përjashtohet që Comey, drejtori i Byrosë, të ngrejë padi ndaj presidentes së re.

Gjashtë ditë para zgjedhjeve presidenciale dhe kur FBI  riktheu me jo pak kërcitje çështjen e hetimit të postës elektronike të Hillary Clinton,  agjencia amerikane e inteligjences dhe hetimit publikoi një hetim të vjetër për Bill Clinton. Hetimi ka të bëjë me faljen presidenciale nga Bill Klinon të një të arrestuari për evazion, gruaja e të cilit kishte bërë donacione bujare për Fondacionin Clinton.

Mediat amerikane njoftojnë se Byroja Federale e Hetimit ka marrë lejen për të rihapur hetimin mbi emailet e Hillary Clinton. Ky është një hap tjetër që implikon shumë pozitën e kandidates demokrate në zgjedhje. Ndërkaq ndaj drejtorit të FBI-së ka nisur një sulm që shkon deri në kërkesën për dorëheqje. Kreu i demokratëve në Senatin amerikan, Harry Reid, ka firmosur një letër përmes së cilës i kujton drejtorit James Comey se ai mund të ketë shkelur ligjin(Aktin Hatch) teksa me qëndrimet me dy standarde ka lënë dyshimin se po ndihmon në zgjedhjeve një palë kundër tjetrës.

Republikanët i janë riafruar njëfarësoj kandidatit të tyre Donald Trump pas daljes në dritë të skandalit të emaileve. Ish-kryetari i Bashkisë së Neë York dhe ish-prokuror i Përgjithshëm i SHBA-së, Rudy Giuliani, deklaroi se zgjidhja e çështjes së emaileve të sekretares së Shtetit, Hillary Clinton, aktualisht kandidate e Partisë Demokratike, mund të bëhet me një hetim të pavaruar nga një prokuror i pavarur, “as demokrat dhe as republikan”. Kjo është një goditje e fortë për FBI-në dhe drejtorin e saj James Comey, i cili u detyrua të rihapë hetimin për cështjen e emaileve të Clinton.

Fushata presidenciale në SHBA njeh zhvillime të vrullshme, të cilat mund të rezultojnë vendimtare në zgjedhjet e datës 8 nëntor. Pas hapjes së hetimeve për e-mailet që u rihapën dje, mediat po japin versione të ndryshme për arsyet e këtij veprimi. Ditë më parë, televizioni që mbështet republikanin Trump, “Fox”, akuzoi drejtorin e FBIa-së, Comey se po vepronte poshtë standardeve që një drejtor i Byrosë duhet të ketë. Dhe nuk vonoi që kjo vërejtje, e pasuar nga deduksionet e Trump, se “Clinton nuk duhej lejuar të kandidojë pas skandalit të e-maileve”, Comey ka hyrë në veprim.

Kreu i FBI-së, James Comey ka deklaruar të premten se po rishikohen email-et e lidhura me Hillary Clinton gjatë kohës kur ajo ishte Sekretare Shteti. Një gjë e tillë konfirmohet në një letër që drejtori i FBI-së i ka dërguar tetë kongresmenëve dhe përbën një zhvillim të ri 11 ditë para zgjedhjeve presidenciale. Pasi Departamenti i Drejtësisë nuk ngriti akuza ndaj Clinton. por Comey thotë në letër se nga zhvillimet e mëpasshme, e detyruan që të rishikojë dhe një herë çështjen.