be

Debati franko-gjerman për mbrojtjen europiane duket se po përcakton deri diku koherencën në vizionin për të ardhmen e BE-së. Kreu ushtarak i BE-së, gjenerali Italian, Claudio Graziano ka folur për këtë çështje në një intervistë për “Politico”. Sipas tij Europa duhet të rrisë kapacitetet dhe mund të bëjë diçka në këtë drejtim, ndërkohë që idetë qendrore që ndajnë Francën dhe Gjermaninë dallojnë në varësinë që duhet të ketë blloku nga SHBA.

Hungaria dhe Polonia dolën kundër një plani të BE-së për "promovimin e barazisë gjinore dhe fuqizimin e grave" si pjesë e politikës së jashtme të bllokut.
Përplasja e fundit me Budapestin dhe Varshavën – të cilat javën e kaluar i vunë veton buxhetit të BE-së dhe planit të rimëkëmbjes nga Covid-19 si formë kundërshtimi ndaj kritikave të BE për sundimin e ligjit - është pjesë e një beteje përshkallëzuese që të dy vendet po bëjnë mbi termin "barazi gjinore" në disa  politika të ndryshme të BE-së, që nga çështjet shoqërore deri te inteligjenca artificiale.

Parlamenti Europian ka adoptuar dje një amendament që hap rrugën për vendosjen e sanksioneve ndaj Turqisë për shkak të hapjes prej kësaj të fundit të Varoshës, qytetit bregdetar të Qipros. Amendamenti i depozituar nga Partia Popullore Europiane përcakton se:

Këshilli i Europës duhet të ruajë pozicionin e tij të unifikuar vis-à-vis me veprimet ilegale dhe të njënashme të Turqisë, të ndërmarrë veprime dhe të vendosë sanksione ndaj Turqisë

Kryeministrat e katër vendeve të Bashkimit Evropian në vijën e frontit të krizës së migracionit, përkatësisht Greqia, Italia, Spanja dhe Malta, kanë nënshkruar një memorandum të përbashkët, i cili qartëson pozicionet e tyre në raport me Paktin e ri të BE për Migracionin dhe Azilin te kryesia gjermane e Këshillit Evropian, e përfaqësuar nga kancelarja Merkel, Presidenti i Këshillit Evropian, Charles Michel, dhe Presidentja e Komisionit Evropian, Ursula von der Leyen.

Ndonëse është në kurs përplasjeje me një pjesë të vendeve anëtare të Bashkimit Europian, Turqia vazhdon të ruajë qetësinë dhe të deklarojë se e ka anëtarësimin në bllok, interest ë vetin strategji.  Zëdhënësi i presidentit turk, Ibrahim Kalin deklaroi se ky është synim strategjik për vendin e tij duke bërë thirrje që liderët e BE-së të heqin dorë nga paragjykimet ndaj Turqisë dhe t’i shohin marrëdhëniet me të përmes një optike strategjike.

Shqipëria e Edi Ramës po ecën në mënyrë të pakthyeshme drejt përplasjes me një dështim në procesin e negociatave. Është diçka që nuk duhet uruar në asnjë rrethanë por duket tanimë qartë nga këmbëngulja e Hollandës për një Jo dhe nga kushtet e Gjermanisë. Shpresa e fundit e kryeministrit Rama është artikuluar në formën e tezës së “Europës Strategjike”, duke kërkuar te procesi i zgjerimit një rishikim procedure dhe relativizim të kërkesave ndaj kritereve strikt teknike për të parë te Ballkani Perëndimor një rajon që duhet të jetë detyrimisht brenda Europës.

Bullgaria ka kërcënuar me veto hapjen e negociatave të anëtarësimit të Maqedonisë së Veriut në BE nëse Shkupi zyrtar nuk merr parasysh shqetësimet saj për gjuhën dhe historinë. Problemi në fjalë është serioz sepse përfaqëson një aspekt ballkanik për një proces që presupozohet se do të mënjanojë apo zgjidhë ato. Për procesin e negociatave, së fundmi, Gjermania në cilësinë e drejtueses së KE-së, do të prezantojë të ashtuquajturin “Pozicion të Përgjithshëm të Dakordësuar të BE-së”, që do të shenjojë hapjen formale të negoiatave.

Mungesa e besimit dhe solidaritetit në marrëdhëniet ndërkombëtare, pandemia COVID-19 dhe gjendja e demokracisë dhe kapja e shtetit ishin temat kryesore të Forumit të 10-të të Sigurisë të Beogradit, me titull "Pa besim nuk ka paqe", i cili u mbajt online më 20 tetor. Ndër të ftuarit në panel ishte edhe Donika Emini, kandidate për PhD në Politikë dhe Marrëdhënie Ndërkombëtare në Universitetin Westminster.

Revista gjermane “Spiegel” raporton së fundmi për ato që i cilëson si “përgatitje për skenarin më të keq” të zgjedhjeve presidenciale në SHBA. Dhe ky skenar më i keq është mosnjohja e rezultatit nga presidenti aktual Donald Trump, çka ka vënë në lëvizje autoritetet europiane që do të duhet të kenë një qëndrim mbi atë që mund të ndodhë.

Dje u raportua se kryeministri Edi Rama zhvilloi një bisedë me kancelaren gjermane Angela Merkel që u tha se kishte të bëntë me Planin e Investimit. Redaksia e “Të Kripura” ka arritur të zbardhë një pjesë të bisedës që në të vërtetë lidhet me variantin e bashkëqeverisjes PS-PD pas zgjedhjeve të 25 prillit, një zgjidhje që shihet si më e mira edhe në sytë e BE-së, apo një pjese të saj. Më poshtë një pjesë nga biseda që ka interes për të kuptuar se çfarë po ndodh:

...

Merkel: Përshëndetje z. Rama! Pa maskë?