banoret

Ministri i Transporteve, Edmond Haxhinasto, e kaloi fazën e ekspozimit në media si pasojë e vdekjes së dy njerëzve në aksin Plepa – Rrogozhinë. Është e qartë se njësoj si Edi Rama nuk e lëshon Sajmir Tahirin, edhe nëse ndonjë ditë ky i fundit mund të mbjellë hashah në saksitë e zyrës në ministri, edhe Ilir Meta, nuk e lëshon “Mondin”, të kapur në faj. Jo me llafe, por me vendim gjykate.

Ministria e Transporteve shpenzoi para një javë më parë për të rritur sigurinë në Rrugën e Kombit, por këto para shkuar dëm. Tv Klan raporton se janë banorët ata që kanë hequr blloqet e betonit të vendosura në segmentin Kukës – Morinë, pasi sipas tyre “nuk është lënë kalim”.  “Banorët e Shtiqnit, Rexhepajt dhe Kodër Lumës i kanë hequr, pasi kalimi përmes i autostradës është e vetmja mundësi e tyre. Thonë se bllokimi ishte sa për sy e faqe dhe i paplanifikuar, pasi atyre nuk u është lënë asnjë mundësi kalimi.

Sekretarja e Marrëdhënieve me Publikun, Grida Duma bashkëbisedoi me banorët e Përmetit mbi situatën ekonomike dhe sociale të tyre. Siç njofton Partia Demokratike,Duma u foli përmetarëve për një opozitë që qytetarët duhet t’i besojnë si e vetmja alternativë për të rikthyer shpresën për punë dhe një jetë dinjitoze për shqiptarët.

“S'kemi për të bërë ndonjëherë opozitë vetëm për opozitë por në fakt duhet bërë shumë më tepër që njerëzit të ndjejnë që zëri i tyre po ushtron presionin e duhur, ashtu siç duhet të ndodhë në një vend normal demokratik”, tha Duma.

Një impenjim total dhe një mbulim të gjerë prej medias pati çështja e parkut të lojërave tek liqeni (dhe shumë mirë beri, pavarësisht se kur flamurin e merr politika filloj të kem rezerva), por askush nuk u preokupua ndonjëherë për dramën që prej 3 vitesh po përjetojnë banorët e 4 pallatave+1 çerdhe fëmijësh në rrugën “Mihal Ciko” (pas ambasadës greke) për shkak të një përbindëshi 11 katësh që na ngrihet kërcënueshëm përpara fytyrës, me leje ndërtimi kriminale lëshuar nga ish -kryetari i Bashkisë, Lulzim Basha. Protesta e banorëve u injorua (pati vetëm një mbulim në media nga gazetari A.

Dy shqiptarë tentojnë të vjedhin një apartament në Milano të Italisë. Ky nuk është më lajm. Lajmi është se një nga dy hajdutët shqiptarë, një 39 vjeçar, është kapur nga banorët që e kanë rrahur vendçe deri sa është shpëtuar nga karabinierët. Kjo ka ndodhur në sheshin “Gabriele Rosa” . Janë lënduar edhe disa banorë, që si duket kanë marrë pjesë në leksionin e duhur që rezultoi me shtrim në spital për hajdutin. 

Një urë dhe një copë rrugë. Pa folur për ujin e pijshëm pa orar, që e kemi ëndërr të pashuar.  Kaq pak kërkojnë njerëzit në këtë vend, por sërish askush nuk po ja del që ta çojë në fund këtë pretendim minimal. Rasti më i fundit provon dështimin në këtë drejtim. “News 24” raporton se një prift gjerman, Frat Andreas Walterman ka ndihmuar në gjetjen e fondeve për ndërtimin e urës mbi lumin Fan dhe rrugës në fshatin Kavlina në Pukë. “Ata gjithnjë rrezikonin, madje edhe të vdekurit i mbanin mbi shpinë”, thotë Frat Walterman.