aksionet

EuObserver raportonte sot për investimin e pazakontë të parave të dedikuara për europarlamentarët në aksione të kompanive të armëve, duhanit, minierave dhe hidrokarbureve.

Sipas medias në fjalë investimi përfshin investimet në fondin e pensioneve mes viteve 1994-2010 dhe aksionet e blera me para të dhëna nga BE, përfshijnë Raytheon, Honeywell International dhe Textron që janë disa prej kompanive të cilat ndër të tjera prodhojnë edhe municione thërmuese që janë ndaluar nga BE që në vitin 2008.

Një ndër argumentet kryesore që ka përdorur kryeministri Edi Rama për të mbrojtur projektin e portit të Durrësit, është pjesëmarrja e shtetit shqiptar – për herë të parë siç tha ai me një kompani të huaj – si aksioner në sipërmarrjen në fjalë me 33%. Po çfarë implikon kjo? Kjo implikon se shteti shqiptar ligjërisht ka dorë në pasurinë që po investohet, se do të marrë fitime dhe se mandej ka tagër kontrolli dhe vendimmarrjeje. Këtë ka aksioneri.

Në një ceremoni të nënshkrimit të memorandumit për portin e ri të Durrësit u dha një shfaqje e rrallë e tufës së seleksionuar filobuxhetore të të ashtuquajturës qeveri shqiptare. Ministrja e Infrastrukturës Belinda Balluku i premtoi Mirelës së Turizmit(me këtë gjuhë) sesa shumë zhvillim do të sjellë kjo vepër. Paralel me këtë miklim shoqesh ministresha kalonte në plane një Delina gati e lumtur.

Qeveria ruse ka shtetëzuar aksionet e Renault Russia, ndërkohë që një qendër kërkimore e financuar nga shteti, NAMI, është bërë pronar i aksioneve të Renault në Avtovaz. Sipas njoftimeve zyrtare, Avtovaz do të vijiojë punën për të asemblimin e të gjithë produkteve të nevojshme për veturat “Lada”, ndërkohë që prodhuesi do t’i ofrojë “Renault” të drejtën e mirëmbajtjes në tregun rus.

Kam vendosur ta listoj fabrikën në asetetet e qytetit dhe vijojë me prodhimin nën markën historike “Moskvitch”

Peter Thiel, një nga investitorët më të hershëm të Facebook, është tërhequr nga kompania. Thiel thotë se do të angazhohet në mbështetjen e kandidatëve që do të çojnë përpara axhendën e ish-presidentit Donald Trump në zgjedhjet e mesit të mandatit.

Projekti i ri nuk po i shkon sipas planeve themeluesit të Facebook-ut. Aksionet e kompanisë Meta ranë me mbi 25% të enjten – duke i hequr plot 230 miliardë dollarë në vlerën e tregut në sezonin më të dobët tregtar në histori – pasi raporti tremujor i të ardhurave të kompanisë tregoi rënie të përdoruesve dhe rritje të shpenzimeve në lidhje me projektin metaverse.

Miliona njerëz në të gjithë botën kanë humbur punën e tyre, dhe triliona dollarë janë fshirë nga vlera e tregjeve të aksioneve. Por jo të gjithë kanë humbur. Jeff Bezos, personi më i pasur në botë, është 5.5bn $ më i pasur sot, se sa ishte në fillim të vitit. Pasuria e tij, e mbajtur kryesisht në aksionet në Amazon, u rrit me 3.9bn dollarë vetëm të enjten në 120bn $ - të mjaftueshme për të blerë 188,000 bare standarde ari (madje duke marrë parasysh çmimin fluturues të arit).

Tahmaja e madhe të lë pa gjë. Këtë thonë një fjalë e urtë e një zone në Shqipëri, e cila në fakt aplikohet universalisht. Kjo duket se vlen edhe për një VIP si puna e kreut të grupit të industrisë “Nissan”, Carlos Ghosn, që sipas një hetimi të brendshëm të kompanisë ka raportuar të ardhura më të ulëta nga sa janë në realitet.

Prokurorët po pyesin Carlos Ghosn, kreun e bashkimit Renault-Nissan –Mitsubishi dhe pritet që ata ta arrestojnë atë nën dyshimin e raportimit të të ardhurave false

raporton “France 24”.

Para disa ditësh, disa media prestigjoze në Tiranë, thuajse shpallën si blerës të Telekom Albania, kompaninë serbe, Telekom Serbia. Më vonë, lajmi u ndryshua, me arsyetimin se serbët u ndaluan nga pala shqiptare për shkak të ngjyrimeve politike që mund të ketë.

Këtë të hënë Jeff Bezos, themelues dhe CEO i Amazon dhe pronar i Washington Post, u bë njeriu më i pasur në historinë moderne të njerëzimit.

Pasuria e tij ka tejkaluar 151 miliardë dollarë, pas një rritje të qëndrueshme të aksioneve të Amazon në bursë sipas Indeksit të Bloomberg. Që nga fillimi i vitit pasuria e Bezos u rrit me 50 miliardë dollarë.Të ardhurat e tij kanë tejkaluar edhe ato të themeluesit të Microsoft, Bill Gates, i cili kryesoi renditjen e miliarderëve në vitin 1999, me 100 miliardë dollarë.