Slideri Kryesor

Sulmet e 7 tetorit të vitit të shkuar kanë detyruar Izraelin të rishikojë doktrinën e vet të sigurisë. Në një intervistë për “Kathimerini”, gjeneral brigade Jacon Nagel, kreu i Komitetit “Nagel” që drejton punën për reformimin e Forcave Mbrojtëse të Izraeli, sqaron se ndërsa nuk hiqet dorë nga mbrojtja e vendi, ndryshojnë parimet operacionale dhe të dislokimit.

Efekti i Donald Trump duket se është global. Menjëherë pas fjalimit të inaugurimit të tij, reagimet kanë qenë të shumta ku spikat videokomunikimi mes presidentit rus, Vladimir Putin dhe atij kinez, Xi Jinping. Mediat në perëndim kanë zbardhur diskutimin ku është folur për zhvillimin e bashkëpunimit gjithëpërfshirës strategjik, një hap që është nxitur si politikë mbrojtëse nga qëndrimet dhe paparashikueshmëria e Trump.

Mes një peizazhi të trazuar gjeopolitik dhe gjeoekonomik, Evropa ndodhet në një udhëkryq. Debati strategjik që po zhvillohet aktualisht në shumë nga kryeqytetet e kontinentit është i fokusuar kryesisht në atë nëse duhet të vazhdohet në rrugën e ndërvarësisë me partnerët e huaj, apo të farkëtohet një rrugë e re autonomie më të madhe strategjike. Por për të qenë vërtet e sigurt sot dhe për të mbetur e pozicionuar mirë nesër, Evropa duhet të zgjedhë një rrugë të mesme.

Britania e Madhe ka njoftuar firmosjen së shpejti të një Traktati Mbrojtjeje dhe Sigurie me Poloninë.

Me kërcënime të shtuara në Europë është koha që ta çojmë partneritin tonë në një nivel tjetër që të sigurojmë se po ndjekim çështjet e mëdha që prekin njerëzit në Britani, nga agresioni i Putin te trafikimi i njerëzve

ka thënë kryeministri britanik, Keir Starmer.

Senatori demokrat i Pensilvanisë, John Fettermann, është shfaqur në ceremoninë e inaugurimit të Presidentit amerikan Donald Trump me një bluzë sportive, pantallona të shkurtra dhe atlete. Ndërkohë që ceremonia u mbajt në mjedise të mbyllura për shkak të temperaturave të ulëta. Një mesazh politik origjinal, por edhe një tribut për të gjithë gagarelët e dynjasë. 

Kompania amerikane “Chevron” ka shprehur interes për nisjen e kërkimeve për naftë dhe gaz në zonën e veriperëndimit të Peloponezit në Greqi.

Lajmi është bërë i ditur nga zëdhënësi i qeverisë greke, Pavlos Marinakis, ka deklaruar se krahas “Exxon Mobil”, që aktualisht vijon kërkimet në Greqi, interesi I “Chevron” e vendos Greqinë në kushtet kur mund të mendojë për të luajtur një rol drejtues në tregun global të energjisë.

Presidenti i ri i SHBA, Donald Trump ka deklaruar sot në fjalimin e inaugurimit të tij se SHBA do të zgjerojë territorin e vet(1:26:00). Duke konfirmuar kështu ato që ka hamendësuar gjatë periudhës së tranzicionit.

Trump ka qenë specifik për rimarrjen e Kanalit të Panamasë, që sipas tij aktualisht operohet nga kinezët, diçka që të kujton deri diku krizën kubaneze të viteve ’60 të shekullit të kaluar.

Po kështu Trump ka folur për eksplorimin e Marsit, një deklaratë që është përshënendetur aty për aty nga Elon Musk, promovues i idesë në fjalë.

Inaugurimi i Donald Trump si president i 47 i Shteteve të Bashkuara të Amerikës po kalon në media si një lloj triumfi i çezarizmit në politikën ndërkombëtare. Që nga dekori, pritmëritë, veshjet dhe protokolli, flasin për një pompim maksimal të asaj që po shitet si era e re në politikën amerikane dhe atë globale.

Zv.presidenti i Komisionit Europian, Stéphane Séjourné, ka bërë thirrje që administrata e re amerikane e Donald Trump të heqë dorë nga lufta tregtare që ka paralajmëruar duke qenë se ndër të tjera kjo luftë vë në diskutim arritjen e objektivit buxhetor për mbrojtjen. Që është një kërkesë e madje kusht i Trump që SHBA të vazhdojë të qëndrojë në NATO.

Nuk e bëjmë dot këtë me një luftë tregtare në derë dhe kudo në BE, buxhetet kombëtare nuk janë në gjendje të rrisin shpenzimet e mbrojtjes më shumë se 3%

Diplomati nga Danimarka, Peter Sorensen, pritet të jetë përfaqësues i posaçëm për dialogun mes Prishtinës dhe Beogradit. Emri i tij është dërguar për miratim te vendet anëtare të BE-së nga Kaja Kallas, përfaqësuesja e lartë e BE për politikë të jashtme dhe siguri. Sorensen do të marrë vendin e të dërguarit aktual Lajçak, mandati i të cilit përfundon më 31 janar. 

Kush është Peter Sorensen?