Slideri Kryesor

Emri i kryeministrit grek po përflitet si pasardhës i mundshëm i Ursula von der Leyen në krye të Komisionit Europian. Sugjerimi vjen nga një rival i ashpër i presidentes ende në detyrë. Kreu i Këshillit Europian, Charles Michel, është njeriu pas këtij propozimi ende jozyrtar, pavarësisht se një mandat i dytë për Von der Leyen është pothuajse i garantuar.

Dje, ambasadori amerikan në Beograd, Chris Hill, shprehej se njohja e Kosovës nuk është kusht për anëtarësimin e Serbisë në Bashkimin Europian. Sipas tij, edhe në referencë të Marrëveshjes së Ohrit, normalizimi i marrëdhënieve është pjesë e detyrueshme. Kjo deklaratë bën pjesë në atë politikë të akomodimit të Serbisë, madje të Serbisë së Aleksander Vuçiç, që ka për synim zyrtar apo publik, mbajtjen e saj sa më larg Rusisë.

Kryeminisri grek, Kyriakos Mitsotakis, ka vendosur ndryshimin e përbërjes së qeverisë së vet pas rezultatit të dobët të së djathtës në zgjedhjet europiane. Mitsotakis kishte vënë objektivin 33%, që sërish ishte poshtë 40% të votës nacionale të marrë në qershor 2023 nga Demokracia e Re.

Ministri serb i Tregtisë, Tomislav Momiroviç, ka deklaruar së vendimi i Kosovës për të ndaluar importin e mallrave serbe, është shkatërrimtar. Sipas tij, ky vendim ka përcaktuar një precedent që ka ndikuar Europën dhe Ballkanin.

Është e tmerrshme që në shekullin e 21-të, ne po dëshmojmë që në Europën e ndërtuar mbi themelet e tregut të përbashkët dhe lëvizjes së lië të mallrave dhe shërbimeve, ka një regjim që i ndalon njerëzve nga angazhimi në tregtinë dhe ekonominë dhe progresi

Një paketë huaje prej 46 miliardë eurosh do t’i jepet Ukrainës. Vendet e G7 e arritën këtë dakordësi në samitin që po mbahet në Itali.

Ndërkohë, veçmas, presidenti amerikan nënshkroi një marrëveshje sigurie 10-vjeçare me homologun Zelenskyy.

Paratë dhe mbështetja e sigurisë synojnë të demonstrojnë solidaritet dhe t'i dërgojnë një mesazh të qartë presidentit rus Vladimir Putin se demokracitë kryesore të industrializuara në botë mbështesin fuqishëm Ukrainën në konfliktin e saj me Rusinë.

Hungaria nuk do të marrë pjesë në misionin e NATO-s në Ukrainë, por nuk do të pengojë as themelimin e saj nga vendet e tjera të aleancës, tha kryeministri hungarez Viktor Orban për Radion Kossuth.

Ai kujtoi se gjatë bisedimeve në Budapest më 12 qershor, Hungaria mori garanci nga Sekretari i Përgjithshëm i NATO-s, Jens Stoltenberg se pjesëmarrja e anëtarëve të aleancës në operacionet ushtarake jashtë territorit të tyre, përfshirë në Ukrainë, është vetëm në baza vullnetare.

Efektet e ngrohjes globale do të vijnë duke u shtuar në vitet e ardhshme nëse nuk merren masa për të arritur objektivat e marrëveshjes së Parisit.

Në studion e MCN TV, ekologu Mihallaq Qirjo tha se rritja e temperaturës dhe si pasojë valët e të nxehtit, rënia e sasisë dhe reshjeve dhe zjarret janë efektet e menjëhershme të ngrohjes globale. Sipas tij, parashikohet që niveli i reshjeve të vijë duke rënë.

Banka e Shqipërisë ka ndryshuar politikat e licencimit të subjekteve bankare. Vendimi i ri Këshillit Mbikëqyrës të BSH shfuqizon rregulloren e vjetër të miratuar në nëntor të vitit 2003 dhe vjen vetëm pak kohë pasi BSH u hoqi licencën dy kompanive të mikrofinancës, Microcredit (MCA) dhe Final, në llogaritë e të cilave u bllokuan mbi 10 milionë euro.  

Gazeta greke “Ta Nea” raporton se mes Tiranës dhe Athinës ka një lloj përpjekjeje për të zgjidhur së paku çështjen e betimit të kryetarit të zgjedhur të Bashkisë së Himarës, Fredi Beleri. Sipas gazetës dënimi do të jetë me 20 muaj dhe kjo me llogari e lejon atë të dalë jashtë për shkak të qëndrimit në paraburgim për të bërë betimin në PE.

Kreu i Këshillit të Sigurimit Rus, Dmitry Medvedev, thotë se Moska duhet t’u kundërpërgjigjet sanksioneve duke e bërë jetën në Perëndim në një "makth të përhershëm" dhe duke shkaktuar dëme maksimale për vendet jomiqësore.

“Duhet të përpiqemi çdo ditë që t'u bëjmë sa më shumë dëm atyre vendeve që kanë vendosur këto kufizime ndaj vendit tonë dhe të gjithë qytetarëve tanë. I goditni aty ku u dhemb”, ka shkruar ai në kanalin e tij Telegram.