Blloku Politikë
Lamtumirë Rilindje - M. Nano: “Nuk është problemi Lezha e Laçi. Shoqëria është tërësisht e korruptuar”
Mustafa Nano shkruan një opinion në gazetën “Shqip” ku flet për dekriminalizimin. Ideja e Nanos përmblidhet në paragrafin e fundit: “Problemi nuk është Lezha, Laçi, Kamza etj., apo përfaqësuesit e tyre në parlament e në organet qeverisëse. Problemi është e gjithë shoqëria (public body, public opinion), e cila, në ndryshim nga gjetkë, qoftë dhe në SHBA, nuk është thjesht e çoroditur apo e shastisur. Është dhe e korruptuar. Tërësisht e korruptuar. Aq e korruptuar sa janë vetë votuesit që zgjedhin vullnetmirë banditë gjithfarësoji si përfaqësues të tyret në organet qeverisëse.
Luftë për qëndrimin ose jo të OSBE-së. Avokati i Popullit: “OSBE-ja, një partner i rëndësishëm”
Zyra e Shtypit e Avokatit të Popullit ka shpërndarë sot një e-mail, përmes të cilit kërkon të shprehë mbështetjen për Prezencën e OSBE-së në Tiranë. “Institucioni i Avokatit të popullit vlerëson punën dhe aktivitetin e OSBE-së dhe e konsideron si një partner të rëndësishëm. Z. Totozani theksoi se shqiptarët meritojnë politikanë të pastër”, thuhet në e-mail, ku nënvizohet pikërisht kjo fjali. Nuk dihe motivimet e Totozanit, i akuzuar vitin e kaluar nga disa media si përfitues fondesh të projekteve.
Rishfaqet AK, Spahiu shpall platformën për dekriminalizimin. Ambasadorëve: “Reformën mos ua besoni të inkriminuarve”.
Aleanca Kuq e Zi ka shpallur sot platformën për dekriminalizmin. Kreu i saj Kreshnik Spahiu deklaroi se Shqipëria po mbytet nga kriminelët. Ai nuk ka kursyer as kritikat drejtuar ambasadorëve, të cilët i akuzoi se i kanë mbështetur kriminelët, kanë pozuar me ta dhe u ka kërkuar të mos zbatojnë dy standarde. “Anija me emrin Shqipëri po mbytet nga këta kriminelë. Të nderuar ambasadorë, në qershor 2013 ju duhet të luftonit kriminalizimin dhe jo patriotizmin. Ky ishte shqetësimi i marrjes peng të Shqipërisë.
Bushati i merr kompetencat Nishanit, shkarkon ambasadorin në OSBE
Ministri i Punëve të Jashtme, Ditmir Bushati është përfshirë në një tjetër shkelje procedure zyrtare, kësaj radhe duke i marrë kompetencat e Presidentit dhe duke urdhëruar lirimin nga detyra të ambasadorit shqiptar në OSBE, Spiro Koçi. Siç shkruan gazeta Panorama, Bushati nëpërmjet sekretarit të Përgjithshëm të Ministrisë së Jashtme, i ka dërguar një letër zyrtare ambasadorit shqiptar në OSBE, të cilit i ka njoftuar se ndaj tij kanë nisur procedurat e lirimit nga detyra dhe për rrjedhojë duhet të kthehet në atdhe brenda datës 1 tetor.
OSBE: Elitat politike të lidhura me krimin e korrupsionin të paprekshme
Në raportimin para Këshillit të Përhershm të OSBE-së në Vjenë mbi zhvillimet e 12 muajve të fundit në Shqipëri ambasadori Florian Raunig deklaroi se ndonëse kanë nisur disa procedime penale ndaj funksionarëve të nivelit të mesëm, Shqipëria ende nuk ka mundur të krijojë një bilanc të ndjekjes apo dënimit të elitave politike dhe ekonomike, vecanërisht lidhur me pasurimin e paligjshëm, korrupsionin dhe krimin e organizuar.
BE pa rezerva: Korrupsioni, dominues në shumë fusha
Në dy vjet qeveria nuk mundi të zhbëjë korrupsionin galopant që po gërryen sistemin gjyqësor dhe shumë fusha të tjera të jetës publike. Në këto kushte Bashkimi Europian e sheh të arsyeshme të zhvishet nga gjuha dipolmatike dhe të vërë para përgjegjësisë qeverinë për nivelin e korrupsionit në vend. Deklarata e Brukselit-se vjen pas raportit të shefit të prezencës së OSBE-se ne Tiranë, Florian Raunig në Këshillin e Përhershem të kësaj organizate, në Vjenë.
Video/Denoncimi: Policia më grabiti 400 litra raki, turshi, reçel dhe speca djegës
Që sjellja e policisë shqiptare në shumë raste lë për të dëshiruar kjo nuk përbën ndonjë risi, por rasti më i fundit I një qytetari nga Elbasani do futet ndoshta në rekordet më të veçanta të policisë shqiptare. Ai ka denoncuar policinë se i ka grabitur 400 litra raki, bidona me turshi, spec djegës dhe reçel. Ngjarja e paprecedentë raportohet të ketë ndodhur në orët e vona të mbrëmjes së kaluar më fshatin Kusarth. Ramazan Rreshka thotë se në orën 12 pas mesnate pa paralajmërim, efektiva të policisë së Tiranës kanë hyrë me dhunë pa paralajmërim dhe pa autorizim në banesën e tij.
Ekrem Spahia përjashtohet nga partia
Legalistët kanë përjashtuar nga partia, Ekrem Spahinë dhe disa mbështetës të tij. Spahiu kishte kërkuar largimin e Sulejman Gjanës, madje zhvilloi edhe disa takime, por lidershipi legalist ka ndërhyrë energjikisht. “Duke marrë parasysh se z.
Kisha e Dhërmiut, Vangjel Dule kërkon interpelancë me kryeministrin
Prishja e Kishës së Shën Athanasit në Dhërmi do të jetë objekt i diskutimit në Parlament. Partia Bashkimi për të Drejtat e Njeriut ka depozituar në kryesinë e Kuvendit kërkesën për interpelancë me kryeministrin Edi Rama në lidhje me prishjen e saj, për bazën ligjore që është ndjekur. Kisha u shemb më 26 gusht, natën, pa publikuar ndonjë vendim. U përdor INUK, forca policie, paraprirë nga deklaratat e këshilltarit të Kryeministrit Artan Shkreli që doli në mbrojtje të së vërtetës dhe historisë. Është kundërproduktive që kërkesa vjen nga Dule, teksa shoqatat etj., janë strukur.
Prokuror shqiptaro-amerikan për hetimin e korrupsionit në nivele të larta
Korrupsioni në nivele të larta do të hetohet nga një prokuror shqiptaro-amerikan, i cili prej një jave po asiston njësinë “Task Forcë” në Prokurorinë e Krimeve të Rënda. Ai është Gjon Juncaj dhe ka një eksperiencë të gjatë në Departamentin Amerikan të Drejtësisë, i fokusuar në hetimin e korrupsionit të zyrtarëve dhe pastrimin e parave, dy nga veprat penale që hetohen aktualisht nga njësia antikorrupsion në Prokurorinë e Krimeve të Rënda".