Blloku Politikë

Në faqen e Facebook të kryeminstrit shpërndahet sot një video e re lejtmotivi i së cilës është dallimi mes Shqipërisë së qeverisë së PS-së dhe asaj para saj.

Në pjesën e dytë të video thuhet se Shqipëria po bëhet përditë e më e fortë, pagat po rriten si asnjëherë më parë, ekonomia po zhvillohet apo edhe bashkitë po ashtu.

Kjo e gjitha meritë e Partisë Socialiste, premtim ky gati profetik përkundrejt dyshes Meta-Berisha që përfaqësojnë prapakthim.

Në një takim elektoral në zonat e Elbasanit, Damian Gjiknuri, numri dy i Partisë Socialiste, ka vënë në dukje rëndësinë e votës pro PS-së në zgjedhjet lokale të 14 majit, për të shmangur siç u shpreh ai, një votë opozitare që do të prishte bashkëpunimin mes qeverisë dhe bashkisë.

Z. Gjiknuri ka shpjeguar se historia e marrëdhënieve qeveri-bashki kur ka kahe të ndryshme politike në drejtim është negative, pasi ndodh siç u shpreh ai “bashkia kthehet në bunker politik”.

Skënder MInxhozi ka këshilluar sot në distancë kolegët e vet në media që të mësojnë ta shohin si duhet rrezikun “Berisha”. Nisur nga një lapsus i Berishës për emrin e një kandidati – a thua kanë rëndësi kandidatët në këto kohë – Minxhozi vë në dukje se ironizimi i Berishës në këtë rast është gabim, pasi ish-kryeministri nuk është problem si një politikan sklerotik. Përkundrazi, MInxhozi na kujton se Berisha ka shumë energji dhe se ai përfaqëson një rrezik pasi nuk ka ndryshuar asgjë nga stili i vet.

Siç është bërë e njohur fushata elektorale e këtij vit inga socialistët në pushtet bazohet në një element kyç: Buxheti. Shpërndarja e parave.

Me bonus për pensionistët që kanë një përjetësi që marrin dikur te 50 000 – 80 000 lekë të vjetra pension, po kaq kushtojnë ilaçet, e megjithatë asnjë fatkeqësi nuk ndodh. Vota po siç pëerceptohet, shkon në një anë vetë.

Pastaj kemi rritjen e rrogës minimale me një shtesë cilësore, ndërkohë që z. Rama, kryeministri, premtoi se së shpejti do të kalojmë në të arhdura për frymë 10 000 dollarë.

Ky foto-montazh mbahet në foto mbulim në Facebook e ministres së Jashtme, Olta Xhaçka. Nuk do shumë mend kapësh mesazhin që ai mëton të përcjellë: shkretimi nga opozita, lulëzimi me shumicën.

Veliaj ironizon. Veliaj në traktor. Përpara, nuk ka më kthim mbrapa. Ata gënjejnë, atë kështu e ata ashtu.

Në këtë formë kritike po përcillet e ashtuquajtur fushatë elektorale e kryebashkiakut të Tiranës. Punët janë të ndara: mediat e pushtetit bëjnë detyrën e tyre, tallin, ironizojnë dhe baltosin kundërshtarët e kryebashkiakut, ndërkohë që ky vetë sa vjen dhe degradon në gjuhën politike, duke e thjeshtuar deri në banalitet. Parimi udhëheqës këtu është: dua votat e budallenjeve që janë shumica.

Në morinë e dokumentacionit të hakeruar ndaj Autoritetit Kombëtar të Sigurisë së Informacionit të Klasifikuar - i cili ka vazhduar edhe sot me rreth 10GB material - figuron edhe një korrespondencë e dy subjekteve të rivlerësimit, ish-gjyqtarit Artan Zeneli dhe ish-prokurorit Eugen Beci. Për të dy subjektet fuguron komunikimi për revokimin e vizës amerikane çka shënon një moment penaliteti në dritën e procesit të vettingut dhe mënyrës sesi elementë të tillë interferuan në karrierën e njërit apo tjetrit.

Të rinjtë dhe pjesa më e madhe e moshës së mesme nuk kanë besim se vendi po ecën në drejtimin e duhur. Një vëzhgim i kryer nga IDRA Research & Consulting tregon se grupmosha me më pak besim te e ardhmja është nga 18-35 vjeç.

Të pyetur nëse besojnë se Shqipëria po ecën në drejtimin që duhet, 54% e kësaj grupmoshe përgjigjen JO. Optimistë nuk janë as individët e grupmoshës pasuese. 49% e 36-55 vjeçarëve mendojnë njësoj.

Enkelejd Alibeaj, kryetar në detyrë i PD-së ka deklaruar gjatë  një takimi në Tiranë ku ndodhej edhe kandidati Roland Bejko, se Edi Rama, Sali Berisha dhe Ilir Meta kanë bashkëpunuar për shkatërruar partinë.

Shteti shqiptar ka humbur sërish në Strasburg për çështje të vettingut dhe pasojave të tij. Kësaj radhe përballë ankueses, ish-prokurorja Antoneta Sevdari e cila ka pretenduar se i është shkelur: