Blloku Politikë

Analisti amerikan dhe eksperti për Ballkan, Daniel Serwer, kritikon qasjen e Shteteve të Bashkuara të Amerikës dhe Bashkimit Evropian ndaj situatës në veri të Kosovës.

Sipas Koha.net, Serwer thotë se SHBA po përpiqet të qetësojë Beogradin, me shpresën se presidenti Vuçiç do t’i braktisë lidhjet e tij në rritje me Rusinë dhe Kinën, ndërsa nga ana tjetër Departamenti i Shtetit ka vendosur t’i bëjë presion ndaj kryeministrit të Kosovës, Albin Kurti.

Ka një seri lajmesh që këmbëngulin në përhapjen e mesazheve të SHBA se Kosova do të përballet me pasoja pas veprimeve që kreu në Veri. Deri më tani e vetmja pasojë është i ashtuquajturi përjashtim nga stërvitja “Defender 2023” dhe për  më tej edhe mungesa e mbështetjes së amerikane në njohjet e reja.

Kryeministri i Kosovës, Albin Kurti, thotë se pavarësisht pjesëmarrjes në zgjedhjet lokale në veri të Kosovës, kryetarët e dalë prej tyre  janë të vetmit që kanë legjitimitetin të jenë në institucionet vendore dhe në shërbim të qytetarëve.

Kreu i qeverisë së Kosovës e bëri këtë reagim pas deklaratave të ambasadorit amerikan, Jeffrey Hovenier, i cili tha se Kosovës i anulohet pjesëmarrja në stërvitjet “Defender Europe 2023”, e se SHBA-ja ka pak entuziazëm që të angazhohet për Kosovën me shtetet që nuk e njohin Kosovën dhe avancimin në rrugën euroatlantike.

Kreu i komisionit parlamentar serb për Kosovë-Metohi, Millovan Drecun, thotë se Albin Kurti ka pasur mbështetjen e shteteve të Quintit për veprimet e tij më të fundit në veri të krahinës.

Në një lidhje me studion e MCN TV, analisti politik nga Kosova, Fatmir Sheholli, Drejtues i Institutit për Afirmimin e Marrëdhënieve Ndëretnike, ka kërkuar nga kryeministri i Shqipërisë, Edi Rama që të ndërmjetësojë te presidenti serb, Aleksander Vuçiç, mesazhin direkt se:

ushtarë serbë nuk hyjnë më në Kosovë. Kjo është punë e mbaruar tashmë

Sheholli e ka cilësuar këtë kërkesë për shkak të marrëdhënieve normale siç i quajti ai të Ramës me Beogradin.

Kush do të kuptojë se çfarë politike përfaqëson kjo e tanishmja në Kosovë do të duhet të shohë reagimin në Tiranë. Në përballjen me serbët dhe manovrat e Vuçiç, Tirana zyrtare nuk ka asnjë aksion. Dhe kjo ka arsye komplekse. Ndaj mallkimet ndaj Kurtit janë lakmues për të kuptuar se konfrontimi për të afirmuar sovranitetin e Kosovës dhe në fund të fundit për të zbatuar ligjin, përfaqësojnë një rrymë që sikletos shumë kategori që janë mësuar me dekada me politikën e servit.

Në Veri të Kosovës ndodhi ajo që dukej dhe pritej. Ndërhyrja e KFOR ka detyruar përfaqësuesit serbë, ose u ka dhënë mundësinë atyre të shprehin kërkesaet e veta politike që janë tipikisht serbe: largim i policisë dhe largim i kryetarëve të komunave që sipas tyre duhet të drejtohen nga serbë.

Kërkesa drejtuar KFOR-it është e domosdoshme për serbët që janë jashtë institucioneve dhe e kuptojnë shumë mirë se politika e rrugës aktualisht nuk sjell gjë.

 Në Tiranë ka njerëz që po festojnë me fletërrufe atë që e shpresojnë si prishje të marrëdhënieve të Prishtinës me Perëndimin. E gjithë çështja e krijuar në Veri të Kosovës ngërthen në fakt dy psikologji politike mes shqiptarëve: atë që e sheh çdo zgjidhje problemesh përmes delegimit të përgjegjësive te të huajt dhe tjetra që pranon iniciativat. 

Ka zënë sot vend në media një “lajm” për vizitën në Tropojë të ambasadores amerikanë Yuri Kim.

Kam ardhur ne Tropojë sepse është një nga vendet e mia me të pëlqyera ne Shqipëri. E kam përmendur shpesh që familja e babait tim vjen nga malësitë dhe kur vi në Tropojë apo në veri të Shqipërisë me duket sikur jam me familjen time. Pas 3 vite e gjysme në Shqipëri ka ardhur koha të them mirupafshim.

Kam ardhur në Tropoje në Bajram Curr për të shprehur respektin tim për të thënë faleminderit

citohet zonja Kim.

Kryeministri i vendit Edi Rama ka nisur turin e falenderimeve. Është ndalur në Gjirokastër, ku bashkë me turzmin dhe drekat e bollshme që konsumon në bujtina apo restorante të cilët i promovon në Facebook, ka përsëritur zakonin e autokritikës. Kur mendon se ka zyra shteti, që ua përplasin njerzve derën në fytyrë, kur mendoj se kemi drejtues të shtetit, që sillen si bajraktarë në zyrat e shteti, kjo votë më duket një besim i ekzagjeruar i njerëzve që ka brenda një rrezik të madh, që ne nëse nuk e shpërblejmë këtë besim, mund të na kthehet në një goditje që askush nuk e imagjinon dot.