Të paktën mos t'i shpallim Miq të Shqipërisë!
Ka zënë sot vend në media një “lajm” për vizitën në Tropojë të ambasadores amerikanë Yuri Kim.
Kam ardhur ne Tropojë sepse është një nga vendet e mia me të pëlqyera ne Shqipëri. E kam përmendur shpesh që familja e babait tim vjen nga malësitë dhe kur vi në Tropojë apo në veri të Shqipërisë me duket sikur jam me familjen time. Pas 3 vite e gjysme në Shqipëri ka ardhur koha të them mirupafshim.
Kam ardhur në Tropoje në Bajram Curr për të shprehur respektin tim për të thënë faleminderit
citohet zonja Kim.
Është shumë e qartë se kjo mizaskenë bizantine është mesazh politik për Sali Berishën, kryetarin e Rithemelimit, i shpallur non grata prej 2 vjetësh dhe humbës I zgjedhjeve lokale. Është mesazhi se “ja ku humbe” dhe nuk vjen më në pushtet.
Është padyshim edhe një mesazh për qytetarët shqiptarë të cilëve u thuhet: mos votoni ata që SHBA i shpall non grata! A është ky manipulim aop devijim vote? Ndikim malinj në proceset e një vendi që duhet të zgjedhë lirshëm? Po ja lëmë zonjës Kim përgjigjen meqenëse preferon të përdorë apo të përdoret për lodra të tilla.
Si përfaqësuese e një vendi të madh, madje vendit kryesor sot në botë, një skenë e tillë do të duhet të shmangej. Dikush mund të thotë që zonja Kim zbaton politikën zyrtare të SHBA, por është pak e vështirë të besohet se dikush në Departamentin Amerikan të Shtetit të jetë kujtuar për të dhënë udhëzimin: Shko në Tropojë për t’i kujtuar Berishës që nuk e duam! Është më shumë një lojë personale e zonjës Kim, që e mbyll me njollë misionin e saj në Tiranë, sepse vetëm diplomate nuk ishte.
Ndaj për aq sa ka vlerë dhe rëndësi, është e udhës që pasuesi I saj të vërë sadopak në vend dinjitetin e nëpërkëmbur të përfaqësisë diplomatike në Tiranë që është shndërruar në një problem politik për Shqipërinë, e cila problemet e veta duhet t’i zgjidhë vetë. Votuesit folën, mençurisht si përherë dhe z. Berisha tashmë është jashtë shanseve për të qenë pjesë e vendimmarrjes në të ardhmen. Po themi dinjiteti sepse autoritetin ajo seli e ka për shkak të forcës që përfaqëson, por edhe forca me përfaqësues të tillë humbet shumëçka nga vlera e vet pse ngelet një instrument shterpë për një marrëdhënie që pretendohet strategjike.
Patjetër që kjo nuk e bën Sali Berishën ndonjë farë burri, sepse të jetë për të e pret Yuri Kim në zyrë e përhap fotot sa hap e mbyll sytë, por për aq sa ka mbetur nga kjo marrëdhënie që ka hyrë në rrugën e intoksikimit, është e udhës që njerëz si Kim të mos deklarohet vërdallë se janë Miq të Shqipërisë. Të na u kursejnë hipokrizinë që e dimë mirë sesi është.
s.zaimi
Comments
Gabimi ne gjykim, qe ju me sa
Gabimi ne gjykim, qe ju me sa duket e beni me dashje, eshte kjo prirja per te ndare Juri Kim si person me Juri Kim si perfaqesuese e nje shteti aleat, nje ndarje qe ne praktike nuk mund te ekzistoje. Sigurisht qe perceptimet personale te nje diplomati mund te behen shkak i politikes se jashtme te nje shteti ndaj nesh. Diplomati per kete pune eshte: te marre informacion, te percoje ate informacion atje ku duhet me sygjerimet perkatese. Por nuk ma do mendja qe qendrimet e nje shteti te formesohen ekskluzivisht nga opinionet e nje diplomati, sepse ata kane lobime, kanale formale e informale komunikimi. Dhe te thuash qe eshte Juri Kim balozi i zi nga pertej detit qe vjen per te ngrene gjergjelezalinjte tane, kjo eshte pertej naivitetit te autosugjestionuar.
Add new comment