Blloku Politikë

Hileja e reformës në drejtësi është zbuluar tashmë qartë. Ajo kamuflon nevojën për reformism të sistemit politk duke u kthyer në një alibi për atë që ka ndodhur deri më tani në Shqipëri dhe duke stigmatizuar në bllok një kategori të tërë. Në një takim të organizuar nga Instituti për Bashkëpunim dhe Zhvillim, me temë “Kontributi i Shoqërisë Civile në Progresin e Demokracisë”, e ka ku ka marrë pjesë edhe Delegacioni i BE-së në Shqipëri, është vënë theksi në disa çështjet që duhen trajtuar.

Dialogu i brendshëm  propozuar nga presidenti serb Aleksandër Vuçiç, ka riaktivizuar disa zëra që e ishohin njohjen e pavarësisë së Kosovës, si një akt realist dhe të pashmangshëm. Në një intervistë për gazetën “Blic”, shkrimtari serb, ish-ministër i Jashtëm, Vuk Drashkoviç, ka deklaruar se Serbia duhet të pranojë realitetin e Kosovës. Sipas tij Kosova e pavarur është fakt, ajo është njohur nga vendet kryesore të BE-së dhe të OKB-së, Gjykata Ndërkombëtare e Drejtësisë e ka cilësuar pavarësinë e saj si legale.

Gazeta “Dita” publikonte dje në faqen e vet online një letër që thuhet se është nënshkruar nga 93 veteranë dhe pasardhës veteranësh të Luftës Antifashiste Nacionaçlirimtare. Letra në fjalë sugjeron për autoritetet më të larta të vendit heqjen e monumentit të Ahmt Zogut dhe një referendum për rehabilitimin e figurës së Enver Hoxhës. Thuhet ndër të tjera në letër: 

Ministri teknik i Drejtësisë, Gazmend Bardhi pezulloi procedurat e miratimit të dorëheqjeve për të gjithë drejtuesit e hipotekave për të nisur një hetimi të  plotë administrativ mbi veprimtarine e tyre. Bardhi vlerëson  se zyrtaret  publikë  që shkelin ligjin dhe të drejtat e qytetarëve duhet të lagohen me masë disiplinore “shkarkim nga detyra” dhe jo me nje akt dinjiteti sic e cilëson ai dorëheqjen.

Një nga gjërat që e dallon politikën amerikane, apo atë të disa vendeve kryesore apo jo, është kultura e marrëdhënieve me publikun. Të cilës i kushtohet shumë rëndësi, aq sa zëdhënësat dhe këshilltarët dalin në konferenca për shtyp dhe u përgjigjen një sërë pyetjesh. Këtë praktikë e ka përforcuar shumë së fundmi edhe një vend si Rusia apo Kina, çka na provon se ndonëse jetojmë në epokën e komunikimit, asgjë nuk e zëvendëson kontaktin njerëzor. Madje konferencat për shtyp janë një mundësi për të korrigjuar të famshmet fake neës, për të izoluar rrugën e përhapjes së tyre.  

Samiti i Podgoricës mbajtur me iniciativën amerikane, rikonfirmoi angazhimin e SHBA-së në çështje të sigurisë për rajonin e Ballkanit Perëndimor. Nuk është e rastit që vizita e Pence në Mal të Zi formalisht u realizua nën ombrellën e Kartës së Adriatikut, një krijim amerikan për promovimin e anëtarësimit në NATO të vendeve të Ballkanit. Karta e Adriatikut u nënshkrua në Tiranë në vitin 2003  dhe që prej themelimit, nismës i janë shtuar edhe dy anëtarë, Mali i Zi dhe Bosnja, si dhe Kosova e Serbia në cilësinë e vendeve vëzhguese.

Ministria e jashtme përshëndeti marrëveshjen e nënshkruar mes Maqedonisë dhe Bullgarisë për fqinjësi të mirë dhe bashkëpunim, duke e cilësuar si një hap të duhur e të nevojshëm për marrëdhëniet mes dy vendeve dhe rajonit në përgjithësi. Ministri Ditmir Bushati shkruan në reagimin e tij se “kjo marrvëeshje bazohet edhe në kontributin e vazhdueshëm të popullit shqiptarë në Maqedoni por edhe faktorit politik shqiptarë atje” duke uruar të dy qeveritë për modelin e bashkëpunimit dhe vendosjen e marrëdhënieve të mira fqinjësore në rajon.

Në fillim drejtorët e hipotekave, sot drejtorët e spitaleve rajonave. Kryeministri Edi Rama ka kërkuar nga drejtuesit në fjalë marrjen e përgjegjësive administrative për dështimet dhe gjendjen skandaloze e cila në fakt është përgjegjësi qeverisëse. Megjithatë lëvizjet në fjalë kanë patur suksesin e vet në raport me qytetarët: edhe sikur të lexosh komente online vëren kënaqësinë dhe entuziazmin për këto shkarkime, që na japin të kuptojmë se deri ku ka mbërritur situata.

Pas prishjes së dy shtëpive në Dhërmi Athina zyrtare reagoi duke cilësuar se po prishen pronat e pakicës greke në shkelje të ligjeve. Nga pala shqiptare nuk u përgjigj kryeministri dhe as Ministria e Jashtme, por Ministria e Kulturës. Po kështu ndaj një deklarate të shoqatave të Himarës pati heshtje, ndërkohë që një deklarate të Presidentit grek, qeveria shqiptare iu përgjigj sërish me heshtje. Qëndrim ndaj mesazheve të Pavlopoulos mbajti vetëm një parti parlamentare, PDIU-ja.

Sot paradite syve të lexuesve të mediave online u është ngjitur në sy një përkthim I një shkrimi të Alastair Campbell, ish-këshilltar i kryeministrit Tony Blair. Fjalë të sheqerosura për Shqipërinë, drejtuar britanikëve që duhet të heqin dorë nga paragjykimet për vendin tonë dhe të vijnë e të pushojnë këtu. Fjalët përfshijnë mrekullinë e brigjeve shqiptare që sipas shkencës morfologjikisht, gjeologjikisht dhe për numër ditësh me diell, janë thuajse identikë me ato të Malit të Zi, Kroacisë dhe Greqisë.