Blloku Politikë

Me 74 mandate në sqetull kryeministri Rama ka marrë përsipër të orientojë edhe rolin e opozitës së re. Pas mbledhjes me ministrat në Llogara, ai ka komentuar edhe raportet që do ketë me dy partitë që kaluan në opozitë, njërën prej të cilave kërkoi me ngulm ta hiqte nga timoni i qeverisjes.

Asambleja e Partisë Socialiste shënoi praktikisht fillimin e qeverisë "Rama 2" që për nga fryma dhe modeli do të bazohet në një dekalog parimesh, të cilin kryeministri ua kërkoi të gjithëve ta varin në mur, në mos në qafë. 

Fjala e Ramës 

Në takimin informal të kryeministrave të rajonit në Durrës, që siç u tha ishte iniciativë e kryeministrit të Shqipërisë Edi Rama nuk munguan përqafimet, buzqëeshjet, sportiviteti dhe fotot relaksuese të asaj që mund të quhet elita udhëheqëse e politikës së Ballkanit, ky hyjnë Edi Rama, Ana Brnabiç, Zoran Zaev,  Isa Mustafa, Denis Zvizdiç, dhe Dushko Markoviç. Është prezantuar si elita që do bëjë kapërcimin e madh, nga llogoret konservatore të nacionalizmit dhe protagonizmit ballkanik në fakktorët eeuropianizes dhe pajtues të popujve të rajonit.

Komisioneri për Zgjerimin Johannes Hahn ishte i drejtëpërdrejtë dhe i qartë në mesazhin dërguar qeverisë shqiptare dhe në veçanti kryeministrit Rama. Gjatë konferencës së përbashkët për shtyp në Durrës në kuadër të takimit informal me kryeministrat e rajonit, Hahn nuk dha një datë për hapjen e negociatave dhe po ashtu ishte i prerë për të mos dëgjuar më asnjë justifikim për vonesën në reforma.

Ish-ministri i Jashtëm, Paskal Milo në një intervistë për gazetën “Shekulli”, komenton deklaratat e kryeministrin në takimin me ambasadorët dhe retorikën diskretituese që ai përdori ndaj trupit diplomatik. Ai thotë se diplomacia shqiptare ka vuajtur nga ineficenca e ushtrimit të diplomacisë ekonomike dhe  ky nuk është një zbulim i tanishëm. Sipas Milos, përgjegjësitë janë të shtetit shqiptar që nuk i ka krijuar mundësitë infrastrukturore dhe financiare shërbimit të jashtëm shqiptar të merret posaçërisht dhe me seriozitet me diplomacinë ekonomike.

Kryeministri Edi Rama është duke zhvilluar një takim me përfaqësuesit diplomatikë të Shqipërisë jashtë vendit. Kreu i qeverisë ka folur për rëndësinë e diplomacisë ekonomike e cila ka qenë sipas tij pa asnjë efekt. 

E kam pyetur veten: si ka mundësi që keni qenë kaq të leshtë për të ndjerë nevojën e domosdoshmërisë dhe sikcuar mënrat e nevojshme që ky vend që ndryshon me javë të përcillet jashtë ku na njohin pak dhe keq. Ne kemi bërë një vrimë në ujë…

tha ai. 

Diskutimi i rivendosjes së regjimit të vizave për qytetarët e Shqipërisë, nisur nga rritja e kriminalitetit shqiptar në Europë, ka implikime të mëdha edhe për heqjen e vizave për qytetarët e Kosovës. Kështu mendon analisti Augustin Palokaj, i cili përmes një opinioni në “Koha Ditore” shkruan se kjo që po ndodh aktualisht me Holandën, penalizon në masë të madhe qytetarësh. Palokaj thotë se heqja e vizave për Kosovën, por edhe rivendosja e tyre për Shqipërinë duken skenarë jorealë në një plan afatashkurtër, kjo thjesht për shkak të procedurave në BE.

Raporti i policisë dhe prokurorisë holalndeze mbi kriminalitetin shqiptar është shqetësim politik në Hollandë dhe debati po shtrohet në nivel politik. ABC News raporton për një  shkresë prej 12 pikash që deputetë të parlamentit ia kanë përcjellë ministrisë së Jashtme dhe asaj të Sigurisë, ku mes të tjerash kërkojnë sqarime përse Shqipërisë i është dhënë statusi i vendit kandidat, kur nuk ka përmbushur kushtet.

Ndikimin në rritje të Turqisë, Rusisë, dhe madje edhe  të Arabisë Saudite në Ballkan paralajmëroi ministri i Jashtëm austriak, Sebastian Kurz, duke  bërë thirrje për përshpejtimin e procesit të aderimit të rajonit në Bashkimin Evropian, në mënyrë që të qëndrojnë brenda Turqisë dhe Rusisë.

Teksa në Tiranë flitet për afrimin me Europën dhe hapjen së shpejti të negociatave me Bashkimin Europian, në Brukesl Shqipëria po diskutohet si një vend kandidat për në karantinën e atyre që nuk meritojnë lëvizjen e lirë.