Blloku Bota

Presidenti serb Aleksandër Vuçiç ka luajtur sërish me mesazhet ndaj Europës duke shfrytëzuar një takim të tijin me kryeministrin e Belgjikës, Charles Michel. Ky i fundit ka qenë në Beograd pas vizitës që zhvilloi në Tiranë, e ku në një konferencë për shtyp me homologun shqiptar, Edi Rama, la të kuptohej se vendimi për hapjen e negociatave është ende në process shqyrtimi. Nga ana e tij, Vuçiç ka hedhur tezën se “Michel ka sjellë disa propozime të reja” të cilat siç tha ai do të bëhen publike kur të integrohen si pjesë e politikave të BE-së.

Zbulimi në Iran i një trupi të mumifikuar afër ish-mauzoleumit mbretëror ka ngritur dyshimet për gjetjen e kadavrës së ish-Shahut Reza Pahlavi, themelues i dinastisë Pahlavi. Mediat citojnë Hassan Khalilabadi, kryetar i Këshillit të Qytetit në Teheran i cili ka ngritur hipotezën se mund të jetë fjala për trupin e Shahut të dikurshëm të Iranit. Trupi u zbulua gjatë punimeve për ndërtimin e një faltoreje Shiite në Teheran.

Reza Pahlavi vdiq në ekzil dhe djali i tij, Mohammad Reza Shah erdhi në pushtet deri në vitin 1979.

Ish-kryeredaktori i Breitbart, media e së djathtës ekstreme në SHBA, Milo Yiannopoulos, është detyruar të dalë nga një lokal në Mangatan, pasi një grup klientësh nisën të thërrasin: Plehrë naziste, dil jashtë. Ata u identifikuan si anëtarë të Partisë Demokratike Socialiste të SHBA dhe kanë detyruar Yiannopoulos të largohet. Ai konsiderohet si një zë provokator dhe radikal. 

E quajnë “Marine Le Pen e Turqisë" për shkak të përfshirjes për shumë vite në partinë e ekstremit të djathtë MHP.

Po ashtu ajo është kthyer në makthin e Erdogan në rrugën drejt rizgjedhjes. Jo sepse do të ketë një përqindje të barabartë me presidentin aktual, por për shkak se në qoftë se tejkalon 10% ju mund të kontrollojë përparimin triumfin e një presidenti suprem.

Revista Spiegel në një koment për zgjedhjet e parakohshme në Turqi thotë se ky vendim është shenjë e pasigurisë së Erdogan për të ardhmen e tij politike.

Turqia ka akuzuar Bashkimin Europian se po favorizon vendet ballkanike me politikën e vet të zgjerimit. Ambasadori i Turqisë në BE, Faruk Kaymakci ka deklaruar në një intervistë për Euractiv se BE-ja po injoron vështirësitë e Turqisë dhe po dështon në ofrimin e një perspektive të qartë pranimi për Ankaranë.

Rusia nuk jep më garanci për integritetin territorial të Sirisë. Në një deklaratë që raportohet fillimisht nga agjencia, Interfax, zv.ministri i Jashtëm rus, Sergei Ryabkov, citohet të jetë shprehur se evoluimi i situatës në Siri nuk është i parashikueshëm.

“Ne nuk e dimë sesi do të zhvillohet situata në kuptim të asaj nëse është e mundur që Siria të qëndrojë më si një vend i vetëm”, tha Ryabkov.

Presidenti i Ugandës, Yoweri Museveni ka paralajmëruar publikisht qytetarët e vendit të vet se ka ndërmend të ndalojë seksin oral. Sipas tij praktika të këtilla promovohen nga të huaj, ndërkohë që ka shtuar fare qartë mendimin e tij për funksionet parësore të organeve:

Goja është për të ngrënë, jo për seks. Ne e dimë ku është seksi, ne e dimë adresën e tij

tha ai.

Më herët ai ka ndërmarrë nisma edhe kundër komunitetit homoseksual duke cilësuar të gjitha këto si praktika të gabuara.

Turqia do të mbajë zgjedhje të parakohshme më 24 Qershor. Ato u njoftuan nga presidenti Erdogan pas një vendimi të konsultuar me organet drejtuese të partisë së tij dhe kreun e Partisë Nacionaliste (MHP) Devlet Bahçeli

Presidenti turk tha se pavarësisht referendumit të vitit të kaluar, sistemi i ri presidencial nuk mund të zbatohej plotësisht deri në zgjedhjet e 2019, kështu që ky mosfunksionim i administratës krijonte pengesa.

Japonia ka publikuar emrat e anëtarëve të Njësisë 731, e cila është e famshme për eksperimentet që kryente mbi civilët kinezë në vitet ’30-40. Njësia synonte zhvillimin e armëve biologjike dhe sipas dëshmive të publikuara, ajo përdorte njerëz për të testuar efektet e provave që bëheshin me bacilë të ndryshëm.