Blloku Bota

Kërcënime në adresë të Shteteve të Bashkuara lëshoi presidenti rus Vladimir Putin gjatë fjalimit në parlament, në kundërpërgjigje të vendimit të SHBA për t’u tërhequr nga marrëveshja bërthamore e vitit 1987.

Putin vuri në dukje se Rusia do të detyrohet të veprojë, nëse SHBA-të do të zhvillojnë sisteme raketore në Europë duke shtuar se "Raketat e Rusisë do të kenë në shënjestër jo vetëm ato vende të cilat kanë instaluar raketa amerikane, por edhe vetë SHBA-të. Le të masin shpejtësinë dhe gamën e raketave tona, nëse mund të llogarisin"- deklaroi Putin.

Një fjalim i presidenti egjiptian, Abdel Fatah al-Sisi në Konferencën e Sigurisë në Mynih, po interpretohet si shenjë se Kajroja zyrtare ka ndërmend të lëvizë në njohjen e atij që quhet si Genocidi Armen.

Në Egjipt ne kemi 5 milionë refugjatë, të regjistruar ose të paregjistruar që nuk jetojnë në kampe. Ata janë trajtuar sikurse bëmë me armenët 110 vjet më parë, kur Egjipti i mirëpriti ata pas genocidit

citohet Sisi.

Udhëheqja e Partisë Komuniste të Kinës këmbëngul t’i referohet marksizmit si një ideologji zyrtare. Megjithatë, Pekni akuzohet gjithashtu për përndjekje të studentëve marksistë që mbrojnë të drejtat e punëtorëve

Duke folur në zyrën e studimeve politik të PKK-së, krei i saj Ji Xi Ping analizoi nevojën për të kuptuar të vërtetën mbi marksizmin dhe rëndësinë e tij për socializmin sipas karakteristikave kineze. Ai theksoi rëndësinë e studimit të veprave të marksizmit dhe argumentoi se Partia Komuniste e Kinës është trashëgimtari shpirtëror i Manifestit Komunist.

Vendimi i Shteteve të Bashkuara të Amerikës për të tërhequr trupat nga Siria ka krijuar situatë cilësisht të re në vend, por edhe në rajon. Pikëpyetja e parë që është shtruar brenda vetë politikës amerikane është se çfarë do të ndodhë me kurdët të cilët kontrollojnë 1/3 e territorit sirian dhe kanë qenë aleatët më të mirë të SHBA deri më tani.

Dy ditë më parë mediat e rajonit qarkulluan një letër që presidenti amerikan Donald Trump i ka dërguar homologut serb, Aleksander Vuçiç, përmes së cilës kërkon njohjen e Kosovës. Ky tekst, ku nuk përmendet ndonjë kusht specific për dialog, e zhvendosi në plan të dytë çështjen e shumëdiskutuar të tarifës 100% mbi mallrat serbe që mbahet nga qeveria e Kosovës. Arsyeja është e thjeshtë: Njohja e Kosovës është qëllimi dhe në fund pa të asnjë lloj dialogu nuk ka kuptim. Që këtej merr shumë kuptim edhe qëndresa e qeverisë së z. Haradinaj.

Mediat greke kanë publikuar një seri mesazhesh kërcënuese që ish-ministri i Jashtëm grek Nikos Kotzias  mori në telefonin e tij celular nga Panos Kammenos, ish-ministër i Mbrojtjes në qeverinë Tsipras. 

Këshilli i Europës ka miratuar një paketë konkluzionesh mbi diplomacinë klimatike. KE vë në dukje se ndryshet klimatike përbëjnë një kërcënim të drejtpërdrejtë dhe ekzistencial, i cili nuk do të kursejë asnjë vend. Megjithatë, pavarësisht ndikimeve të shumta shkatërruese që kanë pasur ndryshimet klimatike, veprimi për ta penguar progresin e këtyrë të fundit mbetet i pamjaftueshëm.

Presidenti amerikan, Donald Trump u kërkon aleatëve evropianë të "kthejnë" nga Siria më shumë se 800 xhihadistë të Shtetit Islamik dhe t’i dënojnë. "Kalifati është gati të bjerë" shkruajti presidenti amerikan në një mesazh në Tëitter.

 “Zgjidhjet alternative nuk janë më të mirat, ne do të jemi të detyruar t’i lëmë ata të lirë ..."-shtoi më tej kreu i Shtëpisë së Bardhë. Forcat siriane Demokratike (SDF) kanë rrethuar nga të gjitha anët luftëtarët e Shtetit Islamik në një lagje të fshatit Bagouz pranë kufirit me Irakun.

Protestat e jelekëve të verdhë në Francë kanë provokuar edhe incidente me sfond racist. Pjesë e tyre është bërë edhe filozofi i njohur franko-hebre, Alain Finkielkraut, i cili është sulmuar verbalisht nga disa të rinj në Paris. Pamjet video tregojnë filozofin në një situatë shumë të sikletshme dhe të pashpjegueshme në sytë e tij, teksa policia e shoqëron deri sa largohet.

Mediat serbe raportojnë për një letër të presidentit amerikan Donald Trump, dërguar homolgut të tij serb, Aleksander Vuçiç me rastin e festës kombëtare të Serbisë.

Shtetet e Bashkuara mbeten të patundura në përpjekjen tuaj të shenjtë për të thelluar bashkëpunimin rajonal. Veçanërisht në çështjen e normalizimit të marrëdhënieve më Kosovën. Një marrëveshje historike, me një pranim të ndërsjellë në thelb, do të ndërtonte rrugën e Serbisë drejt zhvillimit ekonomik dhe integrimit në BE

citohet letra e Trump.