Blloku Bota

Pranimi i një fitoreje hipotetike të Rusisë do të ishte fatale për Bashkimin Europian, sipas ish-kryeministrit Italian, Mario Draghi. Në një bisedë me studentët e MIT në Boston, Draghi është shprehur se  pushtimi i Ukrainës nuk ishte një akt i paparashikueshëm çmendurie, por një hap i paramenduar nga Vladimir Putin dhe një goditje e qëllimshme për BE-në.

Kryeministri i Kosovës, Albin Kurti, ka deklaruar sot në një intervistë për “France24” se një ndër arsyet pse ka aktualisht tension është skualifikimi i tezës së shkëmbimit të territorit, eufemizëm për ndarjen e Kosovës siç tha ai, dhe fakti se Beogradi nuk do të zbatojë marrëveshjet e arritura sepse në thelb ato implikojnë njohjen de facto.

Shtetet e Bashkuara kanë pasur informacion mbi një sulm të planifikuar ukrainas mbi tubacionet e gazit natyror Nord Stream tre muaj përpara se ato të dëmtoheshin shtatorin e kaluar. Lajmin e bën të ditur The Washington Post.

Universiteti i Kembrixhit po u mëson studentëve se anglo-saksonët nuk kanë ekzistuar kurrë si grup i veçantë etnik, në një përpjekje për të "çmontuar... mitet" e nacionalizmit anglez, raporton “The Telegraph”. Akademikët liberalë e kanë kritikuar prej kohësh këtë term për asociacionin që krijon me të qenit i bardhë.

Robert Keohane ishte një nga të parët që sfidoi teorinë e "stabilitetit hegjemonik", ku pushteti nuk është më monopoli i një vendi hegjemonik, por shpërndahet përmes ndërvarësisë së shteteve. Profesori emeritus në Universitetin Princeton, në një intervistë me “Kathimerini”-n shpjegon se si lufta në Ukrainë e ka minuar fuqinë e institucioneve ndërkombëtare. A është rënia e fuqisë ruse faktori që e bën Rusinë edhe më të rrezikshme?

Një ditë pasi ministri rus i Mbrojtjes, Sergei Shoigu, akuzoi Ukrainën për hedhjen në erë të digës së Kakhovkas, zëdhënësja e Ministrisë së Jashtme, Maria Zakharova, ka përsëritur akuzën duke bërë thirrje për hetim ndërkombëtar.

Ky me të vërtetë që duhet të jetë objekt i një studimi, kërkimi dhe hetimi botëror. Reagimi i Perëndimit në të gjitha situata si kjo është 100% i parashikueshëm. Ka një dëshirë të pafundme për të fajësuar Rusinë për çdo gjë që ndodh, pavarësisht nëse ka ndodhur apo nëse është fiksion

Dy ndërmjetësit perëndimorë për krizën në Kosovë, Escobar dhe Lajçak, kanë deklaruar pas takimit me Aleksander Vuçiç se presidenti serb është i gatshëm të kontribuojë në zgjidhjen e saj. Asnjë fjalë për përgjegjësitë të cilat i kërkuan vazhdimisht në Kosovë dhe Prishtinë.

Pjesa më e madhe e rrjetit të shpërndarjes së ujit në Itali është më shumë se 30-vjeçare. Italia harxhon në vit aq ujë sa do t’u mjaftonte 43 milionë njerëzve, sipas Institutit Kombëtar Italian të Statistikave.

Për shkak të infrastrukturës së vjetër, 42 për qind e ujit të pijshëm humbi vitin e kaluar. Rreth një e katërta e rrjeteve të vendit janë mbi 50-vjeçare dhe 60 për qind kanë qenë në funksion për më shumë se 30 vjet.

I Dërguari amerikan për Ballaknin Perëndimor, Gabriel Escobar, ka bërë të gjitha përpjekjet për të sqaruar opinionin publik në Kosovë se SHBA-të nuk po mbështesin Serbinë, por se në kuadër të ndërmjetësimit ata po hasin probleme me mosbashkëpunim nga ana e kryeministrit të Kosovës.

Dje në media apo profile të ndryshme serbe në mediat sociale u shfaqën foto të ushtarëve të KFOR-it që hiqnin telat me gjemba të vënë në një nga komunat serbe në veri të Kosovës pas shpërthimit të protestave.

Mesazhi nuk ka nevojë të interpretohet: serbët nuk kanë gjë me KFOR-in.

Sot miqësia mes serbëve dhe KFOR-it ka shkuar edhe më tej: në mediat serbe qarkullojnë video të lojërave sportive mes ushtarëve të KFOR-it dhe banorëve serbë të zonave të veriut.