Blloku Bota

Në një postim në tuiter ish-ministri i Jashtëm i Kosovës, Petrit Selimi citon burime nga BE-ja sipas të cilave të paktën 3 shtete anëtare po përgatisin paketë për ndërprerej të fondeve IPA për Kosovën dhe pezullim të liberalizimit të vizave.

Postimit i është përgjigjur raportuesja për Kosovën, Viola von Cramon që deklaron se nuk e ka dëgjuar një lajm të tillë, por prekja e këtyre dy elementëve as mund të imagjinohet.

Lidhur me situatën e krijuar në Veri të Kosovës ka reaguar sot sekretari amerikan iShtetit, Anthony Blinken. Ndër të tjera ai shprehet: 

Aleksander Vuçiç duket se ka gjetur një mënyrë për të amortizuar me diplomaci të deleguar gabimin e bërë në Veri të Kosovës. Duke qenë se nuk mund të dënojë dhunën e njerëzve të vet, duke qenë se KFOR u sulmua në mënyrë të paprovokuar, pala serbe ka vënë në lëvizje Kishën. 

Një valë e re sanksionesh ishte ndëshkimi i Bashkimit Europian për Gardën Revolucionare të Iranit pas shtypjes brutale të protestave që pasuan vdekjen e 22-vjeçares Mahsa Amini, e cila ishte arrestuar për mosmbajtjen e shamisë.

Në listën e zezë të BE tani janë më shumë se 200 individë dhe 37 entitete. Pesë emra të rinj iu shtuan listës më 22 maj, përfshirë prokurorin e qarkut Sirjan Moshen Nikvarz; Komandantin e policisë së Teheranit Salman Adinehvand; dhe sekretarin e Këshillit Suprem të Iranit për Hapësirën Kibernetike, Seyyed Mohammad Amin Aghamiri.

Ministri i Brendshëm i Turqisë, Süleyman Soylu, është shprehur gjatë një tubimi më 27 maj 2023 në Stamboll, se autoritetet turke me në krye presidentin Erdogan, do të asgjësojnë dhe largojnë nga vendi këdo që trazon Turqinë përfshirë trupat amerikane.

Na quani frikacakë nëse nuk e bëjmë këtë brenda pesë viteve

shihet të jetë shprehur ai.

Video është qarkulluar në tuiter dhe përcjell një mendim të konsoliduar në mjediset politike turke që e kanë antiamerikanizmin të spikatur. Soylu është një ndër zërat më kritikë kundër SHBA.

Ambasadori amerikan në Prishtinë, Jeffrey Honevier ka dalë në një konferencë për shtyp gjatë së cilës ka deklaruar se përgjegjëse kryesore për këtë që ndodhi në veriun e Kosovës është qeveria e Albin Kurtit. Honevier është shprehur i acaruar me atë që duket se është një rrëmujë ballkanike të cilën duhet ta menaxhojë SHBA. Ai madje ka shkuar edhe më larg kur ka njoftuar se SHBA nuk ka më aktualisht angazhimin për të mbështetur Kosovën në njohjet e mëtejshme nga vende të tjera apo avancimin në rrugën euroatlantike.

SARS-Cov-2 mund të ketë dalë nga laboratori. Ish-kreu i Shëndetit Publik të Kinës e lë të hapur këtë mundësi, në një intervistë për BBC, më shumë se 3 vjet pasi u regjistruan në Vuhan rastet e para të virusit që më pas pushtoi botën.

"Gjithmonë mund të dyshosh për çdo gjë. Kjo është shkenca", tha George Gao, ish-drejtori i Qendrës së Kinës për Kontrollin dhe Parandalimin e Sëmundjeve (CDC) në një intervistë për BBC.

“Të mos përjashtojmë asgjë”, shtoi ai.

Komanda e Bashkuar Aleate në Napoli të Italisë ka njoftuar shtimin e trupave të NATO-s në Kosovë. Përmes një deklarate të lëshuar më 30 maj, NATO njofton se është urdhëruar dislokimi i Forcave të Rezervës Operacionale, që kanë qenë në gatishmëri prej shtatë ditësh.

Po kështu, atyre do t’u shtohet një battalion shumëkombësh rezervë që do të mund të vijë në ndihmë të KFOR-it nëse do të jetë e nevojshme.

Kreu i qendrës serbe “Demostat”, Zoran Panović, citohet të jetë shprehur se Serbia aktualisht nuk duhet të hyjë në konflikt me KFOR-in në Kosovë, për shkak se do të jetë ky i fundit forca e sigurisë për serbët.

Problemi për Serbinë është se ndodhet në një hapësirë manovrimi që është shumë e vështirë të funksionojë. Mendoj se presidenti Vuçiç tha se serbët nuk duhet të hyjnë në konflikt të hapur me KFOR-in pasi këto janë forcat që duhet të garantojnë sigurinë e serbëve

Presidenti serb Aleksander Vuçiç ka deklaruar sot gjatë një takimi me ambasadorin rus në Beograd, Karchenko, se do të kërkojë masa shtesë sigurie për serbët e Kosovës si parakusht për vijimin e dialogut.

Kjo është në fakt edhe pika fundore e qëndrimit serb meqenëse përbën një kërkesë për delegjitimin e autoriteteve të Kosovës, por edhe misioneve ndërkombëtare në Kosovë pas një dhune që u realizua nga njësi të Beogradit.